Ӧксыяслӧн 3 небӧг 13:2 - Коми Библия 2023

² Сійӧ горӧдӧмӧн шуис висьпуктанінлы Господьлысь кывсӧ: «Висьпуктанін, висьпуктанін! Господь тадзи висьталӧ: ”Давид рӧдын чужас Иосей нима пи. Мылькъяс вылын кесъялысь попъясӧс сійӧ ваяс вись пыдди тэ вылын, сотас тэ вылын тшынӧдчысьяслысь лыяссӧ”».

Ӧксыяслӧн 3 небӧг 13:2 Referans Kwoze

Езекиль 36:1

«Морт пиӧй, пророкав Израиль керӧсъяслы: Израиль керӧсъяс, кывзӧй Господьлысь кывсӧ!

Лука 19:40

Исус воча шуис: «Висьтала тіянлы: найӧ кӧ ланьтасны, изъяс шыасясны».

Езекиль 38:4

Ме пысала вугыр вомкӧтшад, бергӧда да кыска тэнӧ да став тышкайӧзтӧ вӧвъяснас. Верзьӧмаясыд да мукӧд тышкайӧзыд пасьтасьӧмаӧсь тышкасян кӧлуйӧ, найӧ петасны шыпуртъясӧн, ыджыд да ичӧт сайӧдъясӧн.

Езекиль 36:4

Та вӧсна, Израиль керӧсъяс, кывзӧй Господь Ыджыдлысь кывсӧ, мый Сійӧ висьталӧ керӧс-ыбъяслы, ковтыс-сёнъяслы, овтӧминъяслы да эновтӧм каръяслы – тіянлы, кодъясӧс тіян гӧгӧр олысь войтыръяс куштӧны да сералӧны-лёкӧдӧны.

Еремей 22:29

– Иуда му да сэні олысьяс, кывзӧй Господьлысь кывсӧ!

Исай 58:1

Горзы гораджыка, эн кут асьтӧ, буксан шы моз гораа горзы! Инды Менам войтырлы налӧн лёк уджъяс вылӧ, инды Яков рӧдлы налӧн мыжъяс вылӧ.

Исай 46:10

Водзысяньыс Ме юӧрта тіянлы, мый лоӧ, водзвыв висьтала тіянлы сы йылысь, мый эз на вӧв. Ме висьтала тіянлы: Менам мӧвпыштӧмӧй збыльмас, Ассьым кӧсйӧмӧс Ме пӧрта олӧмӧ.

Исай 42:9

Сійӧ, мый Ме висьталі, збыльмис, а ӧні Ме юӧрта локтанаыс йылысь, висьтала тіянлы, мый эз на ло.

Исай 1:2

Кывзы, енэжыс, кывзы, муыс! Господь тадзи висьталӧ: – Ме быдті челядьӧс, но найӧ кыпӧдчисны Меным паныд.

2 Каднебӧг 34:1

Ӧксыӧ пуксигас Иосейлы вӧлі кӧкъямыс арӧс. Комын ӧти во чӧж сійӧ юраліс Ерусалимын.

Ӧксыяслӧн 3 небӧг 13:32

Инас ставыс, мый Господьлӧн тшӧктӧм серти сійӧ шуис Вефильӧ сувтӧдӧм висьпуктанін йылысь да самарияса вись ваян мылькъяс вылын сулалысь юрбитанінъяс йылысь».

Индӧд 32:1

– Кывзы, енэжыс, мый ме висьтала, кывзы, муыс, менсьым кывъясӧс.

2 Каднебӧг 34:3

Аслас кӧкъямысӧд ӧксыалан воӧ, кор сійӧ вӧлі дзик на том, сійӧ кутіс корсьны аслас Давид пӧльлысь Енсӧ. А дас кыкӧд веськӧдлан воӧ сійӧ пондіс сӧстӧммӧдны Иуда му да Ерусалим кар. Сійӧ бырӧдіс вись ваян мылькъяс, юрбитан пуяс, идолъясӧс да бӧлбанъясӧс.

Еремей 1:2

Иудаса Иосей ӧксылӧн, Амон пилӧн, дас коймӧд веськӧдлан воӧ Еремейлы вӧлі Господьсянь кыв.