Ӧксыяслӧн 1 небӧг 5:7 - Коми Библия 2023

⁷ Ставсӧ тайӧс аддзигӧн азотсаяс шуисны: «Израиль Енлысь кудсӧ колӧ нуны миян дінысь, ӧд Сійӧ сьӧктӧдӧ миянӧс да миянлысь Дагон еннымӧс».

Ӧксыяслӧн 1 небӧг 5:7 Referans Kwoze

Петӧм 12:33

Египетсаяс тшӧктісны Израиль войтырлы ӧдйӧджык петны Египет муысь. Найӧ шуалісны, ставным пӧ ми кулам.

Еремей 48:7

Моав, тэ лача кутін уджъясыд да озырлуныд вылӧ, та вӧсна вӧрӧг кытшалас-босьтас тэнӧ. Кемош идолӧс нуӧдасны пленӧ, тшӧтш сылы кесъялысь попъясӧс да юралысьясӧс.

Еремей 46:25

Господь Саваоф, Израильлӧн Ен, висьталӧ: Ме мыжда Но карлысь Амон идолсӧ, фараонӧс, Египет му, сылысь енъяссӧ да ӧксыяссӧ. Ме мыжда фараонӧс да сы вылӧ лача кутысьясӧс.

1 Каднебӧг 15:13

Водзынджык энӧ ті новлӧдлӧй кудсӧ, та вӧсна Господь, миян Енным, мыждіс миянӧс, ӧд ми эгӧ шогмана ногӧн шыасьлӧй Сы дінӧ».

Ӧксыяслӧн 2 небӧг 6:9

Сійӧ лунӧ Давид ёна повзис Господьысь. Сійӧ шуис: «Ме ог вермы босьтны Господьлысь кудсӧ ас дінӧ».

Ӧксыяслӧн 1 небӧг 6:20

Найӧ шуалісны: «Коді вермас сулавны Господь водзын, тайӧ вежа Енмыс водзын? Вешъяс-ӧ Сійӧ коркӧ миян дінысь?»

Ӧксыяслӧн 1 небӧг 4:8

Курыд шог миянлы! Коді мездас миянӧс тайӧ вына Енсьыс? Ӧд тайӧ Енмыс уна ногӧн чорыда мыждыліс египетсаясӧс овтӧминын.

Петӧм 10:7

Фараонлӧн йӧзыс шуисны сылы: «Дыр-ӧ на миянлы сьӧкыдавны тайӧ мортыс понда? Лэдз тайӧ войтырсӧ, мед мунасны да юрбитасны Господьлы, асланыс Енлы. Он ӧмӧй аддзы, мый Египетным быранвыйын?»

Петӧм 9:28

Кевмысьӧй [ме вӧсна] Господьлы, мед дугӧдас гымсӧ да шерсӧ [да чардбисӧ му вылын]. Сэсся ме лэдза тіянӧс, водзӧ ог нин кут».

Петӧм 8:28

Фараон шуис: «Ме лэдза тіянӧс овтӧминӧ вись вайны Господьлы, тіян Енлы, сӧмын ылӧ энӧ мунӧй. Кевмысьӧй ме вӧсна [Господьлы]».

Петӧм 8:8

Фараон корис Мӧисейӧс Ааронкӧд да шуис налы: «Кевмысьӧй Господьлы, мед Сійӧ вештас ме дінысь да менам войтыр дінысь жабаясӧс. Сэсся ме лэдза Израиль войтырӧс мунны, медым Господьлы вайны вись».

Ӧксыяслӧн 1 небӧг 5:6

Азотын да сы гӧгӧрын олысьясӧс Господь чорыда кутіс мыждыны. Ставнысӧ полӧм босьтіс. Господь дойдаліс йӧзсӧ, яй пасьталаыс налӧн петалісны мыльяс. [Му пасьталаыс рӧдмисны крысаяс. Ыджыд шог суис карын олысьясӧс.]

Ӧксыяслӧн 1 небӧг 5:8

Найӧ чукӧртісны ас дінаныс филистимса став юралысьсӧ да юалісны: «Мый миянлы вӧчны Израиль Енлӧн кудйыскӧд?» Юралысьяс тшӧктісны нуны кудсӧ Гефӧ. И нуисны Израиль Енлысь кудсӧ Гефӧ.