Ӧксыяслӧн 2 небӧг 19:43 - Коми Библия 2023

⁴³ Израильсаяс воча шуисны налы: «Ми ӧксылӧн дас чужанкотырыс. Ёнджыкасӧ сійӧ миян ӧксы, абу тіян. [Медводдза чужысьсянь петім ми, а энӧ ті.] Ті миянӧс нинӧмӧ пуктінныд. Ми ӧд водзджык шуим ӧксынымӧс бӧр вайӧдны». Но израильсаяс эз вермыны венны Иуда войтырӧс.

Ӧксыяслӧн 2 небӧг 19:43 Referans Kwoze

Галатӧ 5:20

идоллы юрбитӧм, тшыкӧдчӧм, лӧгалӧм, пинясьӧм, вежӧгтӧм, скӧралӧм, асьтӧ радейтӧм, юксьӧм, ылӧгвелӧдӧм,

Ӧксыяслӧн 2 небӧг 5:1

Израильса чужанкотыръяс локтісны Давид дінӧ Хевронӧ. Найӧ шуисны: «Миян пытшкын визувтӧ ӧти вир.

Яков 1:20

Ӧд мортлӧн скӧралӧмыс оз вай Ен нога веськыд олӧмсӧ.

Филипӧ 2:3

Нинӧм энӧ вӧчӧй асьнытӧ петкӧдлӧм могысь да вылӧ кыпӧдчӧм могысь. Быдӧн мед рам сьӧлӧмӧн пуктӧ мӧдсӧ ассьыс вылӧджык

Галатӧ 5:26

Огӧ пондӧй вывтіасьны, ӧта-мӧдӧс дӧзмӧдны да ӧта-мӧдлы вежавны.

Галатӧ 5:15

Ті кӧ йиранныд-пуранныд ӧта-мӧднытӧ, видзчысьӧй, мед ӧта-мӧдтӧ дзикӧдз энӧ бырӧдӧй.

Римӧ 12:21

Эн сет лёкыслы вермыны тэнӧ, но вермы лёксӧ бурнас.

Шусьӧгъяс 18:19

Пудъясьӧмыд лӧньӧдӧ вензьӧмтӧ, вына йӧз костын бӧръя кывсӧ шуӧ.

Шусьӧгъяс 17:14

Пинь-зык панӧмыд ва ызӧбтӧм кодь, пансьытӧдзыс сувтӧд сійӧс.

Шусьӧгъяс 15:1

[Скӧралӧмыд бырӧдӧ весиг вежӧра йӧзӧс.] Скӧрмӧм мортлы кӧ лӧня вочавидзан, сійӧс лӧньӧдан, но лэчыд кывъя шуӧмыд сійӧс ыззьӧдас.

Шусьӧгъяс 13:10

Вылӧ пуксьӧмыд сӧмын вензьӧм чужтӧ, мывкыд мортыд туйдӧдӧмсӧ сибӧдӧ.

Ӧксыяслӧн 3 небӧг 12:16

Кор Израиль войтыр гӧгӧрвоис, мый ӧксы оз кывзы найӧс, сэки найӧ шуисны сылы: «Миянӧс нинӧм оз йит Давидкӧд. Миянлы нинӧм вӧчны Ессейлӧн пикӧд. Мунамӧй гортӧ, Израиль войтыр! Давидлӧн рӧдыс мед ачыс тӧждысяс ас вӧснаыс!» Сэсся израильсаяс разӧдчисны гортаныс.

Ӧксыяслӧн 2 небӧг 20:6

Сэки Давид шуис Авишайлы: «Бикрилӧн Шевей пиыс вермас Авессалом дорысь на унджык лёксӧ вӧчны миянлы. Босьт аскӧдыд менсьым йӧзӧс да вӧтчы сы бӧрся. Сійӧ вермас пышйыны миянысь да дзебсьыны изкарӧ».

Ӧксыяслӧн 2 небӧг 20:1

Вензьысьяс пӧвстын вӧлі Венямин чужанкотырысь Бикрилӧн Шевей пиыс. Сійӧ вӧлі лёк морт. Шевей букӧстіс буксанӧн да горӧдіс: «Давид миянлы некод! Ессей пикӧд миянӧс нинӧм оз йит! Израиль войтыр, мунӧй быдӧн асланыд чомйӧ!»

Ӧксыяслӧн 2 небӧг 19:14

Тадзи ӧксы бергӧдіс асланьыс став Иуда войтырӧс. Найӧ ӧти сьӧлӧмӧн шуисны мӧдӧдны юӧртысьӧс ӧксы дінӧ да тшӧктісны висьтавны сылы, бӧр лок пӧ, ӧксыӧй, аслад йӧзкӧд.

Ӧксыяслӧн 2 небӧг 19:9

Израильса чужанкотыръяс пондісны мыжавны ӧта-мӧднысӧ. Найӧ шуалісны: «Давид ӧксы мездіс миянӧс став вӧрӧгысь. Сійӧ мездіс миянӧс филистимсаяслӧн киысь, а Авессалом понда пышйис аслас муысь.

Ёрдысьяс 9:23

Ен мӧдӧдіс пеж лолӧс, и Сикем карса олысьяс кыпӧдчисны Авимелеклы паныд.

Ёрдысьяс 8:1

Ефремсянь чужысьяс скӧрпырысь сёрнитісны Гедеонкӧд. Найӧ шуисны: «Мыйла тэ тадзи вӧчин? Мыйла эн кор миянӧс, медым ми тэкӧд петім тышкасьны мадиансаяслы паныд?»