Ӧксыяслӧн 1 небӧг 31:10 - Коми Библия 2023

¹⁰ Сауллысь тышкасянторъяссӧ пуктісны Астарталы юрбитанінӧ, а шойсӧ ӧшӧдісны Бет-Шеан карса стен бердӧ.

Ӧксыяслӧн 1 небӧг 31:10 Referans Kwoze

Ёрдысьяс 2:13

Найӧ эновтісны Господьӧс да кутісны кесъявны Ваал да Астарта идолъяслы.

Нав Исус 17:11

Иссакар да Асир чужанкотыръяслӧн муясысь Манассей чужанкотырлы вичмис Бет-Шеан, Ивлеам, Дор, Эн-Дор, Танак да Мегиддо каръяс, нагӧгӧрса сиктъяс да Нафет муысь коймӧд юкӧныс [сиктъяснас].

Ӧксыяслӧн 1 небӧг 21:9

Поп вочавидзис: «Эм шыпурт филистимса Голиафлӧн, кодӧс тэ ачыд виин тупуа ковтысын. Эстӧн ефод саяс, кӧлуй пытшкӧ гартыштӧма. Кӧсъян кӧ, босьт. Сы кындзи менам нинӧм абу». Давид воча шуис: «Таысь бурджыкыс оз сюр. Вай меным сійӧс». [Поп сетіс сылы.]

Ӧксыяслӧн 1 небӧг 7:3

Самуил шуис налы: «Ті кӧ став сьӧлӧмнад кӧсъянныд бергӧдчыны Господьлань, сідзкӧ, эновтчӧй мукӧд войтырлӧн енъясысь, тшӧтш Астарта идолысь. Веськӧдӧй сьӧлӧмнытӧ Господьлань да сӧмын Сылы кесъялӧй-юрбитӧй. Сэки Сійӧ мездас тіянӧс филистимсаясысь».

Ёрдысьяс 1:27

Манассей чужанкотыр эз вермы босьтны Бет-Шеан карсӧ [мӧд ногӧн кӧ, Скифополь карсӧ,] да сыгӧгӧрса сиктъяссӧ, Танак, Дор, Ивлеам да Мегиддо каръяссӧ да нагӧгӧрса сиктъяссӧ. Та вӧсна ханаансаяс кольччисны овны тайӧ муас.

Ӧксыяслӧн 1 небӧг 31:12

сэки став збой йӧзыс петісны туйӧ да войбыд мунісны. Найӧ босьтісны Сауллысь да пияныслысь шойяссӧ, кодъяс ӧшалісны Бет-Шеан стен бердын, вайисны Явис карӧ да сотісны.