Ӧксыяслӧн 1 небӧг 30:22 - Коми Библия 2023

²² Давидкӧд ветлысьяс пӧвстын вӧліны тшӧтш лёк да шогмытӧм йӧз. Найӧ пондісны шуасьны: «Огӧ сетӧй налы амаликъяслысь мырддьӧмторйысь нинӧм, ӧд найӧ эз ветлыны миянкӧд. Мед босьтасны ассьыныс гӧтыръяснысӧ, ныв-пинысӧ да мунасны».

Ӧксыяслӧн 1 небӧг 30:22 Referans Kwoze

Матвей 7:12

Мый кӧсъянныд, медым йӧзыс вӧчисны тіянлы, сійӧс и ті вӧчӧй налы. Тадзи Индӧд да пророк гижӧдъяс велӧдӧны».

Индӧд 13:13

шогмытӧм йӧз кежӧдӧны карса олысьясӧс юрбитны тӧдтӧм енъяслы,

Ӧксыяслӧн 3 небӧг 21:13

Локтісны кык шогмытӧм морт да пуксисны Навотлы воча. Став йӧз водзас найӧ шуалісны: «Навот омӧльтіс Енмӧс да ӧксыӧс». Сэсся Навотӧс петкӧдісны кар сайӧ да кувтӧдзыс изъялісны.

Ӧксыяслӧн 3 небӧг 21:10

Навотлы воча пуксьӧдӧй кык шогмытӧм мортӧс. Найӧ мед шуасны: ”Тэ омӧльтін Енмӧс да ӧксыӧс”. Та бӧрын петкӧдӧй сійӧс карсьыс да кувтӧдзыс изъялӧй».

Ӧксыяслӧн 1 небӧг 25:25

Ыджыдӧй, эн босьт сьӧлӧмад Наваллысь кывъяссӧ, ӧд сійӧ лёк морт. Навал нимыс сылы бура лӧсялӧ, сійӧ збыльысь вежӧртӧм. А ме, тэнад кесйӧг, эг аддзыв тэнсьыд волысь кесйӧгъястӧ.

Ӧксыяслӧн 1 небӧг 25:17

Мӧвпыштлы, мый вӧчны. Ыджыд лёктор виччысьӧ миян ыджыднымӧс да сылысь гортсаяссӧ. Навал лёк морт, некодӧс оз кывзы».

Ӧксыяслӧн 1 небӧг 22:2

Давид дінӧ чукӧртчисны дзескӧдӧмаяс, уджйӧзаяс да шогас вӧйӧмаяс – ставнас нёльсё гӧгӧр морт. Давид лои налӧн веськӧдлысьӧн.

Ёрдысьяс 19:22

Кор найӧ гажаа коллялісны кадсӧ, шогмытӧм йӧз кытшалісны пӧрысь мортлысь керкасӧ. Найӧ игӧдчисны ӧдзӧсас да шуисны пӧрысь мортлы, керка кутысьлы: «Петкӧд татчӧ тэ ордӧ локтысьӧс! Ми кӧсъям узьны сыкӧд».

Ӧксыяслӧн 1 небӧг 30:21

Сэсся воисны кыксёыс дінӧ, кодъяс эбӧстӧмнысла кольччылісны Восор ю дорӧ. Найӧ воча петісны Давидлы да сылӧн йӧзлы. Давид матыстчис да чолӧмасис накӧд.

Ӧксыяслӧн 1 небӧг 30:23

Но Давид ӧлӧдіс: «Энӧ вӧчӧй тадзи, вокъяс. Ӧд ставсӧ тайӧс сетіс миянлы Господь. Сійӧ видзис миянӧс да сетіс миян киӧ амаликъясӧс, кодъяс уськӧдчисны мырддявны-пазӧдны миянӧс.