Ӧксыяслӧн 1 небӧг 6:17 - Коми Библия 2023

¹⁷ Зарниысь вӧчӧм мыльяссӧ филистимсаяс вайисны Господьлы мыж вештан вись пыдди вит филистимса кар вӧсна: Азот, Газа, Аскалон, Геф да Экрон каръяс вӧсна.

Ӧксыяслӧн 1 небӧг 6:17 Referans Kwoze

Ӧксыяслӧн 2 небӧг 1:20

Энӧ висьтавлӧй та йылысь Гефын, энӧ паськӧдӧй юӧрсӧ Аскалон туйяс вылын, медым эз нимкодясьны филистимса нывъяс, эз гажӧдчыны вундыштчытӧмъяслӧн нывъяс.

Амос 6:2

Мунӧй Калне карӧ да видзӧдлӧй, сэтысянь мунӧй ыджыд Хамат карӧ, лэччӧй филистимса Геф карӧ. Ті ӧд наысь абу ёнджыкӧсь. Налӧн ӧмӧй муныс тіянысь ыджыдджык?

Еремей 25:20

юктӧді сорласьӧм войтыръясӧс, Уц да Филистим муясысь ӧксыясӧс, филистимса Аскалон, Газа да Экрон каръясын олысьясӧс, тшӧтш Азот карын ловйӧн кольӧмаясӧс.

2 Каднебӧг 26:6

Озей петіс филистимсаяслы паныд тышӧ да жугӧдіс-пазӧдіс Геф, Явне да Азот каръяслысь стенъяссӧ. Сэсся сійӧ Азот кар гӧгӧрын да мукӧдлаын Филистим муын лэптіс каръяс.

Ӧксыяслӧн 4 небӧг 1:2

Самарияын олігас Ахазий аслас керкаын усис вылі судта ӧшиньӧдыс да ёна доймис. Сійӧ корис ассьыс йӧзсӧ да шуис: «Ветлӧй экронса Ваал-Зевув ен дінӧ да юалӧй, бурда-ӧ ме тайӧ доймӧмсьыс?» [Мӧдӧдӧмаяс мунісны.]

Ӧксыяслӧн 2 небӧг 21:22

Давид да сылӧн йӧзыс виисны гефса Рефай рӧдысь тайӧ нёльнан мортсӧ.

Ӧксыяслӧн 1 небӧг 6:4

Йӧзыс юалісны: «Мый миянлы ыстыны Сылы мыж вештан вись пыдди?» Мӧдъясыс шуисны: «Ыстӧй зарниысь вӧчӧм вит мыль да вит зарни крыса филистимса юралысьяслӧн лыд серти. Ӧд тіянӧс да тіянлысь юралысьяснытӧ мыждӧма ӧткодя.

Ӧксыяслӧн 1 небӧг 5:10

Сэтысь мӧдӧдісны Енлысь кудсӧ Экрон карӧ. Сэтчӧс олысьяс пондісны шуасьны-горзыны: «Мыйла ті вайинныд татчӧ Израиль Енлысь кудсӧ? Мед вины-бырӧдны миянӧс?»

Ӧксыяслӧн 1 небӧг 5:8

Найӧ чукӧртісны ас дінаныс филистимса став юралысьсӧ да юалісны: «Мый миянлы вӧчны Израиль Енлӧн кудйыскӧд?» Юралысьяс тшӧктісны нуны кудсӧ Гефӧ. И нуисны Израиль Енлысь кудсӧ Гефӧ.

Ӧксыяслӧн 1 небӧг 5:1

Енлысь кудсӧ босьтӧм бӧрын филистимсаяс вайисны сійӧс Эвен-Эзерысь Азотӧ.

Ёрдысьяс 16:21

Филистимсаяс босьтісны Самсонӧс да бытшкисны сылысь кыкнан синсӧ. Сэсся вайӧдісны сійӧс Газа карӧ да кӧрталісны ыргӧн чепъясӧн. Дзескыдінын сылы ковмис изны нянь.

Ёрдысьяс 16:1

Ӧтчыд Самсон локтіс Газа карӧ, аддзис сэні кырсалысь аньӧс да пырис сы ордӧ.

Ёрдысьяс 1:18

Иуда чужанкотыр босьтіс нӧшта Газа, Аскалон да Экрон каръяс нагӧгӧрса муясӧн [да Азот кар сыгӧгӧрса муӧн].

Левит 5:7

Коді гӧльлун вӧсна оз вермы вайны ыжӧс, мед ваяс Господьлы мыж вештӧм могысь кык гулюӧс либӧ кык гулюпиӧс, ӧтисӧ мыжысь вись пыдди, мӧдсӧ сотан вись пыдди.

Индӧд 28:27

Египетсаяс вылӧ моз Господь мӧдӧдас тіян вылӧ орзьӧм мыльяс, пыкӧс, лӧмӧссьӧм да лудӧм, и наысь ті онӧ бурдӧй.

Амос 1:6

Господь тадзи висьталӧ: – Газа карын олысьяс мыж бӧрся мыж вӧчисны, та вӧсна Ме ог веж Ассьым мыждана шуӧмӧс. Найӧ ӧд уна войтырӧс нуӧдісны пленӧ, вузалісны найӧс эдом войтырлы.

Ёрдысьяс 14:19

Господьлӧн Лолыс лэччис Самсон вылӧ. Самсон муніс Аскалонӧ да виис сэні комын мортӧс, пӧрччӧдіс на вылысь паськӧмсӧ да сетіс налы, кодъяс тӧдмалісны сылысь нӧдкывсӧ. Скӧрйывсьыс сійӧ бӧр муніс бать керкаас.