Ӧксыяслӧн 3 небӧг 10:22 - Коми Библия 2023

²² Хирамлӧн корабльясысь ӧтдор саридз вылын Соломон ӧксылӧн вӧліны тшӧтш фарсисса корабльяс. Куим во пытшкас ӧтчыдысь фарсисса корабльяс вайлісны зарни-эзысь, слӧн лы, ӧблезянаясӧс да павлинъясӧс.

Ӧксыяслӧн 3 небӧг 10:22 Referans Kwoze

Ӧксыяслӧн 3 небӧг 22:48

Иосафат ӧксы вӧчис фарсисса корабльяс, медым найӧ кывтісны Офирӧ зарнила. Но корабльясыс эз воны Офирӧдз, а жугалісны Эцион-Геверын.

Псалтыр 72:10

Лёк вӧчысьяс дінӧ бергӧдчӧ тшӧтш Енлӧн войтырыс, ва моз пӧтлытӧг юӧ налысь лёк кывъяссӧ.

Псалтыр 48:7

Найӧ лача кутӧны асланыс эмлуныс вылӧ, ошйысьӧны асланыс ыджыд озырлунӧн.

Олӧм 10:4

Яванлӧн вӧліны Элиш да Фарсис пиян, сысянь петісны тшӧтш киттимсаяс да доданейяс.

Исай 66:19

Ме петкӧдла налы индысьпас. Кодсюрӧӧс ловйӧн кольӧмаяс пӧвстысь Ме мӧдӧда юӧртны Менам дзирдлун йылысь войтыръяслы Фарсисӧ, Пулӧ да Лудӧ, кӧні лыйсьӧны ньӧввужйысь. Мӧдӧда юӧртысьясӧс тшӧтш Тувалӧ да Яванӧ, ылі саридздорса муясын олысь йӧз дінӧ, кодъяс эз на кывлыны Ме йылысь да эз на аддзывны Менсьым дзирдлунӧс.

Исай 60:9

Саридз дорын олысьяс лача кутӧны Ме вылӧ, фарсисса корабльяс медводзын кывтӧны, ылі муясысь найӧ вайӧны тэнсьыд пиянтӧ да налысь зарни-эзысьсӧ Господьлӧн, тэнад Енлӧн, нимыс вӧсна, Израильлӧн вежа Ен вӧсна, ӧд Сійӧ нимӧдіс тэнӧ.

Исай 23:10

Фарсисын олысьяс, ӧні тіян мытшӧдыс абу, ойдӧм ю моз паськӧдчӧй асланыд муын.

Исай 23:6

Саридз дорын олысьяс, ырзӧмӧн бӧрдӧй, мунӧй да овмӧдчӧй Фарсисӧ!

Исай 23:1

Тир йылысь водзвыв висьталӧм. Ырзӧмӧн бӧрдӧй, фарсисса корабльяс! Карыс киссьӧма, эз кольны керкаяс. Та йылысь ті кылінныд Киттим муысь бергӧдчигӧн.

Исай 2:16

фарсисса корабльяс да став налысь дона эмбурсӧ.

2 Каднебӧг 9:21

Соломон ӧксылӧн корабльяс вылын сылӧн йӧзыс Хирамлӧн йӧзкӧд кывтлісны Фарсисӧ. Куим во пытшкас ӧтчыдысь найӧ вайлісны сэтысь зарни-эзысь, слӧн лы, ӧблезянаясӧс да павлинъясӧс.

Иона 1:3

Иона шуис пышйыны Господьысь Фарсисӧ. Локтіс Иоппия карӧ. Сэні корсис Фарсисӧ мунысь корабль, мынтысис туйысь да пуксис сы вылӧ, мед кывтны Господьысь ылӧджык.

Амос 3:15

Ме бырӧда тӧвся и гожся керкаяс, слӧн лыӧн мичмӧдӧм керкаяс киссясны. Уна керка жмуткысяс, – висьталӧ Господь.

Езекиль 27:12

Тэнад вӧлі уна вузӧс, та вӧсна Фарсис ньӧбасис тэнсьыд. Сійӧ мынтысьліс тэныд эзысьӧн, кӧртӧн, свинечӧн да озысьӧн.

Иов 39:13

Страус долыда швачкӧ бордъяснас, но аист моз сійӧ оз лэбав.

Ӧксыяслӧн 3 небӧг 10:18

Слӧн лыысь ӧксы вӧчӧдіс ыджыд юралан пуклӧс, сійӧс эжисны весалӧм зарниӧн.

Ӧксыяслӧн 3 небӧг 9:26

Соломон вӧчис корабльяс Эцион-Гевер карын. Карыс сулаліс Эдом муын Гӧрд саридз дорын, Элат карсянь матын.

Ӧксыяслӧн 3 небӧг 10:21

Соломон ӧксылӧн став юан дозйыс вӧлі зарниысь, а ливанса пуысь вӧчӧм керкаын став дозмук-кӧлуйыс вӧлі весалӧм зарниысь. Соломон веськӧдлан кадӧ эзысьсӧ эз вылӧ донъявны, та вӧсна эзысьысь вӧчӧмторйыс эз вӧв.

Езекиль 27:15

Дедансаяс да діяс вылын олысь войтыръяс вузасисны тэкӧд. Найӧ мынтысьлісны тэныд слӧн лыӧн да эбен пуӧн.

Ӧксыяслӧн 3 небӧг 22:49

Ахавлӧн Ахазий пиыс сэки вӧзйис Иосафатлы: «Менам кесйӧгъяс мед кывтасны тэнад кесйӧгъяскӧд». Но Иосафат эз мун та вылӧ.