Ӧксыяслӧн 1 небӧг 30:20 - Коми Библия 2023

²⁰ Асланыс ыж-мӧс водзвылын йӧзыс вӧтлісны амаликъяслысь ыж-мӧссӧ, мый Давид босьтіс. Йӧзыс шуалісны, тайӧ пӧ Давидлӧн шедӧдӧмтор.

Ӧксыяслӧн 1 небӧг 30:20 Referans Kwoze

Ӧксыяслӧн 1 небӧг 30:26

Сиклагӧ воӧм бӧрын Давид мӧдӧдаліс шедӧдӧмторсьыс козинъяс Иуда войтырлӧн юрнуӧдысьяслы, аслас ёртъяслы. Давид тшӧктіс висьтавны, мый налы мӧдӧдӧмторсӧ мырддьӧма Господьӧс мустӧмтысьяслысь.

Римӧ 8:37

Но став тайӧ сьӧкыдлун дырйиыс миянӧс Радейтысь сетӧ миянлы тырвыйӧ вермӧм.

Исай 53:12

Та вӧсна Ме сета Сылы пай ыджыдъяс пӧвстын, тышын шедӧдӧмасӧ Сійӧ пондас юкны вынаяскӧд, ӧд Сійӧ сетіс Асьсӧ кулӧм вылӧ, Сійӧс пуктісны лёк вӧчысьяс лыдӧ. Сійӧ босьтіс Ас вылас уна йӧзлысь мыжъяссӧ, кевмысис лёк вӧчысьяс вӧсна.

2 Каднебӧг 20:25

Кор Иосафат аслас тышкайӧзкӧд пондісны чукӧртны вӧрӧглысь эмбурсӧ, найӧ аддзисны уна кӧлуй, паськӧм да озырлун. Найӧ чукӧртісны аслыныс сы мында, мый эз вермыны весиг нунысӧ. Эмбурыс вӧлі зэв уна, сійӧс ковмис чукӧртны куим лун чӧж.

Ӧксыяслӧн 1 небӧг 30:21

Сэсся воисны кыксёыс дінӧ, кодъяс эбӧстӧмнысла кольччылісны Восор ю дорӧ. Найӧ воча петісны Давидлы да сылӧн йӧзлы. Давид матыстчис да чолӧмасис накӧд.

2 Каднебӧг 14:15

Нӧшта найӧ пазӧдісны ыж-мӧс видзысьяслысь чомъяссӧ да нуӧдісны аскӧдныс верблюдъясӧс да уна ыж, сэсся бӧр бергӧдчисны Ерусалимӧ.