Ӧксыяслӧн 2 небӧг 3:31 - Коми Библия 2023

³¹ Давид шуис Йоавлы да став тышкайӧзыслы: «Косялӧй паськӧмнытӧ, пасьталӧй шогалан паськӧм да бӧрдӧй Авенир вӧсна». Ачыс Давид ӧксы восьлаліс шойсӧ нуысьяс бӧрся.

Ӧксыяслӧн 2 небӧг 3:31 Referans Kwoze

Олӧм 37:34

Яков косяліс паськӧмсӧ да гартыштіс коскас чорыд дӧра. Уна лун чӧж сійӧ бӧрдіс пиыс вӧсна.

Ӧксыяслӧн 2 небӧг 1:11

Сэки Давид косяліс ассьыс паськӧмсӧ. Йӧзыс, кодъяс вӧліны сыкӧд, тшӧтш тадзи вӧчисны.

Ӧксыяслӧн 2 небӧг 1:2

Коймӧд луннас Сауллӧн тышкайӧз пӧвстысь локтіс ӧти морт. Паськӧмсӧ сійӧ вӧлі косялӧма, юрсӧ коялӧма муӧн. Сійӧ матыстчис Давид дінӧ да муӧдзыс уськӧдчис сы водзӧ.

Ёрдысьяс 11:35

Нывсӧ аддзӧм бӧрын Еффай косяліс паськӧмсӧ да горӧдіс: «Нылӧй, тэ уськӧдін менӧ кок йывсьым! Тэ шог вайин меным! Ме кыв сеті Господьлы, и бӧрсӧ босьтны ме ог вермы».

Нав Исус 7:6

Исус косяліс паськӧмсӧ да кымынь уськӧдчис муас Господьлӧн куд водзӧ. Тадзи рытӧдзыс куйліс израильса юрнуӧдысьяскӧд. Юрнысӧ найӧ ставныс коялісны муӧн.

Лука 7:14

Сэсся матыстчис да инмӧдчис гортъяс, нуысьяс сувтісны. Исус шуис: «Зонмӧй, тэныд шуа: чеччы!»

Ӧксыяслӧн 4 небӧг 19:1

Кор Езекей ӧксы кыліс та йылысь, сійӧ косяліс ассьыс паськӧмсӧ. Сэсся пасьталіс шогалан паськӧм да муніс Господьлӧн крамӧ.

Олӧм 37:29

Кор Рувим локтіс юкмӧс дорӧ да аддзис, мый Ӧсип вокыс абу сэні, косяліс ассьыс паськӧмсӧ.

Восьтӧм 11:3

Ме мӧдӧда Ассьым кык висьталысьӧс. Шогалан паськӧмӧ пасьтасьӧмӧн найӧ кутасны пророкавны сюрс кыксё квайтымын лун чӧж».

Ӧксыяслӧн 3 небӧг 20:31

Бен-Хададлӧн йӧзыс шуисны сылы: «Ми кывлім, мый израильса ӧксыяс бур сьӧлӧмаӧсь. Лэдз миянлы пасьтавны шогалан паськӧм да сьыліаным ӧшлыны кӧвъяс. Сэсся ми мунам израильса ӧксы дінӧ. Гашкӧ, сійӧ ловйӧн коляс тэнӧ».

Ӧксыяслӧн 3 небӧг 21:27

Иллялысь кывъяссӧ кылӧм бӧрын Ахав [раммӧдчис Господь водзын да бӧрдӧмӧн ветлӧдліс,] косяліс ассьыс паськӧмсӧ, пасьталіс шогалан паськӧм да пондіс видзавны. Ахав ветлӧдліс юрсӧ ӧшӧдӧмӧн, весиг узьліс шогалан паськӧмнас.

Ӧксыяслӧн 4 небӧг 19:2

Езекей мӧдӧдіс Исай пророк дінӧ, Амослӧн пи дінӧ, ӧксы керкаӧн веськӧдлысь Элякимӧс, гижалысь Шевнайӧс да юрнуӧдысь попъясӧс. Ставныс найӧ вӧліны шогалан паськӧмаӧсь.