Ӧксыяслӧн 3 небӧг 10:28 - Коми Библия 2023

²⁸ Вӧвъяссӧ Соломонлы вайлісны Египетысь да Куваысь. Найӧс ньӧблісны ӧксылӧн вузасьысьяс.

Ӧксыяслӧн 3 небӧг 10:28 Referans Kwoze

Индӧд 17:16

Ӧксыныд мед оз лӧсьӧд уна вӧв да оз мӧдӧд ассьыс йӧзсӧ Египетӧ, медым ньӧбны сэтысь вӧвъясӧс. Ӧд Господь шуис тіянлы, сэтчӧ пӧ бӧрсӧ энӧ бергӧдчӧй.

2 Каднебӧг 9:28

Вӧвъяссӧ Соломонлы вайлісны Египетысь да мукӧд муясысь.

Исай 36:9

Тэ он вермы вӧтлыны аслад муысь весиг ӧти веськӧдлысьӧс, менам ыджыдлы медічӧт кесъялысьӧс. Но тэ лача кутан Египет вылӧ, сылӧн тарантасъяс да вӧвъяс вылӧ!

Шусьӧгъяс 7:16

Вольпасьӧс мичмӧді египетса уна рӧма дӧраӧн,

Езекиль 27:7

Тэнсьыд тӧвдӧратӧ вурӧма серлӧдлӧм дӧраысь, Египетысь вайӧм шабді дӧраысь, сійӧ – тэнад пасыд. Гӧрдовлӧз да пемыдгӧрд дӧраяс вайисны Элиша ді вылысь, наысь вӧчисны тэныд вевттьӧд-лэбувъяс.

Исай 19:9

Шабді няръялысьяс яналасны, дӧра быгӧдысьяс шӧйӧвошасны.

Олӧм 41:42

Фараон пӧрччис ассьыс чунькытшсӧ да чунькытшӧдіс Ӧсипӧс. Сэсся сетіс сылы шабді паськӧм, сьыліас ӧшӧдіс зарни сикӧтш.

Олӧм 47:17

И найӧ вайисны ыж-мӧснысӧ Ӧсиплы. Вӧвъяс, ыжъяс, мӧсъяс да осёлъяс тшӧт весьтӧ Ӧсип сеталіс налы нянь. Во чӧж вердіс найӧс.