Ӧксыяслӧн 1 небӧг 7:17 - Коми Библия 2023

¹⁷ Самуил оліс Рама карын, сэні сійӧ тшӧтш вӧлі ёрдысьӧн. Рама карын Самуил сувтӧдіс Господьлы висьпуктанін.

Ӧксыяслӧн 1 небӧг 7:17 Referans Kwoze

Ӧксыяслӧн 1 небӧг 1:19

Мӧд асывнас Элкан водз чеччис аслас гортсаяскӧд. Господьлы юрбитӧм бӧрын найӧ мӧдӧдчисны гортаныс Рамаӧ. Локтӧм бӧрас Элкан узис Аннакӧд, и Господь вочавидзис Анналӧн кевмысьӧм вылӧ.

Ӧксыяслӧн 1 небӧг 8:4

Израильса юрнуӧдысьяс чукӧртчисны да мунісны Самуил дінӧ Рамаӧ.

Ӧксыяслӧн 1 небӧг 1:1

Ефрем керӧсвыв муын, Раматаим-Зофим карын, оліс Элкан нима морт. Рӧднас сійӧ вӧлі Епрафаысь. Сійӧ вӧлі Ерохамлӧн пи, Ерохам – Элихулӧн, Элиху – Тохулӧн, Тоху – Цуфлӧн.

Ӧксыяслӧн 1 небӧг 11:15

Ставныс мунісны Галгалӧ, и сэні Господь водзын пуктісны Саулӧс ӧксыӧ. Сэсся вайисны Господьлы бурасян висьяс. Израиль войтыр Саулкӧд ёна нимкодясис-гажӧдчис сэні.

Олӧм 35:7

Сэтчӧ лэптіс висьпуктанін да нимтіс тайӧ местасӧ Эл-Бетэльӧн. Ӧд сэні Исав воксьыс пышйигас сылы петкӧдчис Ен.

Олӧм 33:20

Яков лэптіс сэтчӧ тшӧтш висьпуктанін да шыасис Израильлӧн Господь Ен дінӧ.

Ӧксыяслӧн 1 небӧг 2:11

Сэсся Элкан гӧтырыскӧд бӧр муніс Рамаӧ. Пинысӧ найӧ колисны Илий поп дінӧ кесъявны Господьлы.

Ӧксыяслӧн 1 небӧг 9:12

Нывъяс вочавидзисны: «Тані. Сійӧ тіян водзвылын локтіс карас, ӧд талун мыльк вылын войтыр кутас вись вайны. Тэрмасьӧй!

Ӧксыяслӧн 1 небӧг 14:35

Господьлы вӧчӧм висьпуктанін вылын. Тайӧ вӧлі Саулӧн сувтӧдӧм висьпуктанінъясысь медводдзаыс.

Ӧксыяслӧн 1 небӧг 15:34

Та бӧрти Самуил муніс Рама карӧ, а Саул муніс гортас Гиваӧ.

Ӧксыяслӧн 1 небӧг 28:3

Самуил кор куліс, став Израиль ёна бӧрдіс-шогсис сы вӧсна. Дзебисны сійӧс аслас Рама карӧ. Та бӧрын Саул вӧтлаліс аслас муысь кулӧмаӧс корысьясӧс да тунасьысьясӧс.

Исай 10:29

Найӧ мунісны керӧс потасӧд да узьмӧдчисны Геваӧ. Рама кар дзӧрис полӧмысла, Сауллӧн Гива карын олысьяс пышйисны.

Ёрдысьяс 4:5

Девора пукаліс Рама да Вефиль костын пальма улын, Ефрем керӧсвыв муын. Пальмасӧ шуисны Деворалӧн пальмаӧн. Сэтчӧ Израиль пиян волісны асланыс могъясӧн, медым Девора шуис ассьыс веськыда мыждӧм.

Ёрдысьяс 6:24

Гедеон вӧчис сэні Господьлы висьпуктанін да нимтіс сійӧс ”Яхве-шалом”. Висьпуктаніныс ӧнӧдз сулалӧ Офраын, Авиэзер рӧдлӧн му вылас.