Ӧксыяслӧн 2 небӧг 2:18 - Коми Библия 2023

¹⁸ Тайӧ тышас вӧліны Саруялӧн куимнан пиыс: Йоав, Авишай да Асаил. Асаил вӧлі газель кодь тэрыб кока.

Ӧксыяслӧн 2 небӧг 2:18 Referans Kwoze

1 Каднебӧг 12:8

Гад чужанкотырысь йӧз ӧтувтчисны Давидкӧд, кор сійӧ дзебсясис овтӧминын. Найӧ вӧліны вынаӧсь да повтӧмӧсь, дасьӧсь тышкасьны шыӧн да сайӧдӧн, вӧліны левъяс кодь скӧрӧсь, керӧсвывса газельяс кодь тэрыбӧсь.

Аввакум 3:19

Господь Ыджыдыс – менам вынӧй! Сійӧ вӧчӧ менсьым кокӧс кӧрлӧн кодь тэрыбӧн, нуӧдӧ менӧ выліинъясӧ. Сьылысьясӧн веськӧдлысьлы. Ворсӧны струнаа ворсанторйӧн.

Сьылан 8:14

– Тэрмась, мусукӧй, котӧрт газель моз, котӧрт том кӧр моз чӧскыда ӧвтысь керӧсъяс вывті.

Сьылан 2:17

Кор луныс ыркыдӧн лолалӧ, кор вуджӧръяс пышйӧны, тэрмась, мусукӧй! Котӧрт газель моз, том кӧр моз котӧрт керӧс потасӧд.

Амос 2:14

Тэрыба котралысь оз вермы пышйыны, вына морт эбӧссӧ воштӧ, повтӧм морт оз вермы мездыны асьсӧ.

Еклесиаст 9:11

Нӧшта ме аддзылі шонді улас, мый панласигӧн тэрыба котӧртысь оз век ло вермысьӧн, медвына тышкасьысь оз век вермы тышын, мывкыдалӧн абу пыр няньыс, вежӧралӧн абу пыр озырлуныс, кужысь морт дінӧ оз век буравны. Быдӧнлӧн аслас кад да аслас олан туй.

1 Каднебӧг 11:26

Давид ӧксылӧн нималана тышкайӧз лыдӧ пырисны: Йоавлӧн Асаил вокыс, Виплиемысь Додолӧн Элханан пиыс,

Ӧксыяслӧн 2 небӧг 1:23

Саулӧс да Ионафанӧс ёна радейтісны да ошкисны. Оліганыс найӧ эз янсӧдчывны, куліганыс эз торйӧдчыны. Кутшысь тэрыбджыкӧсь, левысь ёнджыкӧсь вӧліны найӧ.

Ӧксыяслӧн 1 небӧг 26:6

Давид шыасис хеттей войтырысь Ахимелек дінӧ да Саруялӧн Авишай пи дінӧ, Йоавлӧн вокыс дінӧ: «Коді мунас мекӧд Саул дінӧ?» Авишай вочавидзис: «Ме муна».

Ӧксыяслӧн 2 небӧг 2:19

Кор Авенир пышйис Давидлӧн тышкайӧзысь, Асаил котӧртіс сы бӧрся. Вӧтӧдігас сійӧ эз видзӧд веськыдвылӧ ни шуйгавылӧ.

Ӧксыяслӧн 2 небӧг 22:34

вӧчӧ менсьым кокӧс кӧрлӧн кодь тэрыбӧн, сувтӧдӧ менӧ выліинӧ,

Ӧксыяслӧн 2 небӧг 23:24

Давид ӧксылӧн комын нималана тышкаморт лыдӧ пырисны: Йоавлӧн Асаил вокыс, Виплиемысь Додолӧн Элханан пиыс,

Ӧксыяслӧн 3 небӧг 2:5

Тэ ӧд тӧдан, мый Саруялӧн Йоав пиыс вӧчис меным. Тэ тӧдан, мый сійӧ виис израильса тышкайӧзӧн кык веськӧдлысьӧс, Нирлысь Авенир писӧ да Етерлысь Амессай писӧ. Лӧнь кад дырйи тышын моз вир кисьтіс, вирӧсьтіс коссьыс вӧньсӧ да коксьыс кӧмсӧ.

Ӧксыяслӧн 2 небӧг 14:1

Саруялӧн Йоав пиыс казяліс, мый ӧксы оз вермы вунӧдны Авессаломӧс.

1 Каднебӧг 12:9

Медыджыдыс вӧлі Эзер, мӧдыс – Авдий, коймӧдыс – Элиав,

1 Каднебӧг 27:7

Нёльӧд тӧлысьнас веськӧдліс Асаил, Йоавлӧн вокыс. Сылӧн тышкакотырын вӧлі кызь нёль сюрс морт. Асаиллӧн кулӧм бӧрын веськӧдлысьнас лои сылӧн Зевадай пиыс.