Ӧксыяслӧн 3 небӧг 12:31 - Коми Библия 2023

³¹ Еровам сувтӧдаліс мылькъяс вылын юрбитанінъяс да индіс войтыр пӧвстысь попъясӧс, кодъяс эз вӧвны Левий чужанкотырысь.

Ӧксыяслӧн 3 небӧг 12:31 Referans Kwoze

2 Каднебӧг 13:9

Господьлысь попъясӧс – Ааронсянь чужысьясӧс – да левитъясӧс ті вӧтлінныд. Мукӧд войтыръяс моз ті асьныд пуктінныд аслыныд попъясӧс. Быдӧн, коді локтӧ асьсӧ вежӧдӧм могысь да вайӧдӧ ӧшкӧс да сизим межӧс, сійӧ и лоӧ ылӧг енъяслӧн попӧн.

Ӧксыяслӧн 4 небӧг 17:32

Тайӧ войтыръясыс юрбитісны Господьлы, но индісны аслыныс попъясӧс, медым найӧ кесъялісны вись ваян мылькъяс вылын.

Лыд 3:10

Ааронлы пияныскӧд тшӧкты [видзӧдны вежа чом бӧрся да] кесъявны попъясӧн. [Найӧ мед видзӧдасны ставыс бӧрся, мый эм висьпуктанін гӧгӧр да Вежаинын ӧшалысь дӧра сайын.] Но бокыса морт кӧ матыстчас вежа чом дорӧ, сійӧс лоӧ виӧма».

Осий 12:11

Галаад тырис лёкнас, сэтчӧс олысьяс лоины шогмытӧмӧсь. Галгалын начкисны ӧшъясӧс, медым вись вайны, но налысь висьпуктанінъяссӧ жугласны, найӧ лоӧны гӧрӧм му вылын туплясьысь из чукӧръяс кодьӧсь.

Езекиль 16:25

да быд туйвежӧ. Тэ янӧдін ассьыд мичлунтӧ, быд ветлысь-мунысьлы паськӧдлін коктӧ да унджык на кырсалін.

Ӧксыяслӧн 3 небӧг 13:24

Енлӧн морт петіс туйӧ. Туй вылас сы вылӧ уськӧдчис лев да косявліс сійӧс. Сылӧн шойыс куйліс туй вылын, а лев да осёл сулалісны орччӧн.

Индӧд 24:15

Вештысь сылы шонді пуксьытӧдзыс сійӧ жӧ лунӧ, ӧд гӧльлун вӧснаыс сійӧ виччысьӧ ассьыс удждонсӧ. Он кӧ вӧч тадзи, сійӧ шыасяс Господь дінӧ, норасяс тэ вылӧ, и тэ мыжа лоан.

Ӧксыяслӧн 4 небӧг 17:29

Но быд локтысь войтыр аслас карын вӧчис ассьыс енмӧс да сувтӧдіс сійӧс вись ваян мыльк вылын сулалысь юрбитанінӧ. Тайӧ юрбитанінъяссӧ коркӧ вӧчлісны самарияса олысьяс.

Амос 7:10

Вефильса Амасей поп мӧдӧдіс мортӧс израильса Еровам ӧксы дорӧ висьтавны: «Амос кыпӧдӧ Израиль войтырӧс тэныд паныд. Сылӧн сёрниыс бырӧдас мутӧ.

Ӧксыяслӧн 3 небӧг 14:23

Джуджыд мылькъяс вылын да пашкыр пуяс улын найӧ вӧчисны аслыныс юрбитанінъяс, сувтӧдісны юрбитан изъяс да юрбитан пуяс.

Ӧксыяслӧн 4 небӧг 17:28

Самарияысь пленӧ нуӧдӧм попъясысь ӧти поп бӧр локтіс Самарияӧ да овмӧдчис Вефильӧ. Сійӧ пондіс велӧдны йӧзсӧ овны Господьысь полӧмӧн.