Ӧксыяслӧн 2 небӧг 23:16 - Коми Библия 2023

¹⁶ Сэки тайӧ куим тышкамортыс мунісны филистимсаяслӧн сувтанінӧ, тышкасьӧмӧн матыстчисны Виплием дзиръя дорӧ да гумовтісны юкмӧсысь васӧ. Сэсся вайисны Давидлы. Но Давид эз кут юны тайӧ васӧ, а кисьтіс сійӧс Господьлы вись пыдди.

Ӧксыяслӧн 2 небӧг 23:16 Referans Kwoze

2 Коринфӧ 5:14

Миянӧн веськӧдлӧ Кристослӧн муслуныс, сійӧн ми мӧвпалам, мый ӧти кӧ куліс ставныс вӧсна, сідзкӧ, ставныс кулісны.

Олӧм 35:14

Яков сувтӧдіс сэтчӧ из, кисьтіс из вылас вина вись да олив вый.

Римӧ 5:7

Ӧдвакӧ кодкӧ сетас олӧмсӧ веськыда вӧчысь вӧсна. Гашкӧ, бурсӧ вӧчысь вӧсна и вермас на сетны олӧмсӧ.

Бӧрданкыв 2:19

Чеччы войнас да горзы, горзы войбыд, дугдывтӧг! Господьлӧн чужӧмбан водзын ваӧс моз кисьт сьӧлӧм дойтӧ. Нюжӧд китӧ Сылань, кевмысь ныв-пиыдлӧн олӧм вӧсна. Найӧ куйлӧны туйвежъясын, тшыгнысла кулӧны.

Филипӧ 2:17

Весиг ковмас кӧ кисьтны ассьым вирӧс да вайны ачымӧс вись пыдди тіян эскӧмныд вӧсна, тіянкӧд ӧтвыв кута нимкодясьны.

Ап. уджъяс 20:24

Ме нинӧм вылӧ ог видзӧд, олӧмӧй меным абу дона. Сӧмын кӧсъя долыд сьӧлӧмӧн помӧдз мунны лӧсьӧдӧм туйӧдыс да помавны кесъялӧмӧс, мый Господь Исус сетіс меным – висьтавны Енлӧн буралӧм йылысь Евангелльӧсӧ.

Ӧксыяслӧн 2 небӧг 23:9

Мӧдыс вӧлі Элазар, Ахоах Додолӧн пиыс. Сійӧ вӧлі куим медтӧдчана тышкаморт пиысь ӧти. Давидкӧд найӧ янӧдісны тыш вылӧ чукӧртчӧм филистимсаясӧс.

Ӧксыяслӧн 1 небӧг 19:5

Филистимсакӧд вермасигӧн сійӧ вермис воштыны ассьыс олӧмсӧ, но Господь сетіс ыджыд вермӧм став Израильлы. Тэ ачыд аддзылін тайӧс да нимкодясин. Мыйла тэныд мыж вӧчны, мыжтӧм мортлысь вир кисьтны? Мыйла помкатӧг вины Давидӧс?»

Ӧксыяслӧн 1 небӧг 7:6

Израильсаяс локтісны Миспаӧ. Сэні найӧ гумлалісны ва да кисьталісны му вылӧ Господь водзын, тайӧн петкӧдлісны мыжсьыныс бергӧдчӧмнысӧ. Сійӧ лунӧ найӧ видзалісны да висьтасисны, ми пӧ мыж вӧчим Господьлы паныд. Тадзи Миспа карын Израиль войтыр чукӧртчис Самуил ёрдысь водзӧ.

Лыд 28:7

Ӧти баляыскӧд вайӧй кисьтан вись пыдди вина – гинлысь нёльӧд пайсӧ. Вежаинын вайӧй сійӧс кисьтан вись пыдди Господьлы.

1 Каднебӧг 11:18

Сэки тайӧ куим мортыс мунісны филистимсаяслӧн сувтанінӧ, тышкасьӧмӧн матыстчисны Виплием дзиръя дорӧ да гумовтісны юкмӧсысь васӧ. Сэсся вайисны Давидлы. Но Давид эз кут юны тайӧ васӧ, а кисьтіс сійӧс Господьлы вись пыдди.

Еклесиаст 4:12

Ӧтитӧ вермыны кокньыд, а кыкнад оз сетчыны. Куимпӧвста сунистӧ сьӧкыд орӧдны.