Ӧксыяслӧн 3 небӧг 1:34 - Коми Библия 2023

³⁴ Сэні Садок поп да Нафан пророк мед мавтыштӧмӧн пуктасны сійӧс ӧксыӧ Израильлы. Сэсся буксан шы улӧ гораа горзӧй: ”Мед олас Соломон ӧксы!”

Ӧксыяслӧн 3 небӧг 1:34 Referans Kwoze

Ӧксыяслӧн 3 небӧг 1:25

Талун сійӧ мунӧма да вись вайӧм могысь начкӧма уна ӧшкӧс, куканьӧс да ыжӧс. Корӧма сэтчӧ, ӧксыӧй, став тэнсьыд пиянтӧ, тышкайӧзӧн веськӧдлысьясӧс да Авиатар попӧс. Ӧні найӧ ставныс сёйӧны-юӧны да шуалӧны: ”Мед олас Адоний ӧксы!”

Ӧксыяслӧн 2 небӧг 15:10

Сійӧ мӧдӧдіс ассьыс йӧзсӧ став Израиль му пасьтала да тшӧктіс висьтавны быд чужанкотырлы: «Кор кыланныд буксан шы, сэки горӧдӧй, мый Хевронын Авессалом пуксис ӧксыӧ».

Ӧксыяслӧн 1 небӧг 10:1

Самуил босьтіс вый тыра доз да кисьтіс Сауллы юр вылас. Сэсся окыштіс сійӧс да шуис: «Господь мавтыштӧма тэнӧ, мед пуктыны тэнӧ юралысьӧ Аслас войтырлы [Израильын. Тэ лоан ӧксыӧн Господьлӧн войтырлы, мездан найӧс на гӧгӧр олысь вӧрӧгъясысь. Со, тэныд пас, мый Ачыс Господь мавтыштӧма тэнӧ ӧксыӧ, мед веськӧдлыны Сылӧн войтырӧн].

Ӧксыяслӧн 4 небӧг 11:12

Иодай поп петкӧдіс ӧксылысь Йоас писӧ крамысь, пуктіс сылы юр вылас юркытш да сетіс сылы Индӧд небӧг. Сэсся пуктісны сійӧс ӧксыӧ да мавтыштісны. Войтырыс кинаныс клопайтӧмӧн горзіс: «Мед олас ӧксы!»

Ӧксыяслӧн 4 небӧг 9:13

Веськӧдлысьяс дзик пыр пӧрччисны вылыс паськӧмнысӧ да вольсалісны сод тшупӧдъяс вылӧ Ехулы кок улас. Сэсся букӧстісны буксанӧн да горӧдісны: «Еху – миян ӧксы!»

Ӧксыяслӧн 4 небӧг 9:3

Сэні кисьт сылы юр вылас дозсьыд выйтӧ да шу, мый Господь тадзи висьталӧ: ”Ме мавтышта тэнӧ ӧксыӧ Израиль войтырлы”. Сэсся восьт ӧдзӧссӧ да котӧрӧн пышйы сэтысь».

Ӧксыяслӧн 3 небӧг 19:16

А Израиль войтырлы мавтыштӧмӧн пукты ӧксыӧ Нимшилысь Еху писӧ. Пророкӧ ас пыддиыд мавтышт Авел-Мехолаысь Елисейӧс, Шафатлысь писӧ.

Ӧксыяслӧн 2 небӧг 5:3

Хевронын Господь водзын Давид кӧрталіс израильса юрнуӧдысьяскӧд йитӧд. Найӧ мавтыштӧмӧн пуктісны Давидӧс Израиль войтырлы ӧксыӧ.

Ӧксыяслӧн 1 небӧг 16:3

Висьваянінас кор Ессейӧс [да сылысь пиянсӧ] сёйны. Ме висьтала тэныд, мый вӧчны, да инда, кодӧс мавтыштны».

Ӧксыяслӧн 4 небӧг 11:14

Сэні аддзис, мый джуджыд пос вылын сулалӧ ӧксы. Сыкӧд орччӧн сулалісны тышкайӧзӧн веськӧдлысьяс да трубаӧн ворсысьяс. Став войтырыс нимкодясис да тутсіс трубаясӧ. Сэки Аталия косяліс ассьыс паськӧмсӧ да горӧдіс: «Вузалісны! Менӧ вузалісны!»

Ап. уджъяс 10:38

Ен мавтыштіс Назаретса Исусӧс Вежа Лолӧн да вынӧн. Исус быдлаті ветлӧдліс, уна бур вӧчис йӧзыслы, бурдӧдаліс да мездіс йӧзсӧ омӧльыслӧн киысь. Енмыс вӧлі Сыкӧд.

Исай 45:1

Господь тадзи висьталӧ Кирлы, Аслас мавтыштӧмалы: – Ме кута тэнӧ веськыд киӧдыд, сета тэнад киӧ войтыръясӧс, тэнад кипод улӧ – ӧксыясӧс, тэ водзвылын восьта ӧдзӧсъяс, ог лэдз пӧдлавны дзиръяяс.

Псалтыр 45:7

Войтыръяс шызьӧны, юралӧмъяс киссьӧны, муыс сыркмунлӧ Медвылыссалӧн гӧлӧс шыысь.

2 Каднебӧг 23:11

Ӧксылысь Йоас писӧ петкӧдісны крамысь, пуктісны сылы юр вылас юркытш да сетісны сылы Индӧд небӧг. Сэсся пуктісны сійӧс ӧксыӧ. Иодай поп да сылӧн пияныс мавтыштісны Йоасӧс. Войтырыс горзіс: «Мед олас ӧксы!»

Ӧксыяслӧн 4 небӧг 9:6

Еху чеччис да пырис сыкӧд керкаас. Сэні пророк-велӧдчысь кисьтіс сылы юр вылас вый да шуис: «Господь, Израильлӧн Ен, тадзи висьталӧ: ”Ме мавтышта тэнӧ ӧксыӧ Господьлӧн войтырлы – Израильлы.

Ӧксыяслӧн 2 небӧг 2:4

Сэтчӧ локтісны Иуда чужанкотырысь йӧз да мавтыштӧмӧн пуктісны Давидӧс аслыныс ӧксыӧ. Давидлы висьталісны, мый Галаад муын Явис карса олысьяс дзебӧмаӧсь Саулӧс.

Ӧксыяслӧн 1 небӧг 10:24

Самуил шуис став Израиль войтырлы: «Аддзанныд, кодӧс бӧрйис Господь? Войтыр пӧвстаным мӧдыс сы кодьыс абу». Сэки став йӧзыс гораа горӧдісны: «Мед олас ӧксы!»

Ӧксыяслӧн 3 небӧг 1:35

Та бӧрын бӧр вайӧдӧй Соломонӧс. Сійӧ мед пуксяс менам юралан пуклӧсӧ да ӧксыалас ме пыдди. Тайӧ менам кӧсйӧм, мед сійӧ лоӧ ӧксынас Израиль да Иуда войтырлы».

Ӧксыяслӧн 3 небӧг 1:39

Садок поплӧн вӧлі вежа чомйысь босьтӧм вый тыра доз. Сійӧ мавтыштіс Соломонӧс. Буксан шы улӧ став войтырыс гораа горзіс: «Мед олас Соломон ӧксы!»