Ӧксыяслӧн 1 небӧг 31:4 - Коми Библия 2023

⁴ Саул шуис шыпурт новлӧдлысьыслы: «Перйы шыпурттӧ да бытшкы менӧ! Тайӧ вундыштчытӧмъясыс мед оз вины менӧ да оз тешитчыны ме вылын». Но шыпурт новлӧдлысь ёна повзис да эз ви Саулӧс. Сэки Саул босьтіс ассьыс шыпуртсӧ да шыбитчис ёсьладор помас.

Ӧксыяслӧн 1 небӧг 31:4 Referans Kwoze

Ӧксыяслӧн 2 небӧг 1:20

Энӧ висьтавлӧй та йылысь Гефын, энӧ паськӧдӧй юӧрсӧ Аскалон туйяс вылын, медым эз нимкодясьны филистимса нывъяс, эз гажӧдчыны вундыштчытӧмъяслӧн нывъяс.

Ӧксыяслӧн 2 небӧг 1:6

Юӧр вайысь шуис: «Ме локті Гелву керӧсӧ да аддзи доймалӧм Саулӧс. Сійӧ сулаліс шы вылас мыджсьӧмӧн. Тарантасъяс да верзьӧмаяс вӧлі матыстчӧны сылань.

Ёрдысьяс 9:54

Авимелек дзик пыр горӧдіс шыпурт новлӧдлысьсӧ да тшӧктіс сылы: «Перйы шыпурттӧ да сатшкы менӧ. Мед некод оз шу, мый менӧ виис ань». Шыпурт новлӧдлысь сатшкис Авимелекӧс, и сійӧ куліс.

Ӧксыяслӧн 3 небӧг 16:27

Омри ӧксыалӧм дырйи мукӧд лоӧмторъяс йылысь, сылӧн уджъяс да вермӧмъяс йылысь гижӧма израильса ӧксыяслӧн каднебӧгӧ.

Ӧксыяслӧн 2 небӧг 17:23

Кор Ахитофел аддзис, мый сылысь вӧзйӧмсӧ ӧтдортісны, пуксис осёл вылӧ да муніс гортас, аслас карӧ. Гортсаясыслы висьталіс, мый вӧчны керканас, сэсся та бӧрти джагӧдчис. Сылысь шойсӧ пуктісны батьыслӧн дзебанінӧ.

Ӧксыяслӧн 2 небӧг 1:14

Давид шуис сылы: «Кыдзи тэ лысьтін лэптыны китӧ, медым вины Господьлысь мавтыштӧмасӧ?»

Ӧксыяслӧн 1 небӧг 17:36

Ме виавлі левӧс и ошкӧс. Тайӧ вундыштчытӧм филистимсаыскӧд тшӧтш тадзи лоӧ. Сійӧ ӧд увтыртӧ ловъя Енлысь тышкайӧзсӧ. [Ме муна да верма сійӧс, мед вештыны янӧдӧмсӧ Израиль вылысь. Тайӧ вундыштчытӧмыс миянлы некод.]»

Ӧксыяслӧн 1 небӧг 17:26

Давид юаліс сыкӧд орччӧн сулалысьяслысь: «Мый вичмас сійӧ мортыслы, коді виас тайӧ вундыштчытӧм филистимсасӧ да вештас Израиль вылысь янӧдӧмсӧ? Коді сійӧ сэтшӧмыс, мый лысьтӧ увтыртны ловъя Енлысь тышкайӧзсӧ?»

Ӧксыяслӧн 1 небӧг 14:6

Ионафан шуис аслас кесйӧглы: «Лок мунам тайӧ вундыштчытӧм тышкакотырыс дінӧ. Гашкӧ, Господь отсалас миянлы. Сійӧ вермӧ мездыны Ассьыс войтырсӧ уна йӧз пыр либӧ некымын морт пыр».

Ёрдысьяс 14:3

Бать-мамыс сылы шуисны: «Оз ӧмӧй миян чужанкотыр либӧ войтыр пӧвстысь сюр тэныд гӧтырыс? Мыйла тэ кӧсъян босьтны гӧтырӧ вундыштчытӧм филистим войтыр пӧвстысь нылӧс?» Самсон шуис батьыслы: «Босьт сійӧс меным, ӧд сійӧ меным сьӧлӧм вылӧ воис».

1 Каднебӧг 10:4

Саул шуис шыпурт новлӧдлысьыслы: «Перйы шыпурттӧ да бытшкы менӧ! Тайӧ вундыштчытӧмъясыс мед оз тешитчыны ме вылын». Но шыпурт новлӧдлысь ёна повзис да эз ви Саулӧс. Сэки Саул босьтіс ассьыс шыпуртсӧ да шыбитчис ёсьладор помас.

Ӧксыяслӧн 1 небӧг 31:5

Шыпурт новлӧдлысь кор аддзис, мый Саул куліс, тшӧтш шыбитчис шыпурт ёсьладор помас да куліс.

Ӧксыяслӧн 2 небӧг 21:12

Давид муніс Галаад муӧ, мед босьтны Явис карысь Сауллысь да сылӧн Ионафан пилысь лыяссӧ. Гелвуын Саулӧс вермӧм бӧрын филистимсаяс ӧшӧдісны налысь шойяссӧ Бет-Шеан карса изэрд вылӧ, но Явис карын олысьяс гусялісны найӧс.

Ӧксыяслӧн 3 небӧг 16:18

Зимри кор аддзис, мый израильса тышкайӧз босьтісны карсӧ, пырис аслас ӧксы керкаӧ пыді жыръяс да ӧзтіс керкасӧ, ачыс сотчис. Тадзи сійӧ куліс

Ӧксыяслӧн 1 небӧг 26:10

Ловъя Господь водзын шуа: Ачыс Господь бырӧдас сійӧс. Ас кулӧмнас либӧ тышын кулас сійӧ. А Господь мед видзас менӧ Сылӧн мавтыштӧма вылӧ киӧс лэптӧмысь.

Ӧксыяслӧн 2 небӧг 1:1

Сауллӧн кулӧм бӧрын Давид пасьвартіс амаликъясӧс, сэсся бӧр локтіс Сиклагӧ да оліс сэні кык лун.