Ӧксыяслӧн 1 небӧг 30:6 - Коми Библия 2023

⁶ Став йӧзыс ёна шогсисны, быдӧн шогсис аслас ныв-пиыс вӧсна. Найӧ весиг кӧсйисны изъявны Давидӧс, та вӧсна сылы вӧлі вывті сьӧкыд.

Ӧксыяслӧн 1 небӧг 30:6 Referans Kwoze

Псалтыр 56:11

ӧд Тэнад буралӧмыд енэжъясысь вылынджык, Тэнад збыльыд кымӧръясысь вылынджык.

Псалтыр 62:5

Кута ошкыны Тэнӧ, кытчӧдз ме ловъя, Тэ дінӧ шыасьӧмӧн кыпӧда ассьым киӧс.

Псалтыр 18:6

Сэтысь шонді долыда петӧ, кыдзи верӧспу аслас гӧтрасян вежӧсысь, кыдзи панласьысь нимкодьпырысь котӧртӧ аслас туйӧд.

Еврейяслы 13:6

Та вӧсна ми повтӧг шуам: – Господь – менам отсӧгыс, меным нинӧмысь повнысӧ. Мый вӧчас меным морт?

Римӧ 4:18

Ӧвраамлӧн эз вӧв некутшӧм лача, но сійӧ эскис, мый лоас войтыръяслы батьӧн, ӧд сылы шуӧма вӧлі: «Та мында жӧ лоас тэсянь чужысьыс».

Римӧ 8:31

Мый та вылӧ шуам? Енмыс кӧ миян дор, коді миянлы паныд?

Петӧм 17:4

Мӧисей шыасис Господь дінӧ: «Мый меным вӧчны тайӧ войтырыскӧд? Регыд менӧ изъяласны».

2 Коринфӧ 4:8

Миянӧс быд боксянь топӧдӧны, но йӧршитны оз вермыны. Ми шӧйӧвошлам, но лачанымӧс огӧ воштӧй.

Ӧксыяслӧн 1 небӧг 1:10

Анналӧн сэтшӧма шогсис сьӧлӧмыс, мый сійӧ кыз синваӧн бӧрдіс-кевмысис Господьлы.

Иоан 8:59

Сэки найӧ босьтісны изъяс да кӧсйисны лыйлыны Исусӧс, но Исус саймовтчӧмӧн петіс крамсьыс да муніс сэтысь.

Лыд 14:10

Войтырыс кӧсйис изъявны Исусӧс да Калевӧс, но Господьлӧн дзирдлуныс [кымӧрӧн] петкӧдчис вежа чомйын став Израиль пиянлӧн син водзын.

2 Коринфӧ 7:5

Македонияӧ воӧм бӧрын миян эз вӧв некутшӧм шойччӧг. Миянлы быд боксянь вӧлі сьӧкыд: ортсысянь – усьласисны, а пытшкӧсаным вӧлі полӧм.

Шусьӧгъяс 18:10

Дышпырысь кӧ уджалан, тэ – бырӧдысьлы вок.

Еремей 16:19

– Господьӧй, Тэ – менам выныс, Тэ – менам изкарыс, менам шог дырйи сайӧдчаніныс. Му помсяньыс локтасны Тэ дінӧ войтыръяс, найӧ шуасны: «Миян батьяслы вичмис сӧмын ылӧгыс – вичмисны идолъяс, кодъяслы весьшӧрӧ юрбитӧны, ӧд таысь нинӧм бурыс абу».

Иов 13:15

Мед Енмыс виӧ менӧ, но ме лача кута, кӧсъя Сы водзын дорйысьны на.

2 Коринфӧ 1:6

Ми кӧ сьӧкыдалам – тіянӧс бурӧдӧм да мездмӧм вылӧ. А мездмӧмныд лоӧ тырвыйӧ сэки, кор миян моз венанныд сьӧкыдлунсӧ.

Римӧ 4:20

Ӧвраам эз вошты эскӧмсӧ, но падъявтӧг эскис Енлӧн кӧсйысьӧмӧ да ошкис Енмӧс. Эскӧмыс ёнмӧдіс сійӧс.

Матвей 27:22

Пилат юаліс: «Мый шуанныд вӧчны Исускӧд, кодӧс Кристосӧн шуӧны?» Ставныс горӧдісны: «Тувъявны!»

Матвей 21:9

Водзас да бӧрас мунысьяс горзісны: – Осанна! Ошкӧм Давид Пилы! Бурсиӧма Господь нимӧн Локтысьӧс! Ошкӧм Медвылыссалы!

Исай 25:4

Тэ дорйин гӧльясӧс, видзин коньӧръясӧс налӧн сьӧкыд кадӧ. Тэ вӧлін сайӧдчанінӧн ыджыд тӧвнырысь, вуджӧрӧн – шонді пӧжӧмысь. Ӧд дзескӧдысьяслӧн ловшыныс стенлы паныд пӧльтысь тӧвныр кодь.

Псалтыр 62:1

Давидлӧн псалом. Сійӧ лӧсьӧдіс тайӧс Иуда овтӧминын олігӧн.

Ёрдысьяс 18:25

Дансянь чужысьяс шуисны сылы: «Ланьт! А он кӧ, миян скӧр йӧзным уськӧдчасны тіян вылӧ. Сэки тэысь ни тэнад котырысь нинӧм оз коль».

Олӧм 32:7

Яков ёна повзис да шӧйӧвошис. Ассьыс йӧзсӧ, ыжъяссӧ, мӧсъяссӧ да верблюдъяссӧ сійӧ юкис кык пельӧ,

Псалтыр 42:5

Мыйла шогсян да майшасян, менам лолӧй? Лача кут Ен вылӧ! Ме кута на ошкыны Сійӧс, ассьым Енмӧс да Мездысьӧс. Ошкӧм.

Ӧксыяслӧн 2 небӧг 17:8

Тэ ӧд тӧдан ассьыд батьтӧ да сылысь йӧзсӧ. Найӧ повтӧмӧсь да зэв скӧрӧсь, ошпиянсӧ воштӧм ош кодьӧсь [да видз вылын шӧйтысь скӧр кабан кодьӧсь]. Тэнад батьыд зэв сюсь веськӧдлысь, сійӧ оз ӧтилаын кут узьлыны аслас тышкайӧзкӧд.

Ӧксыяслӧн 4 небӧг 4:27

Керӧс вылӧ Енлӧн морт дінӧ воӧм бӧрын ань уськӧдчис да шашаритчис сылы кокас. Гезий матыстчис, мед вештыны сійӧс, но Енлӧн морт шуис: «Эн вӧрӧд. Сылӧн ыджыд шог. Господь дзебис тайӧс меысь, и эз висьтав меным».

Ӧксыяслӧн 1 небӧг 23:16

Давид дінӧ локтіс Сауллӧн Ионафан пиыс да ышӧдіс сійӧс лача кутны Енмыс вылӧ.

Псалтыр 18:2

Енэжыс висьталӧ Енлӧн дзирдлуныс йылысь, енэжвевтыс юӧртӧ Сылӧн киӧн вӧчӧмторъяс йылысь.

Псалтыр 71:4

Ӧксы мед доръяс войтыр пӧвстысь гӧльясӧс, мездас коньӧръяслысь челядьсӧ, но дзескӧдысьясӧс мед топӧдас.

Псалтыр 71:5

Сэки войтырыс пондас повны Енмысь нэмъяс чӧж, кытчӧдз дзирдалас шонді да югъялас тӧлысь.

Иона 2:2

Сэні сійӧ кевмысис Господьлы, аслас Енлы:

Ёрдысьяс 20:22

Израильсаяс рытӧдзыс бӧрдісны Господь водзын. Найӧ юалісны Господьлысь: «Колӧ-ӧ миянлы бара петны тышӧ Венямин чужанкотырлы, миян вокъяслы, паныд?» Господь вочавидзис: «Петӧй». Сэки израильсаяс збоймӧдчисны да бара лӧсьӧдчисны петны тышӧ сійӧ жӧ местаас, кӧні водзынсӧ тышкасисны.

Ӧксыяслӧн 1 небӧг 28:15

Самуил шуис Сауллы: «Мыйла тэ менӧ вӧрӧдан, корин локны?» Саул вочавидзис: «Меным зэв сьӧкыд. Филистимсаяс тыш панісны, а Енмыс вешйис ме дінысь. Сійӧ оз вочавидз меным пророкъяс пыр ни вӧт пыр [ни петкӧдчылӧм пыр]. Ме кори тэнӧ, мед тэ висьталін, мый меным вӧчны».

Псалтыр 138:3

Муна-ӧ ме, шойчча-ӧ, Тэ аддзан тайӧс, Тэ тӧдан менсьым туйясӧс.