Ӧксыяслӧн 2 небӧг 16:1 - Коми Библия 2023

¹ Олив керӧсысь лэччигӧн Давидлы паныдасис Сивей, Мепибошетлӧн кесйӧгыс. Кык осёл вылын сійӧ нуис кыксё тупӧсь нянь, сё ёкмыль изюм да сё ёкмыль косьтӧм инжир, нӧшта кучик дозйын вина.

Ӧксыяслӧн 2 небӧг 16:1 Referans Kwoze

Ӧксыяслӧн 1 небӧг 25:18

Авигея тэрмасьӧмӧн босьтіс кыксё тупӧсь нянь, кык кучик дозйын вина, сёйны дасьтӧм вит ыж, вит куд тыр пражитӧм тусь, сё ёкмыль изюм да кыксё ёкмыль косьтӧм инжир. Ставсӧ тайӧс пуктіс осёлъяс вылӧ.

Ӧксыяслӧн 2 небӧг 15:32

Кор Давид кайис керӧс йылӧ, кӧні юрбитлісны Енлы, сэні паныдасис сылы Аркиысь Хушай ёртыс. Паськӧмсӧ сійӧ вӧлі косялӧма, а юрсӧ коялӧма муӧн.

Амос 8:1

Господь Ыджыдыс петкӧдліс меным кисьмӧм яблӧг-груша тыра куд.

Еремей 40:12

Та йылысь кылӧм бӧрын иудаса йӧз бергӧдчисны Иуда муӧ быдлаысь, кытчӧ найӧ пышйылісны. Найӧ локтісны Миспаӧ Гедалий дінӧ. Сійӧ вонас найӧ чукӧртісны зэв уна виноград да яблӧг-груша.

Еремей 40:10

Ачым ме кольчча Миспаӧ да кута висьтавлыны тіян йылысь бурсӧ Калдея муысь миян дінӧ волысьяслы. А ті чукӧртӧй виноград, яблӧг-груша да олив, заптӧй найӧс асланыд дозъясӧ. Олӧй сійӧ каръясас, кодъясӧс ті босьтінныд аслыныд».

1 Каднебӧг 12:40

Тшӧтш матын олысьяс, весиг Иссакарлӧн, Завулонлӧн да Неффалимлӧн чужанкотыръяс вайисны налы осёл-мулъяс вылын, верблюдъяс да ӧшъяс вылын сёян: пызь, косьтӧм инжир, изюм, вина, вый да уна ыж-мӧс, ӧд Израильын вӧлі ыджыд нимкодьлун.

Ӧксыяслӧн 2 небӧг 19:32

Барзиллай вӧлі зэв нин пӧрысь, кӧкъямысдас арӧса. Сійӧ вӧлі зэв озыр. Маханаимын ӧксылӧн олігӧн Барзиллай вайліс сылы сёян-юан да мукӧд коланаторсӧ.

Ӧксыяслӧн 2 небӧг 15:30

А Давид кайис Олив керӧсӧ. Кӧмтӧгыс да юрсӧ вевттьӧмӧн сійӧ муніс и бӧрдіс. Сыкӧд мунысь йӧзыс тшӧтш вевттисны юрнысӧ да бӧрдісны.

Ӧксыяслӧн 1 небӧг 16:20

Ессей пуктіс осёл вылӧ нянь, кучик дозйын вина, ӧти кӧзапи да ставсӧ тайӧс мӧдӧдіс Давид пиыскӧд Сауллы.

Ӧксыяслӧн 1 небӧг 10:3

Сэтысянь водзӧ мунан да воан Тавор тупуа раскӧ. Сэні тэ паныдасян Вефильӧ Ен дінӧ мунысь куим морткӧд: ӧтиыс нуӧ куим кӧзапи, мӧдыс – куим нянь, коймӧдыс – кучик дозйын вина.

Микей 7:1

Курыд шог меным! Воис кад – вотӧс чукӧртӧм бӧрын кодь, виноград ӧктӧм бӧрын кодь: сёйыштны виноградыс абу, корся инжир вотӧс, а сійӧ абу.

Шусьӧгъяс 18:16

Вежӧра мортлӧн сьӧлӧмыс тӧдӧмлунсӧ аддзӧ, мывкыд мортлӧн пельыс тӧдӧмлунсӧ корсьӧ.

Ӧксыяслӧн 2 небӧг 19:17

Сыкӧд локтісны Венямин чужанкотырысь сюрс морт, Сауллӧн Сивей кесйӧгыс дас витнан пиыскӧд да кызь кесйӧгыскӧд. Ставныс найӧ вуджисны Йӧрдан ю сайӧ, медым вочаавны ӧксыӧс