Ӧксыяслӧн 3 небӧг 13:7 - Коми Библия 2023

⁷ Сэсся ӧксы шуис Енлӧн мортлы: «Лок мекӧд, мунам менам гортӧ, ме тэнӧ верда-юктала, нӧшта тэныд козин сета».

Ӧксыяслӧн 3 небӧг 13:7 Referans Kwoze

Ӧксыяслӧн 4 небӧг 5:15

Нееман аслас йӧзкӧд бӧр локтіс Енлӧн морт дінӧ, сувтіс сы водзӧ да шуис: «Ӧні ме тӧда, мый му вылас эм сӧмын ӧти Ен – тайӧ Израильлӧн Ен. Босьт месянь, аслад кесйӧгсянь, тайӧ козинсӧ».

1 Петыр 5:2

видзӧй тіянлы сетӧм Енлысь йӧз чукӧрсӧ. Тӧждысьӧй на вӧсна нимкодьпырысь да Енлы шогмана ногӧн, энӧ мырдӧнпырысь. Вӧчӧй тайӧс сьӧлӧмсяньныд, а энӧ аслыныд мыйкӧ куралӧм могысь.

Малакий 1:10

Бурджык, тіян пиысь кӧ кодкӧ йигналас крамлысь ӧдзӧссӧ, медым весьшӧрӧ энӧ сотӧй бисӧ Менам висьпуктанін вылын. Ті Меным абу шогманаӧсь, – висьталӧ Господь Саваоф, – и тіянлысь вайӧмторъяснытӧ Ме ог сибӧд.

Еремей 40:5

Еремей эз на удит муннысӧ, Навузардан нӧшта содтіс: «Тэ верман мунны Шафан Ахикамлӧн Гедалий пи дінӧ. Вавилонса ӧксы пуктіс сійӧс веськӧдлыны иудаса каръясӧн. Ов сылӧн веськӧдлӧм улын тайӧ войтырыс пӧвстын либӧ мун, кытчӧ кӧсъян». Ӧксыӧс видзысьяслӧн юралысь сетіс Еремейлы сёян-юан, козин да лэдзис сійӧс.

Ёрдысьяс 19:21

Пӧрысь морт вайӧдіс левитӧс гортас, тшӧтш вердіс сылысь осёлъяссӧ. Локтысьяс мыськалісны кокнысӧ да сёйисны-юисны.

Ёрдысьяс 13:15

Маной шуис Господьлӧн анделлы: «Эн мун, олышт на да сёй миянкӧд. Ми тэныд кӧзапиӧс дасьтам».

Олӧм 18:5

Ме вая тіянлы нянь. Нуръясянныд да, сэсся верманныд водзӧ мунны асланыд кесйӧг дінысь». Найӧ шуисны сылы: «Вӧч, кыдзи шуин».

Ӧксыяслӧн 3 небӧг 14:3

Босьт аскӧдыд [Енлӧн мортлы] дас тупӧсь нянь, сӧчӧн, ма доз да мун сы дінӧ. Сійӧ висьталас, мый лоӧ миян пикӧд».