Ӧксыяслӧн 2 небӧг 2:5 - Коми Библия 2023

⁵ Давид ыстіс юӧртысьясӧс Явис карӧ да тшӧктіс юӧртны сэтчӧс олысьяслы: «Мед бурсиас тіянӧс Господь, ӧд ті вӧлінныд бур сьӧлӧмаӧсь Саул ыджыдныд дінӧ [Господьлӧн мавтыштӧмаыс дінӧ] – ті гуалінныд сійӧс [да сылысь Ионафан писӧ].

Ӧксыяслӧн 2 небӧг 2:5 Referans Kwoze

Ӧксыяслӧн 1 небӧг 23:21

Саул воча шуис: «Господь мед бурсиас тіянӧс, ӧд ті тӧждысянныд ме вӧсна.

Ӧксыяслӧн 1 небӧг 24:19

Талун тэ петкӧдлін, мый тэ бур сьӧлӧма ме дінӧ. Господь сетіс менӧ тэнад киӧ, но тэ эн ви менӧ.

Руфа 2:20

«Мед бурсиас сійӧс Господь, коді бур сьӧлӧма ловъяяс да кулӧмаяс дінӧ! – шуис моньыслы Ноеминь. – Тайӧ мортыс миян рӧдысь, миян вӧсна кывкутысь».

Руфа 3:10

Вооз шуис: «Господь мед бурсиас тэнӧ, нылӧй! Ӧні тэ воддза дорсьыд бурджыка на вӧчин – эн кут корсьны гӧль ни озыр том мортӧс.

Руфа 1:8

сійӧ шыасис на дінӧ: «Бергӧдчӧй мамъясныд дорӧ. Господь мед лоас бур сьӧлӧма тіян дінӧ, кыдзи ті вӧлінныд бурӧсь менам пиян дінӧ да ме дінӧ.

Ёрдысьяс 21:8

Нӧшта юалісны: «Вӧліны-ӧ Израиль чужанкотыръяс пӧвстын сэтшӧм йӧз, кодъяс эз локны Миспаӧ Господь водзӧ?» Вӧлӧмкӧ, Галаад муысь Явис карысь некод абу вӧлӧма чукӧртчанінын.

Ӧксыяслӧн 1 небӧг 15:13

Самуил локтіс Саул дінӧ. Кор паныдасис сыкӧд, мӧдыс чолӧмасьӧмӧн шыасис: «Бурсиӧма тэнӧ Господь. Ме ставсӧ вӧчи Господьлӧн тшӧктӧм серти».

Олӧм 14:19

Ӧврамӧс бурсиӧмӧн Мелкиседек шуис: «Мед бурсиас тэнӧ Медвылысса Ен, коді вӧчис енэжсӧ да мусӧ.

Олӧм 14:22

Но Ӧврам шуис содомса ӧксылы: «Лэпта киӧс Господьлань, енэжсӧ да мусӧ вӧчысь Медвылысса Енлань, да кыв сета,

Нав Исус 2:14

Кыйӧдчысьяс шуисны сылы: «Вӧчам корӧмыд серти, а огӧ кӧ вӧчӧй, мед ми кулам тіян пыдди. Но миян йылысь некодлы энӧ висьталӧй. И кор Господь сетас миянлы тайӧ мусӧ, сэки ми лоам бур сьӧлӧмаӧсь тэ дінӧ да ассьыным кывнымӧс кутам».

Ӧксыяслӧн 1 небӧг 11:1

[Тӧлысь мысти] локтіс аммон войтырысь Нахаш да кытшаліс Галаад муын Явис кар. Явис карын олысьяс шуисны Нахашлы: «Кӧртав миянкӧд бурасян йитӧд, и ми пондам кесъявны тэныд».

Ӧксыяслӧн 1 небӧг 11:9

Юӧр вайысьяслы шуисны: «Висьталӧй Галаад муын Явис карын олысьяслы, аски пӧ луншӧр кадӧ воас тіянлы отсӧг». Юӧртысьяс бӧр локтісны Явис карӧ да ставсӧ висьталісны сэтчӧс олысьяслы. Йӧзыс пондісны нимкодясьны.

Ӧксыяслӧн 2 небӧг 15:20

Тӧрыт на сӧмын локтін, а талун бара нин колӧ кытчӧкӧ мунны тэныд. Ме весиг ачым ог тӧд, кытчӧ муна. Босьт аскӧдыд гефса йӧзтӧ да бӧр бергӧдчы. [Господьлӧн] буралӧмыс да веськыдлуныс тэкӧд!»

Ӧксыяслӧн 2 небӧг 21:12

Давид муніс Галаад муӧ, мед босьтны Явис карысь Сауллысь да сылӧн Ионафан пилысь лыяссӧ. Гелвуын Саулӧс вермӧм бӧрын филистимсаяс ӧшӧдісны налысь шойяссӧ Бет-Шеан карса изэрд вылӧ, но Явис карын олысьяс гусялісны найӧс.