Ӧксыяслӧн 3 небӧг 12:13 - Коми Библия 2023

¹³ Ӧксы сёрнитіс накӧд чорыда. Сійӧ ӧтдортіс юрнуӧдысьяслысь туйдӧдӧмсӧ,

Ӧксыяслӧн 3 небӧг 12:13 Referans Kwoze

Яков 3:17

Но вылісянь сетӧм мывкыдлуныс – медвойдӧр сӧстӧм, сэсся лӧнь, рам, кывзысьысь, тырӧма буралӧмӧн да бур уджъясӧн. Сійӧ оз торйӧд мортӧс чужӧм вылӧ видзӧдӧмӧн, сійӧ ставсӧ вӧчӧ сьӧлӧмсяньыс.

Еклесиаст 10:12

Мывкыдалӧн сёрниыс сьӧлӧм вылад воӧ, вежӧртӧмлӧн вомыс асьсӧ виӧ.

Шусьӧгъяс 18:23

[Шань] гӧтырӧс аддзысь шуд аддзӧ, сылы Господьсянь бурыс вичмӧ. [Шань гӧтырсӧ эновтысь шудсӧ эновтӧ, кырсалысь анькӧд олысь – вежӧртӧм да мыжа.]

Шусьӧгъяс 13:20

Кӧсйӧмыд кор збыльмӧ, сьӧлӧмыд нимкодясьӧ, вежӧртӧм оз кӧсйы эновтны лёксӧ.

Шусьӧгъяс 10:32

Веськыда олысьлӧн кывъясыс шогманаӧсь, лёк вӧчысьлӧн – пежӧсь.

Шусьӧгъяс 10:11

Веськыда олысьлӧн вомысь олӧм визувтӧ, а Ентӧг олысьлӧн вомыс лёкӧн тырӧма.

Ӧксыяслӧн 2 небӧг 19:43

Израильсаяс воча шуисны налы: «Ми ӧксылӧн дас чужанкотырыс. Ёнджыкасӧ сійӧ миян ӧксы, абу тіян. [Медводдза чужысьсянь петім ми, а энӧ ті.] Ті миянӧс нинӧмӧ пуктінныд. Ми ӧд водзджык шуим ӧксынымӧс бӧр вайӧдны». Но израильсаяс эз вермыны венны Иуда войтырӧс.

Ӧксыяслӧн 1 небӧг 20:10

Давид юаліс: «Батьыд кӧ скӧрысь вочавидзас тэныд, кыдзи ме тӧдмала та йылысь?»

Петӧм 10:28

Фараон шуис Мӧисейлы: «Мун ме дінысь! Син водзӧ эн петкӧдчы. Тӧд, мый сійӧ лунӧ, кор локтан ме дінӧ, тэ кулан».

Петӧм 5:2

Но фараон вочавидзис: «Коді сійӧ Господьыс, медым ме кывзыси Сылысь да лэдзи Израиль войтырӧс? Ме ог тӧд Господьӧс, и Израиль войтырӧс ме ог лэдз».

Олӧм 42:30

«Сэтчӧс муын ыджыдалысьыс сёрнитіс миянкӧд скӧра. Сійӧ чайтіс, мый ми кыйӧдчысьяс.

Олӧм 42:7

Ӧсип тӧдіс найӧс, но эз петкӧдлы, мый тӧдӧ. Сійӧ скӧра юаліс налысь: «Кытысь ті локтінныд?» Найӧ вочавидзисны: «Ханаан муысь нянь ньӧбны».

Олӧм 16:6

Ӧврам шуис Саралы: «Тэнад кесйӧгыд аслад киын, мый кӧсъян, сійӧс и вӧч». Сара кутіс дзескӧдны Агарӧс, и сійӧ пышйис.

Шусьӧгъяс 15:1

[Скӧралӧмыд бырӧдӧ весиг вежӧра йӧзӧс.] Скӧрмӧм мортлы кӧ лӧня вочавидзан, сійӧс лӧньӧдан, но лэчыд кывъя шуӧмыд сійӧс ыззьӧдас.

Ӧксыяслӧн 3 небӧг 12:12

Коймӧд луннас Еровам став войтырыскӧд локтісны Ровоам ӧксы дінӧ, кыдзи сійӧ тшӧктыліс налы.

Ӧксыяслӧн 3 небӧг 12:14

но том йӧзлӧн туйдӧдӧм серти шуис войтырыслы: «Менам батьӧй пуктіс тіян вылӧ сьӧкыд сийӧс, но ме вӧча сійӧс сьӧкыдджыкӧн на. Менам батьӧй нӧйтліс тіянӧс орсӧн, но ме кута нӧйтны тіянӧс кӧрт пома орсӧн».

Еклесиаст 2:19

Код тӧдас, мывкыд морт али вежӧртӧм сійӧ лоӧ. Но сійӧ пондас вӧдитчыны ставнас, мый ме мывкыдлунӧн да сьӧкыда уджалӧмӧн нажӧвиті шонді улас. И тайӧ, вӧлӧмакӧ, весьшӧрӧ.