Ӧксыяслӧн 1 небӧг 30:24 - Коми Библия 2023

²⁴ Некод оз кут вӧчны тіян ног. [Найӧ абу лёкджыкӧсь миянысь.] Быдӧнлы ӧткодя юкам: тышӧ ветлысьяслы и налы, кодъяс кольччылісны эмбур видзны».

Ӧксыяслӧн 1 небӧг 30:24 Referans Kwoze

Нав Исус 22:8

сійӧ шуис налы: «Ыджыд озырлунӧн ті мунанныд асланыд гортӧ. Ӧні тіян эм унасьыс-уна ыж-мӧс, эзысь-зарни, кӧрт-ыргӧн да паськӧм. Вӧрӧглысь тышын босьтӧм эмбурнас юксьӧй вокъясныдкӧд».

Лыд 31:27

Тышӧ ветлысьяс да тышӧ ветлытӧм войтыр костын шӧри юк шедӧдӧмторсӧ.

Псалтыр 68:12

Кор ме пасьтала шогалан паськӧм, сэки ме йылысь кывбертӧны.

Ӧксыяслӧн 1 небӧг 25:13

Давид шуис аслас йӧзлы: «Босьтӧй шыпуртнытӧ!» Давидкӧд тшӧтш ставныс ӧшӧдісны косканыс шыпуртъяс. Нёльсё гӧгӧр морт мунісны Давидкӧд, кыксёыс кольччисны видзны эмбур-кӧлуйнысӧ.

Ӧксыяслӧн 1 небӧг 30:23

Но Давид ӧлӧдіс: «Энӧ вӧчӧй тадзи, вокъяс. Ӧд ставсӧ тайӧс сетіс миянлы Господь. Сійӧ видзис миянӧс да сетіс миян киӧ амаликъясӧс, кодъяс уськӧдчисны мырддявны-пазӧдны миянӧс.

Ӧксыяслӧн 1 небӧг 30:25

Тайӧ кадсяньыс и ӧнӧдз Израильын тайӧ тшӧктӧмыс вына.

Ӧксыяслӧн 1 небӧг 22:2

Давид дінӧ чукӧртчисны дзескӧдӧмаяс, уджйӧзаяс да шогас вӧйӧмаяс – ставнас нёльсё гӧгӧр морт. Давид лои налӧн веськӧдлысьӧн.