Ӧксыяслӧн 2 небӧг 14:11 - Коми Библия 2023

¹¹ Ань шуис: «Кора тэнӧ, ӧксыӧй, кыв сет аслад Господь Ен водзын, мый вир кисьтӧм вӧсна водзӧс перйӧм могысь оз кутны водзӧ виавны да оз вины менсьым пиӧс». Ӧксы воча шуис: «Ловъя Господь водзын кыв сета: тэнад пилӧн весиг ӧти юрси сі оз усь юр вывсьыс».

Ӧксыяслӧн 2 небӧг 14:11 Referans Kwoze

Ӧксыяслӧн 1 небӧг 14:45

Йӧзыс шуисны Сауллы: «Мед оз ло тадз! Сійӧ ӧд вайис Израильлы ыджыд вермӧм да мездӧм. Ми кыв сетам ловъя Господь водзын: сылӧн юр вывсьыс весиг юрси сі оз усь. Ен отсӧгӧн талун сійӧ вермис филистимсаясӧс». Тадзи йӧзыс мездісны Ионафанӧс, и сійӧ ловйӧн коли.

Матвей 10:30

А тіянлысь став юрсинытӧ лыддьӧма.

Лыд 35:19

Вир кисьтӧм вӧсна водзӧс перйысь вермас вины морт виысьӧс сыкӧд паныдасигӧн.

Ап. уджъяс 27:34

Колӧ сёйыштны, мед ловйӧн колинныд. Тіян пиысь некодлӧн весиг юрси сі оз усь юр вывсьыныд».

Ӧксыяслӧн 3 небӧг 1:52

Соломон вочавидзис: «Сійӧ кӧ лоӧ веськыд мекӧд, сылӧн ӧти юрси сі оз усь юр вывсьыс. А кутас кӧ пӧръясьны, кулас».

Лыд 35:21

либӧ коді скӧрпырысь кинас вачкас, и мӧдыс кулас, сійӧс колӧ вины, ӧд сійӧ морт виысь. Вир кисьтӧм вӧсна водзӧс перйысь вермас вины морт виысьӧс сыкӧд паныдасигӧн.

Еремей 4:2

Тэ кӧ ловъя Господь водзын кыв сетан, сідзкӧ, веськыда да збыльыс серти тайӧс вӧчан, сэки войтыръяслы лоӧ бурсиӧмыс Господьсянь, и найӧ пондасны ошкыны Сійӧс.

Ӧксыяслӧн 1 небӧг 28:10

Господь нимӧн кӧсйысьӧмӧн Саул шуис: «Ловъя Господь водзын кыв сета: тэныд таысь лёкыс оз ло».

Ӧксыяслӧн 1 небӧг 20:42

Ионафан шуис Давидлы: «Мун лӧнь сьӧлӧмӧн. Господь водзын ми кыв сетім видзны кӧрталӧм йитӧднымӧс. Господь лоӧ миян костын, месянь да тэсянь чужысьяс костын нэмъяс чӧж».

Лыд 35:27

и водзӧс перйысь кӧ паныдалас сійӧс кар сайын да виас, сэки водзӧс перйысь оз ло мыжа вир кисьтӧмсьыс.

Олӧм 31:50

Тэ кӧ менам нывъяскӧд кутан лёкнога овны либӧ наысь ӧтдор босьтан гӧтыръясӧс, Ен аддзӧ тайӧс. Весиг кӧ некод оз аддзы да оз висьтав та йылысь, но Енмыс аддзӧ.

Олӧм 14:22

Но Ӧврам шуис содомса ӧксылы: «Лэпта киӧс Господьлань, енэжсӧ да мусӧ вӧчысь Медвылысса Енлань, да кыв сета,

Ӧксыяслӧн 2 небӧг 14:10

Ӧксы шуис: «Тэ вылӧ кӧ кодкӧ кутас шуасьны, вайӧд сійӧс ме дінӧ. Водзӧ сійӧ оз кут тэнӧ дӧзмӧдны».

Ӧксыяслӧн 2 небӧг 14:12

Ань шуис: «Лэдз аслад кесйӧглы нӧшта мыйкӧ висьтавны тэныд, ӧксыӧй-ыджыдӧй».

Ӧксыяслӧн 2 небӧг 14:21

Йоавлы ӧксы шуис: «Бур. Ме вӧча, кыдзи тэ шуин. Мун да бӧр вайӧд Авессаломӧс».