Ӧксыяслӧн 3 небӧг 12:11 - Коми Библия 2023

¹¹ Менам батьӧй пуктіс тіян вылӧ сьӧкыд сийӧс, но ме вӧча сійӧс сьӧкыдджыкӧн на. Менам батьӧй нӧйтліс тіянӧс орсӧн, но ме кута нӧйтны тіянӧс кӧрт пома орсӧн”».

Ӧксыяслӧн 3 небӧг 12:11 Referans Kwoze

Езекиль 2:6

Морт пиӧй, тэ эн пов наысь, эн повзьы налӧн сёрниысь, эн пов, весиг кӧ найӧ лоӧны бытшкалысь лежнӧг кодьӧс, весиг кӧ кутан овны на дінын скорпионъяс пӧвстын моз. Эн пов налӧн сёрниысь, эн повзьы наысь, ӧд найӧ асныра войтыр.

Еремей 27:11

Сійӧ войтырыслы, коді лэдзас аслас сьылі вылӧ пуктыны вавилонса ӧксылысь сийӧссӧ да пондас кесъявны сылы, Ме лэдза кольччыны аслас муӧ, – висьталӧ Господь. – Найӧ пондасны вӧдитны видз-му да овны сэні».

Исай 58:6

Ме кӧсъя татшӧм видзалӧм: орӧд ылӧгыслысь кӧртӧдъяссӧ, разь сийӧслысь гӧрӧдъяссӧ, мезды нартитӧмаӧс, жугӧд быдпӧлӧс сийӧссӧ,

2 Каднебӧг 16:10

Аса ёна скӧрмис пророк вылӧ да йӧртіс сійӧс дзескыдінӧ. Войтырысь ӧткымынӧс Аса тшӧтш дзескӧдіс сійӧ кадас.

Ӧксыяслӧн 3 небӧг 12:14

но том йӧзлӧн туйдӧдӧм серти шуис войтырыслы: «Менам батьӧй пуктіс тіян вылӧ сьӧкыд сийӧс, но ме вӧча сійӧс сьӧкыдджыкӧн на. Менам батьӧй нӧйтліс тіянӧс орсӧн, но ме кута нӧйтны тіянӧс кӧрт пома орсӧн».

Ӧксыяслӧн 1 небӧг 8:18

Ті кутанныд ойзыны асланыд ӧксыысь, кодӧс ті бӧрйинныд, но Господь сэки оз вочавидз тіянлы».

Петӧм 5:18

Мунӧй, уджалӧй! Идзассӧ тіянлы оз сетны, но кирпичсӧ урчитӧм мында вӧчӧй».

Ӧксыяслӧн 3 небӧг 12:10

Сыкӧд ӧтвыв быдмӧм том йӧз шуисны сылы: «Тайӧ войтырыс элясьӧ, мый тэнад батьыд пуктіс на вылӧ сьӧкыд сийӧс, да корӧны, мед тэ налысь сийӧссӧ вӧчин кокньыдджыкӧн. Но тэ шу налы: ”Менам чалльӧй кызджык батьлӧн лядьвей дорысь.

Ӧксыяслӧн 3 небӧг 12:12

Коймӧд луннас Еровам став войтырыскӧд локтісны Ровоам ӧксы дінӧ, кыдзи сійӧ тшӧктыліс налы.

Еклесиаст 10:16

Курыд шог сійӧ муын, кӧні ӧксыыс том зон, кӧні веськӧдлысьясыс водз асывсяньыс гажӧдчӧны.