Ӧксыяслӧн 2 небӧг 24:16 - Коми Библия 2023

¹⁶ Кор [Енлӧн] андел нюжӧдіс кисӧ Ерусалим вылӧ, медым бырӧдны сійӧс, Господь вежис кывсӧ. Сійӧ шуис войтырӧс бырӧдысь анделлы: «Тырмас. Вешты китӧ». Господьлӧн анделыс сэки сулаліс евусса Орнанлӧн гумла дорын.

Ӧксыяслӧн 2 небӧг 24:16 Referans Kwoze

Петӧм 12:23

Господь мунас Египет муӧд да виалас египетсаясӧс, но кор ӧдзӧс куричьясысь аддзас вир, Сійӧ мунас бокиті – оз лэдз бырӧдысьлы пырны тіян керкаясӧ да вины тіянӧс.

Олӧм 6:6

сэки жалитіс, мый вӧчис мортӧс му вылын. Господьлӧн сьӧлӧмыс ёна шогсис.

Ап. уджъяс 12:23

Сэки Господьлӧн андел чорыда дойдіс Ирӧдӧс, ӧд Енлы пыдди сійӧ аслыс босьтіс ошкӧмсӧ. Сійӧс ловъявывсьыс сёйисны номыръяс.

2 Каднебӧг 3:1

Соломон пондіс лэптыны Господьлы крам Ерусалимын, Мориа керӧс вылын, мый вӧлі индӧма сылӧн Давид батьлы. Давид водзвыв дасьтіс унатор, медым евусса Орнанлӧн гумла вылын сэсся лэптісны крам.

Ӧксыяслӧн 4 небӧг 19:35

Сійӧ войнас локтіс Господьлӧн анделыс да ассурса тышкайӧзлӧн чукӧртчанінын виис сё кӧкъямысдас вит сюрс мортӧс. Асывнас ловйӧн кольӧм ассурсаяс садьмисны да аддзисны, мый гӧгӧр туплясьӧны шойяс.

Ӧксыяслӧн 1 небӧг 15:11

«Ме чорыда жалита, мый пукті Саулӧс ӧксыӧ. Сійӧ бергӧдчис Меысь да эз вӧч Менам тшӧктӧм серти». Самуил шогӧ усис. Войбыд сійӧ кевмысис Господьлы.

2 Каднебӧг 32:21

Сэки Господь мӧдӧдіс анделӧс, и сійӧ бырӧдіс ассурса ӧксылысь став вына тышкайӧзсӧ да налысь юралысь-веськӧдлысьяссӧ. Ассурса ӧксы яналӧмӧн бӧр бергӧдчис аслас муӧ. Кор сійӧ пырис аслас енлӧн крамӧ, сэні сылӧн пияныс виисны сійӧс шыпуртӧн.

2 Коринфӧ 2:6

Сэтшӧмыслы тырмана нин тіянсянь мыждӧмыс.

Марк 14:41

Коймӧдысь локтігас Исус шуис налы: «Ті пыр на узянныд да шойччанныд? Тырмас. Кадыс воис. Морт Пиӧс мыжаяс киӧ сетӧны.

Закар 9:7

весала налысь вом пытшсӧ вир сора яйысь, перъяла пинь костсьыс пеж сёянсӧ. Филистим войтырлӧн колясыс лоӧ Менам, сійӧс лоӧ пыртӧма Иудаын олысь чужанкотыръяс лыдӧ, Экронын олысьяс евуссаяс моз лоӧны Менам войтырӧн.

Аввакум 3:2

Господьӧй, ме кылі Тэ йылысь, ме повзи Тэнад уджъясысь. Вӧч Ассьыд уджъястӧ тшӧтш миян лунъясӧ, сет бара аддзывны найӧс талун. Скӧралігад ло бур сьӧлӧма миян дінӧ.

Амос 7:6

Господь вежис кывсӧ. «Тайӧ тшӧтш оз ло», – шуис Господь Ыджыдыс.

Амос 7:3

Господь вежис кывсӧ. «Оз ло тайӧ», – шуис Господь.

Исай 57:16

Ме ог кут помтӧг мыждыны, ог кут пыр скӧравны, ӧд тадзи кӧ кута вӧчны, сэки Ме водзын дзикӧдз нюкыртчас мортлӧн лолыс, нюкыртчас Меӧн вӧчӧм ловъя олысь.

Исай 27:8

Кор Тэ ӧтдортлін Израиль войтырӧс, Тэ чирыштлін найӧс этш тӧдӧмӧн. Асыв тӧв моз Тэ вӧтлін найӧс Аслад вына пӧльыштӧмнад.

Псалтыр 135:14

Сійӧ нуӧдіс Израиль войтырӧс саридз шӧрӧд, Сылӧн буралӧмыс оз помасьлы.

Псалтыр 90:13

Яда змей вылӧ тувччан, талялан левӧс да гундырӧс.

Псалтыр 35:6

Господьӧй, Тэнад буралӧмыд – енэжӧдзыс, Тэнад збыльыд – кымӧръясӧдзыс.

Ӧксыяслӧн 3 небӧг 19:4

ачыс муніс овтӧминӧ лунтыр мунан ылнаӧ да пуксис пу улӧ. Сэні пондіс кевмыны аслыс кулӧм: «Тырмас, Господьӧй, меным овнысӧ. Босьт менсьым лолӧс, ме ӧд абу бурджык аслам батьяс дорысь».

Ӧксыяслӧн 2 небӧг 24:18

Сійӧ лунӧ локтіс Давид дінӧ Гад пророк да шуис: «Мун евусса Орнанлӧн гумла вылӧ да сувтӧд сэтчӧ Господьлы висьпуктанін».

Ӧксыяслӧн 2 небӧг 5:8

Евуссаяскӧд тышкасигӧн Давид шуис аслас йӧзлы: «Бытшйӧдлӧй шынад быд коктӧмӧс да синтӧмӧс, кодъяс мустӧмтӧны Давидӧс». Та вӧсна и шуӧны: «Синтӧмъяс да коктӧмъяс оз пырны [Господьлӧн] керкаӧ».

Ёрдысьяс 19:11

Кор найӧ воисны Евус кар дорӧдз, шондіыс вӧлі пуксьӧ нин. Кесйӧгыс шуис аслас ыджыдыслы: «Пырамӧй евуссаяслӧн карас да узьмӧдчамӧй сэтчӧ».

Ёрдысьяс 1:21

Венямин чужанкотыр эз вӧтлы Ерусалимын олысь евуссаясӧс. Найӧ ӧнӧдз олӧны Ерусалимын Венямин чужанкотыр пӧвстын.

Нав Исус 15:63

Ерусалимын олысь евуссаясӧс Иуда чужанкотыр эз вермы вӧтлынысӧ, та вӧсна евуссаяс ӧнӧдз олӧны Иуда чужанкотыркӧд Ерусалимын.

Петӧм 12:13

Тіян керкаясын паснас лоӧ вир. Ме аддза вирсӧ да бокиті муна. Ме мыжда Египет му, но тіянӧс бырӧдӧмыс оз су.

Петӧм 9:28

Кевмысьӧй [ме вӧсна] Господьлы, мед дугӧдас гымсӧ да шерсӧ [да чардбисӧ му вылын]. Сэсся ме лэдза тіянӧс, водзӧ ог нин кут».

Олӧм 10:16

Ханаан рӧдысь петісны тшӧтш евуссаяс, аморейяс, гергесейяс,

Петӧм 32:14

Господь вежис Ассьыс шуӧмсӧ – эз мӧдӧд лёксӧ Аслас войтыр вылӧ.

1 Коринфӧ 10:10

Энӧ шуасьӧй, кыдзи шуасисны кодсюрӧ миян батьяс пӧвстысь. Сэсся Андел-Бырӧдысь виис найӧс.

Еремей 26:19

Но Езекей ӧксы да Иуда войтыр ӧмӧй виисны пророкӧс? Езекей ӧксы поліс Господьысь да кевмис Господьӧс бурсьӧлӧмтчыны. Та вӧсна Господь вежис Ассьыс шуӧмсӧ да эз вӧч сійӧ лёксӧ, мый шуис вӧчны налы. А ми ыджыд лёктор вӧчам аслыным».

1 Каднебӧг 1:14

Ханаан рӧдысь петісны тшӧтш евуссаяс, аморейяс, гергесейяс,

Еремей 42:10

”Ті кӧ кольччанныд тайӧ муас, Ме ёнмӧда тіянӧс, ог пазӧд, Ме вужйӧда тіянӧс, ог нетшышт. Ме вӧчи тіянлы лёксӧ, и шогся та вӧсна.