Ӧксыяслӧн 3 небӧг 1:48 - Коми Библия 2023

⁴⁸ шуӧма, ошкӧма пӧ Господьӧс, Израильлысь Енсӧ, коді талун сетіс меным аддзыны [месянь чужысьӧс,] менам юралан пуклӧсын пукалысьӧс».

Ӧксыяслӧн 3 небӧг 1:48 Referans Kwoze

Ӧксыяслӧн 3 небӧг 3:6

Соломон воча шуис: «Тэ вӧлін зэв бур сьӧлӧма менам Давид бать дінӧ, Аслад кесйӧг дінӧ, ӧд сійӧ оліс Тэнсьыд кывзысьӧмӧн да веськыда, ставсӧ вӧчис сӧстӧм сьӧлӧмӧн. Ассьыд ыджыд буралӧмтӧ Тэ эн вешты сы дінысь, Тэ сетін сылы пиӧс, коді ӧні пукалӧ сылӧн юралан пуклӧсын.

1 Петыр 1:3

Ошкӧм Енлы, миян Господь Исус Кристослӧн Батьлы. Ыджыд буралӧмыс вӧсна Исус Кристосӧс ловзьӧдӧм пыр Енмыс сетіс миянлы выль олӧм. Та вӧсна ми кутам ловъя лача

Ефесӧ 1:3

Ошкӧм Енлы, миян Господь Исус Кристослӧн Батьлы! Сійӧ бурсиӧма миянӧс Кристос пыр Ловсянь быдпӧлӧс бурсиӧмнас, мый эм енэжас.

Даниил 4:34

Ӧні ме, Навукодоносор, ошка-нимӧда да ыдждӧдла енэжвывса Ӧксыӧс. Сылӧн уджъясыс збыльӧсь да туйясыс веськыдӧсь. Сійӧ вермӧ раммӧдны вылӧ кыпӧдчысьясӧс».

Шусьӧгъяс 17:6

Пӧрысьыдлӧн юркытшыс – ныв-пиыслӧн ныв-пиыс, ныв-пиыдлӧн ошйысянторйыс – бать-мамыс. [Эскысьлӧн уна озырлун, эскытӧмлӧн нинӧм абу.]

Псалтыр 145:2

Кута ошкыны Господьӧс, кытчӧдз ловъя, кута сьывны аслам Енлы, кытчӧдз ола.

Псалтыр 34:1

Давидлӧн псалом. Господьӧй, вермась накӧд, кодъяс меным паныд сувтӧны, водзсась накӧд, кодъяс меным паныд водзсасьӧны.

Неемий 9:5

Сэсся Исус, Кадмиэл, Бани, Хашавни, Шеревий, Ходий, Шеваний да Петахий левитъяс шуисны: «Сувтӧй да ошкӧй Господьӧс, ассьыныд Ентӧ, ӧні да нэмъяс чӧж! Господьӧй, мед лоӧ кыпӧдӧма Тэнсьыд ыджыд нимтӧ! Сійӧ став ошкӧмсьыс медвылын!»

1 Каднебӧг 29:20

Сэсся Давид шуис чукӧртчӧм йӧзлы: «Ошкӧй Господьӧс, ассьыныд Еннытӧ!» Йӧзыс ошкисны Господьӧс, асланыс батьяслысь Енсӧ, муӧдз копыртчисны Господьлы да ӧксылы.

1 Каднебӧг 29:10

Чукӧртчӧм йӧз водзын Давид ошкис Господьӧс: «Господьӧй, миян Израиль батьлӧн Енмӧй, мед лоӧ ошкӧма Тэнӧ нэмъяс чӧж.

1 Каднебӧг 17:17

Но тайӧ, вӧлӧмкӧ, Тэнад абу на ставыс, Енмӧй! Тэ нӧшта висьталін, мый виччысьӧ Тэнад кесйӧглысь рӧдсӧ. Господьӧй Енмӧй, Тэ видзӧдан ме вылӧ вывті тӧдчана морт вылӧ моз.

Ӧксыяслӧн 2 небӧг 24:3

Йоав шуис ӧксылы: «Господь, тэнад Енмыд, мед содтас тэнад войтырлысь лыдсӧ сы мында, мыйта ӧні эм, и нӧшта на сё пӧвстӧн мед содтас та дорӧ. Менам ӧксыӧй-ыджыдӧй мед аслас синмӧн аддзас тайӧс. Ӧксыӧй-ыджыдӧй, мыйла тэ кӧсъян артавны-гижавны найӧс?»

Ӧксыяслӧн 2 небӧг 7:12

Кор помасясны тэнад олан лунъясыд, и тэ кутан куйлыны аслад батьяс дінын, сэки Ме пукта ӧксыӧ тэсянь чужысьӧс да зумыдмӧда сылысь юралӧмсӧ.

Олӧм 14:20

Ошкӧм Медвылысса Енлы, коді сетіс вӧрӧгтӧ тэнад киӧ». Ӧврам сетіс Мелкиседеклы тышын став шедӧдӧмсьыс дасӧд юкӧнсӧ.

Ӧксыяслӧн 1 небӧг 25:32

Давид шуис Авигеялы: «Ошкӧм Господьлы, Израильлӧн Енлы, коді ыстіс тэнӧ меным воча.

Ӧксыяслӧн 3 небӧг 1:49

Адонийлӧн корӧмаяс ёна повзисны. Найӧ чеччисны да ӧдйӧ разӧдчисны.

Ӧксыяслӧн 3 небӧг 2:4

И Господь збыльмӧдас Ассьыс кывсӧ, мый висьтавліс ме йылысь. Сійӧ шуліс: ”Тэсянь чужысьяс кӧ кутасны ветлыны веськыд туйӧд да став сьӧлӧмнас овны Ме водзын веськыда, сэки тэнад рӧдысь пыр лоӧ ӧксы, коді кутас веськӧдлыны Израиль войтырӧн”.

Ӧксыяслӧн 3 небӧг 8:20

Господь збыльмӧдіс Ассьыс шуӧм кывсӧ. Ӧні ме пукала Давид батьлӧн юралан пуклӧсын да веськӧдла Израильӧн, кыдзи Господь и шуліс. Ме лэпті Израильлӧн Господь Енлы крам.