Ӧксыяслӧн 2 небӧг 4:4 - Коми Библия 2023

⁴ Ионафанлӧн, Саул пилӧн, вӧлі Мепибошет нима чотысь пи. Сылы вӧлі вит арӧс, кор воис Изреельсянь Сауллӧн да Ионафанлӧн кулӧм йылысь юӧр. Сэки кага видзысь кватитіс ичӧт зонкаӧс да котӧрӧн пышйис. Котӧртігас зонкаӧс уськӧдіс, та бӧрын сійӧ кутіс чотны.

Ӧксыяслӧн 2 небӧг 4:4 Referans Kwoze

Ӧксыяслӧн 2 небӧг 9:3

Ӧксы юаліс: «Колис-ӧ кодкӧ ловйӧн Саул рӧдысь? Енмыс моз ме кӧсъя лоны бур сьӧлӧма на дінӧ». Сивей шуис: «Ионафанлӧн чотысь пиыс ловъя».

1 Каднебӧг 9:40

Ионафанлӧн вӧлі Мерибал нима пи. Мерибаллӧн чужис Микей.

1 Каднебӧг 8:34

Ионафанлӧн вӧлі Мерибал нима пи. Мерибаллӧн чужис Микей.

Ӧксыяслӧн 2 небӧг 9:6

Саул Ионафанлӧн Мепибошет пиыс локтіс Давид дінӧ да муӧдзыс копыртчис сылы. «Мепибошет!» – шыасис Давид сы дінӧ. Мӧдыс вочавидзис: «Ме – тэнад кесйӧг».

Ӧксыяслӧн 1 небӧг 29:11

Давид аслас йӧзкӧд чеччисны асывнас да бӧр мунісны Филистим муӧ. А филистимсаяс мунісны [тышкасьны] Изреельӧ.

Ӧксыяслӧн 1 небӧг 29:1

Филистимсаяс чукӧртісны став ассьыныс тышкайӧзсӧ Афекӧ, а израильсаяс сувтісны чукӧрнас Изреельӧ ва петанін дорӧ.

Ӧксыяслӧн 2 небӧг 21:7

Но Саул Ионафанлысь Мепибошет писӧ Давид эз сет. Давид кутіс Господь водзын Ионафанлы сетӧм кывсӧ.

Ӧксыяслӧн 2 небӧг 9:13

Мепибошет сёйис-юис ӧксы ордын, та вӧсна сійӧ оліс Ерусалимын. Мепибошет чотіс кыкнан кокнас.

Ӧксыяслӧн 3 небӧг 11:17

Но Хадад да батьыслӧн ӧткымын эдомса кесйӧг пышйисны Египетӧ. Хадад сэки вӧлі ичӧт зонка на.