Ӧксыяслӧн 1 небӧг 4:12 - Коми Библия 2023

¹² Сійӧ жӧ лунӧ Венямин чужанкотырысь ӧти морт тэрмасьӧмӧн локтіс тышкасянінысь Силомӧ. Паськӧмсӧ сійӧ вӧлі косялӧма, юрсӧ коялӧма муӧн.

Ӧксыяслӧн 1 небӧг 4:12 Referans Kwoze

Нав Исус 7:6

Исус косяліс паськӧмсӧ да кымынь уськӧдчис муас Господьлӧн куд водзӧ. Тадзи рытӧдзыс куйліс израильса юрнуӧдысьяскӧд. Юрнысӧ найӧ ставныс коялісны муӧн.

Иов 2:12

Найӧ ылісянь на аддзисны Иовӧс, но эз тӧдны сійӧс. Сэки найӧ пондісны ырзӧмӧн бӧрдны, косялісны паськӧмнысӧ да юр весьтаныс коялісны му енэжланьыс.

Неемий 9:1

Кызь нёльӧд лунӧ сійӧ жӧ тӧлысьнас Израиль войтыр чукӧртчис, мед видзавны. Найӧ пасьталісны шогалан паськӧм да коялісны юрнысӧ муӧн.

Ӧксыяслӧн 2 небӧг 15:32

Кор Давид кайис керӧс йылӧ, кӧні юрбитлісны Енлы, сэні паныдасис сылы Аркиысь Хушай ёртыс. Паськӧмсӧ сійӧ вӧлі косялӧма, а юрсӧ коялӧма муӧн.

Ӧксыяслӧн 2 небӧг 1:2

Коймӧд луннас Сауллӧн тышкайӧз пӧвстысь локтіс ӧти морт. Паськӧмсӧ сійӧ вӧлі косялӧма, юрсӧ коялӧма муӧн. Сійӧ матыстчис Давид дінӧ да муӧдзыс уськӧдчис сы водзӧ.

Езекиль 24:26

Сійӧ жӧ лунӧ локтас тэ дінӧ Ерусалимысь пышйӧм морт, и сійӧ ставсӧ юӧртас тэныд.

Езекиль 27:30

Найӧ ёна горзӧны, курыда бӧрдӧны тэ вӧсна, юрнысӧ коялӧны муӧн, туплясьӧны пӧим пытшкын.