Ӧксыяслӧн 1 небӧг 8:5 - Коми Библия 2023

⁵ Найӧ шуисны сылы: «Тэ пӧрысь нин, а тэнад пияныд оз ветлыны тэнад туйӧд. Инды ӧксыӧс, мед сійӧ лоас миянлы ёрдысь-веськӧдлысьӧн. Мукӧд войтыръяслӧн тай эмӧсь ӧксыяс».

Ӧксыяслӧн 1 небӧг 8:5 Referans Kwoze

Ап. уджъяс 13:21

Сэсся найӧ корисны ӧксыӧс, сэки Енмыс сетіс налы Саулӧс, Венямин чужанкотырысь Кислысь писӧ. Сійӧ веськӧдліс нелямын во чӧж.

Ӧксыяслӧн 1 небӧг 12:17

Ӧні шобді вундан кад. Но ме кӧ шыася Господь дінӧ, Сійӧ ыстас гым да зэр. Тадзи ті аддзанныд да тӧдмаланныд, кутшӧм ыджыд мыж ті вӧчинныд Господьлӧн син водзын, кор ті коринныд аслыныд ӧксыӧс».

Лыд 23:9

Изкырта вывсянь ме аддза найӧс, керӧс вывсянь видзӧда на вылӧ. Со, тайӧ войтырыс олӧ торйӧн, асьсӧ мукӧд войтыръяс лыдӧ оз пырт.

Ӧксыяслӧн 1 небӧг 9:20

Эн шогсьы куим лун сайын вошӧм осёлъясыд вӧсна, ӧд найӧ сюрисны нин. Кодлы нӧ Енмыс дасьтӧма став бурсӧ Израильын? Абу-ӧ тэныд да тэнад рӧдлы?»

Ӧксыяслӧн 1 небӧг 12:2

Ӧні сійӧ кутас веськӧдлыны тіянӧн. Ме пӧрысь нин, дай дзор нин, но пиянӧй лоӧны тіянкӧд. Том кадсянь талунъя лунӧдз ме вӧлі тіянлы веськӧдлысьнас.

Ӧксыяслӧн 1 небӧг 12:13

Господь пуктіс тіянлы ӧксыӧс, кодӧс ті коринныд да бӧрйинныд.

Ёрдысьяс 8:22

Израиль войтыр шуисны Гедеонлы: «Тэ ло миянлы юралысьнас, тэ бӧрся лоас пиыд, а пиыд бӧрся – сылӧн пиыс. Тэ ӧд миянӧс мездін мадиансаяслӧн киысь».

Ӧксыяслӧн 1 небӧг 10:19

Но ті ӧтдортінныд ассьыныд Еннытӧ, коді мездӧ тіянӧс быд лёксьыс да сьӧкыдлунсьыс. Ті шуинныд Сылы: ”Пукты миянлы ӧксыӧс”. Сідзкӧ, ӧні сувтӧй Господь водзӧ – быдӧн асланыд чужанкотыр да рӧд сертиныд».