1 Сійӧ кадас висьмис Еровамлӧн Авий пиыс.
Господь ыстіс чорыд висьӧм Давидлӧн кагалы, кодӧс сылы чужтіс Урийлӧн гӧтырыс.
Филистимсаяс суӧдісны Саулӧс да сылысь пиянсӧ. Найӧ виисны Сауллысь Ионафан, Авинадав да Малкисуй пиянсӧ.
Эн копрась да эн юрбит налы, ӧд Ме, Господь, тэнад Ен – вежӧгтысь Ен. Батьныслӧн мыж вӧсна Ме водзӧс перъя Менӧ мустӧмтысь челядьыслысь коймӧд да нёльӧд чужанвужйӧдз.
Еровам шуис гӧтырыслы: «Пасьтась сідзи, мед некод оз тӧд, мый тэ менам гӧтыр, да ветлы Силомӧ. Сэні олӧ Ахий нима пророк. Буретш сійӧ юӧртліс меным, мый ме лоа ӧксыӧн Израиль войтырлы.
Седекей ӧксы тшӧктіс вайӧдны Еремейӧс. Сійӧс вайӧдісны ӧксы керкаӧ, и ӧксы гусьӧн юаліс сылысь: «Вӧлі-ӧ Господьсянь кыв?» «Вӧлі, – вочавидзис Еремей. – Тэнӧ лоӧ сетӧма вавилонса ӧксы киӧ».
