Ӧксыяслӧн 2 небӧг 20:3 - Коми Библия 2023

³ Ерусалимын Давид ӧксы муніс аслас гортӧ. Даснан кесйӧг-гӧтырсӧ, кодъясӧс кольліс керка бӧрсяыс видзӧдны, овмӧдіс торъя керкаӧ. Давид сувтӧдіс сэтчӧ видзысьясӧс да могмӧдіс аньясӧс став коланаторнас, но на дінӧ эз пыравлы. Олӧм помӧдзныс аньяс олісны видзӧдӧм улын дӧваяс моз.

Ӧксыяслӧн 2 небӧг 20:3 Referans Kwoze

Ӧксыяслӧн 2 небӧг 15:16

Аслас йӧзкӧд да гортсаяскӧд Давид ӧксы муніс Ерусалимысь. Но дас кесйӧг-гӧтырсӧ кольӧдіс сэтчӧ, мед видзӧдасны керка бӧрсяыс.

Олӧм 40:3

да тшӧктіс йӧртны дзескыдінӧ, кӧні пукаліс Ӧсип. Тайӧ дзескыдіныс вӧлі фараонӧс видзысьясӧн веськӧдлысьлӧн керка помын.

Ӧксыяслӧн 2 небӧг 20:2

Израильсаяс ставныс эновтісны Давидӧс да мунісны Бикрилӧн Шевей пикӧд. Иуда войтыр кольччис аслас Давид ӧксыкӧд да колльӧдіс сійӧс Йӧрдансянь Ерусалимӧдз.