Ӧксыяслӧн 1 небӧг 30:26 - Коми Библия 2023

²⁶ Сиклагӧ воӧм бӧрын Давид мӧдӧдаліс шедӧдӧмторсьыс козинъяс Иуда войтырлӧн юрнуӧдысьяслы, аслас ёртъяслы. Давид тшӧктіс висьтавны, мый налы мӧдӧдӧмторсӧ мырддьӧма Господьӧс мустӧмтысьяслысь.

Ӧксыяслӧн 1 небӧг 30:26 Referans Kwoze

Ӧксыяслӧн 1 небӧг 25:27

Ыджыдӧй, тайӧ козинъяссӧ ме, тэнад кесйӧг, вайи тэныд да тэнад кесйӧгъяслы.

2 Коринфӧ 9:5

Та вӧсна лыдди коланаӧн водзвыв мӧдӧдны тіян дінӧ вокъясӧс, медым чукӧртны кӧсйысьӧм сетӧмторнытӧ. Сэки тайӧ лоӧ ас кадӧ дасьтӧм да сьӧлӧмсянь сетӧмтор, а оз мырдӧн перйӧмтор.

Исай 32:8

А пыдди пуктана морт мӧвпалӧ бур вӧчӧм йылысь, сійӧ зумыда кутчысьӧ бур вӧчӧмас.

Псалтыр 68:18

Эн тупкы Ассьыд чужӧмбантӧ Аслад кесйӧгысь, ӧд ме ёна шогся. Тэрмась вочавидзны меным!

Ӧксыяслӧн 4 небӧг 5:15

Нееман аслас йӧзкӧд бӧр локтіс Енлӧн морт дінӧ, сувтіс сы водзӧ да шуис: «Ӧні ме тӧда, мый му вылас эм сӧмын ӧти Ен – тайӧ Израильлӧн Ен. Босьт месянь, аслад кесйӧгсянь, тайӧ козинсӧ».

Олӧм 33:11

Босьт менсьым козинӧс. Енмыс меным уна сетіс, менам ставыс эм». Яков ёна корис Исавӧс босьтны козинъяссӧ, и сійӧ босьтіс.

Ӧксыяслӧн 1 небӧг 18:17

Ӧтчыд Саул вӧзйис Давидлы: «Ассьым Мерова ыджыд нылӧс сета тэ сайӧ, сӧмын повтӧг кесъяв меным да веськӧдлы Господьлӧн тышъясӧн». Но та дырйи Саул мӧвпаліс: «Сы вылӧ мед оз кыпты менам киӧй, а филистимсаяслӧн».

Ӧксыяслӧн 1 небӧг 25:28

Прӧстит менӧ збойлунысь. Тэ нуӧдан Господьлысь тышъяс, та вӧсна Сійӧ зумыдмӧдас тэнсьыд рӧдтӧ, ыджыдӧй. Став олӧм чӧжыд лёкыс оз су тэнӧ.

Ӧксыяслӧн 1 небӧг 30:20

Асланыс ыж-мӧс водзвылын йӧзыс вӧтлісны амаликъяслысь ыж-мӧссӧ, мый Давид босьтіс. Йӧзыс шуалісны, тайӧ пӧ Давидлӧн шедӧдӧмтор.

Ӧксыяслӧн 1 небӧг 30:25

Тайӧ кадсяньыс и ӧнӧдз Израильын тайӧ тшӧктӧмыс вына.

Ӧксыяслӧн 2 небӧг 1:1

Сауллӧн кулӧм бӧрын Давид пасьвартіс амаликъясӧс, сэсся бӧр локтіс Сиклагӧ да оліс сэні кык лун.