Ӧксыяслӧн 2 небӧг 15:2 - Коми Библия 2023

² Сійӧ чеччыліс водз асывнас да сувтліс карса дзиръялань мунан туй вылӧ. Кор кодкӧ вӧлі локтӧ ёрдӧ, мед ӧксы видлаліс сылысь могсӧ, Авессалом сувтӧдліс сійӧс да юавліс, кутшӧм карысь пӧ тэ. Мӧдыс вочавидзліс, ме пӧ, тэнад кесйӧг, израильса татшӧмтӧ чужанкотырысь.

Ӧксыяслӧн 2 небӧг 15:2 Referans Kwoze

Матвей 27:1

Асывводзнас чукӧртчисны став аркирейыс юрнуӧдысьяскӧд. Найӧ сёрнитчисны да воисны ӧти кывйӧ: вины Исусӧс.

Шусьӧгъяс 4:16

Найӧ оз вермыны унмовсьны, оз кӧ вӧчны лёксӧ, налӧн унмыс вошӧ, оз кӧ дойдны кодӧскӧ.

Иов 24:14

Морт виысь югдытӧдзыс на чеччӧ, виӧ гӧльӧс да коньӧрӧс, войнас ветлӧдлӧ гусясьысь моз.

Ӧксыяслӧн 2 небӧг 19:8

Ӧксы петіс да пуксис карса дзиръя дорӧ. Тышкайӧзлы юӧртісны та йылысь, и найӧ ставныс локтісны ӧксы дінӧ. Авессаломлӧн йӧзыс пышйисны тыш вылысь гортаныс.

Руфа 4:1

Вооз локтіс карса дзиръя дорӧ да пуксис. Сійӧ аддзис, мый локтӧ сылӧн рӧдвужысь морт, код йылысь сёрнитіс Руфакӧд. Вооз шуис сылы: «Лок татчӧ, пуксьы». Мӧдыс локтіс да пуксис.

Петӧм 18:26

Найӧ вӧліны войтырлы ёрдысьясӧн, видлалісны ичӧт могъяс. А сьӧкыд могъясӧн войтыр локтіс Мӧисей дінӧ.

Петӧм 18:16

Асланыс вензьӧмъясӧн найӧ локтӧны ме дінӧ. Ме ёрдысь на костын. Ме тӧдмӧда найӧс Енлӧн индӧд-тшӧктӧмъясӧн».

Петӧм 18:14

Мӧисейлӧн Иофор тесьтыс аддзис тайӧс да шуис: «Мый нӧ тэ вӧчан! Мыйла тэ войтыртӧ ӧтнад кывзан? Асывсянь рытӧдз тэ водзӧ локтӧны йӧз».

Олӧм 34:20

Хамор батьыскӧд сійӧ муніс карса дзиръя дорӧ. Сэні найӧ сёрнитісны карса олысьяскӧд да шуисны:

Индӧд 17:8

«Асланыд карын кор ті кутанныд видлавны виӧм, вензьӧм либӧ дойдӧм йылысь могъяс, и тіянлы лоӧ сьӧкыд веськыда мыждыны, сэки мунӧй сійӧ местаас, мый Господь, тіян Енныд, бӧръяс [медым сэні ті шыасинныд Сы дінӧ].

2 Каднебӧг 10:7

Найӧ шуисны: «Тэ кӧ лоан бур сьӧлӧма тайӧ войтырыс дінӧ, могмӧдан налысь корӧмсӧ да бурногӧн вочавидзан налы, найӧ став олӧм чӧжныс лоасны тэныд кесйӧгъясӧн».

Даниил 11:21

Бырӧдӧм ӧксы пыдди пуксяс юравны мустӧм морт, кодӧс ӧксы туйӧ оз пуктыны. Сійӧ локтас виччысьтӧг да наянлунӧн пуксяс ӧксыӧ.