Ӧксыяслӧн 2 небӧг 2:6 - Коми Библия 2023

⁶ Господь мед лоас бур сьӧлӧма тіян дінӧ да вӧчас тіянлы Аслас веськыдлуныс серти. Бурсӧ вӧчӧмсьыныд ме тшӧтш мынтыся тіянлы бурӧн.

Ӧксыяслӧн 2 небӧг 2:6 Referans Kwoze

Шусьӧгъяс 14:22

Лёк вӧчны мӧвпалысь вошӧ, [лёк вӧчысь оз тӧд буралӧмсӧ ни збыльсӧ,] а бур вӧчны мӧвпалысьлӧн – буралӧмыс да збыльыс.

Петӧм 34:6

Господь муніс Мӧисей водзті да шуис: «Ме, Господь – мелі да бур сьӧлӧма, дыр терпитысь, буралысь да эскана Ен.

Матвей 5:44

Ме шуа тіянлы: радейтӧй тіянӧс мустӧмтысьясӧс, бурсиӧй тіянӧс ёрысьясӧс, бурсӧ вӧчӧй тіянӧс дзескӧдысьяслы, кевмысьӧй тіянӧс ӧтдортысьяс да вӧтлысьяс вӧсна.

Матвей 5:7

Шудаӧсь бур сьӧлӧмаяс, ӧд налы бур сьӧлӧмсянь вӧчасны.

Матвей 10:16

Ме мӧдӧда тіянӧс ыжъясӧс моз кӧинъяс пӧвстӧ. Лоӧй змей кодь сюсьӧсь да гулю кодь рамӧсь.

Псалтыр 57:3

Сьӧлӧманыд ті лёксӧ вӧчанныд, асланыд киӧн виаланныд-дзескӧданныд.

Ӧксыяслӧн 2 небӧг 15:20

Тӧрыт на сӧмын локтін, а талун бара нин колӧ кытчӧкӧ мунны тэныд. Ме весиг ачым ог тӧд, кытчӧ муна. Босьт аскӧдыд гефса йӧзтӧ да бӧр бергӧдчы. [Господьлӧн] буралӧмыс да веськыдлуныс тэкӧд!»

Ӧксыяслӧн 2 небӧг 10:2

Давид шуис: «Ме бурсьӧлӧмтча Ханун дінӧ, ӧд сылӧн Нахаш батьыс вӧлі бур сьӧлӧма ме дінӧ». Давид мӧдӧдіс кесйӧгъяссӧ, медым Ханункӧд тшӧтш юкны шогсӧ сылӧн батьыс вӧсна. Кор Давидлӧн кесйӧгъяс локтісны аммон войтырлӧн муӧ,

Ӧксыяслӧн 2 небӧг 9:7

Давид шуис: «Эн пов. Тэнад Ионафан батьыд вӧсна ме лоа бур сьӧлӧма тэ дінӧ. Ме тэныд бӧр сета Саул пӧльыдлысь видз-мусӧ. А ачыд тэ кутан сёйны-юны менам пызан сайын».

Ӧксыяслӧн 2 небӧг 9:3

Ӧксы юаліс: «Колис-ӧ кодкӧ ловйӧн Саул рӧдысь? Енмыс моз ме кӧсъя лоны бур сьӧлӧма на дінӧ». Сивей шуис: «Ионафанлӧн чотысь пиыс ловъя».

Ӧксыяслӧн 2 небӧг 2:7

Лоӧй повтӧмӧсь да зумыдӧсь! Саул ыджыдныд куліс, но Иуда чужанкотыр мавтыштӧмӧн пуктіс менӧ аслыс ӧксыӧ».

Нав Исус 2:14

Кыйӧдчысьяс шуисны сылы: «Вӧчам корӧмыд серти, а огӧ кӧ вӧчӧй, мед ми кулам тіян пыдди. Но миян йылысь некодлы энӧ висьталӧй. И кор Господь сетас миянлы тайӧ мусӧ, сэки ми лоам бур сьӧлӧмаӧсь тэ дінӧ да ассьыным кывнымӧс кутам».

Руфа 1:8

сійӧ шыасис на дінӧ: «Бергӧдчӧй мамъясныд дорӧ. Господь мед лоас бур сьӧлӧма тіян дінӧ, кыдзи ті вӧлінныд бурӧсь менам пиян дінӧ да ме дінӧ.