Ӧксыяслӧн 2 небӧг 1:23 - Коми Библия 2023

²³ Саулӧс да Ионафанӧс ёна радейтісны да ошкисны. Оліганыс найӧ эз янсӧдчывны, куліганыс эз торйӧдчыны. Кутшысь тэрыбджыкӧсь, левысь ёнджыкӧсь вӧліны найӧ.

Ӧксыяслӧн 2 небӧг 1:23 Referans Kwoze

Еремей 4:13

Вӧрӧг кыпӧдчас кымӧр моз, сылӧн тарантасъясыс тӧвныр кодь тэрыбӧсь, сылӧн вӧвъясыс кутшъяс дорысь на тэрыбджыкӧсь. Сэки ті горӧданныд: ”Курыд шог миянлы! Миянӧс лоӧ бырӧдӧма!”»

Ёрдысьяс 14:18

Сизимӧд луннас, шонді пуксьытӧдзыс, карса олысьяс шуисны Самсонлы: «Маысь юмолыс да левысь вынаыс абу». Самсон вочавидзис налы: «Менам мӧскӧн кӧ энӧ гӧрӧй, менсьым нӧдкывйӧс эськӧ энӧ тӧдмалӧй».

Бӧрданкыв 4:19

Енэжвыв кутш дорысь тэрыбӧсь вӧліны миянӧс вӧтӧдысьяс, найӧ вӧтлысисны миян бӧрся керӧсъяс вывті, кыйӧдісны миянӧс овтӧминын.

Шусьӧгъяс 30:30

лев, зверъяс пӧвстын медвынаыс, коді туйсӧ некодлы оз сет,

Иов 9:26

тӧвзьӧны кокньыд пыж моз, кыйдӧс вылӧ уськӧдчысь кутш моз.

Ӧксыяслӧн 1 небӧг 18:1

Давидлӧн Саулкӧд сёрнитӧм бӧрын Ионафан став сьӧлӧмнас кӧртасис Давид дінӧ, кутіс радейтны сійӧс асьсӧ моз.

Индӧд 28:49

Ылісянь, му помсянь Господь вайӧдас войтырӧс, кодлысь кывсӧ ті онӧ гӧгӧрвоӧй. Кутшъяс моз найӧ уськӧдчасны тіян вылӧ.

1 Каднебӧг 12:8

Гад чужанкотырысь йӧз ӧтувтчисны Давидкӧд, кор сійӧ дзебсясис овтӧминын. Найӧ вӧліны вынаӧсь да повтӧмӧсь, дасьӧсь тышкасьны шыӧн да сайӧдӧн, вӧліны левъяс кодь скӧрӧсь, керӧсвывса газельяс кодь тэрыбӧсь.

Ӧксыяслӧн 2 небӧг 23:20

Кавцелысь Бенай, Иодайлӧн пиыс, вӧлі збой тышкасьысь да нималіс аслас ыджыд уджъясӧн. Сійӧ виис моавса Ариллысь кыкнан писӧ. Коркӧ лым усигӧн сійӧ лэччис косьмӧм вайӧртӧдӧ да виис сэні левӧс.

Ӧксыяслӧн 1 небӧг 20:2

Ионафан шуис: «Тэ он кув. Батьӧй меным висьталӧ ставсӧ, мый кӧсйӧ вӧчны. Кӧсйис кӧ вины тэнӧ, ме эськӧ тӧді та йылысь. Оз ло тадзи!»

Ӧксыяслӧн 2 небӧг 2:18

Тайӧ тышас вӧліны Саруялӧн куимнан пиыс: Йоав, Авишай да Асаил. Асаил вӧлі газель кодь тэрыб кока.

Ӧксыяслӧн 2 небӧг 1:24

Израильса нывъяс, бӧрдӧй Саул вӧсна! Сійӧ пасьтӧдліс тіянӧс дона гӧрд паськӧмӧн, судзӧдліс тіянлы зарни мичмӧдчанторъяс.

Сьылан 5:16

Сылӧн вомыс – юмовтор, ставыс сылӧн кыскӧ ас дінас. Татшӧм менам мусукӧй, татшӧм менам ёртӧй, ерусалимса нывъяс!