Ӧксыяслӧн 2 небӧг 9:11 - Коми Библия 2023

¹¹ Сивей воча шуис ӧксылы: «Ӧксыӧй-ыджыдӧй, ставсӧ, мый тэ тшӧктін, ме вӧча». Сійӧ кадсяньыс Мепибошет кутіс сёйны Давидкӧд ӧти пызан сайын ӧксылӧн пияныс моз.

Ӧксыяслӧн 2 небӧг 9:11 Referans Kwoze

Ӧксыяслӧн 2 небӧг 19:26

Мӧдыс вочавидзис: «Ӧксыӧй-ыджыдӧй! Кесйӧгӧй ылӧдліс менӧ. Тэ ӧд тӧдан, мый ме, тэнад кесйӧг, чота. Та вӧсна шуи сылы, мися, пукся осёл вылӧ да муна ӧксыкӧд.

Ӧксыяслӧн 2 небӧг 19:17

Сыкӧд локтісны Венямин чужанкотырысь сюрс морт, Сауллӧн Сивей кесйӧгыс дас витнан пиыскӧд да кызь кесйӧгыскӧд. Ставныс найӧ вуджисны Йӧрдан ю сайӧ, медым вочаавны ӧксыӧс

Ӧксыяслӧн 2 небӧг 9:10

Аслад пиянкӧд да аслад кесйӧгъяскӧд вӧдит сылысь видз-мусӧ. Мувыв быдтассӧ сет аслад ыджыдыдлӧн пилы, медым сылӧн керкаас пыр вӧлі сёян-юан. Ачыс Мепибошет мед пыр сёяс-юас менам пызан сайын». Сивейлӧн вӧлі дас вит пиян да кызь кесйӧг.

Ӧксыяслӧн 2 небӧг 9:12

Мепибошетлӧн вӧлі Мика нима ичӧт пи. Сивей керкаын олысьяс ставныс кесъялісны Мепибошетлы.

Ӧксыяслӧн 2 небӧг 9:13

Мепибошет сёйис-юис ӧксы ордын, та вӧсна сійӧ оліс Ерусалимын. Мепибошет чотіс кыкнан кокнас.

Ӧксыяслӧн 2 небӧг 19:24

Саул Ионафанлӧн Мепибошет пиыс тшӧтш локтіс вочаавны ӧксыӧс. Ӧксылӧн Ерусалимысь петӧмсянь да тайӧ лунӧдзыс, кор сійӧ бӧр локтіс ловъяӧн да дзоньвидзаӧн, Мепибошет эз мыськавлы коксӧ, [эз тшӧтшӧдлы гыжсӧ,] эз шырлы тошсӧ да эз пеславлы паськӧмсӧ.

Ӧксыяслӧн 2 небӧг 15:15

«Ми – тэнад кесйӧгъяс, ӧксыӧй-ыджыдӧй, – шуисны Давидлӧн йӧз. – Кыдзи тэ шуан, сідзи и вӧчам».