Ӧксыяслӧн 1 небӧг 30:16 - Коми Библия 2023

¹⁶ [Давид кыв сетіс.] Мӧдыс нуӧдіс. Воӧм бӧраныс аддзисны, мый быдлаӧ паськӧдчӧмаӧсь амаликъяс, найӧ сёйӧны-юӧны да гажӧдчӧны. Тадзи амаликъяс нимкодясисны, мый унатор вермисны курыштны Филистим да Иуда муясысь.

Ӧксыяслӧн 1 небӧг 30:16 Referans Kwoze

1 Фессалоникаӧ 5:3

Кор йӧзыс кутасны шуавны, гӧгӧр пӧ лӧнь, повнысӧ пӧ нинӧмысь, сэки тӧдлытӧг суас найӧс кулӧм, кыдзи тӧдлытӧг суӧ кага чужтысьӧс дой. Сэки некод оз вермы пышйынысӧ.

Исай 22:13

Но ті гажӧдчанныд да нимкодясянныд, начканныд ӧшъясӧс да ыжъясӧс, сёянныд яй да юанныд вина. Ті шуаланныд: «Кутам сёйны-юны, ӧд аски кулам».

Иов 20:5

лёк вӧчысьлӧн гажӧдчӧмыс дженьыд, Ентӧг олысьлӧн нимкодясьӧмыс здук мында?

Ӧксыяслӧн 2 небӧг 13:28

Аслас кесйӧгъяслы Авессалом шуис: «Видзӧдӧй Амнон бӧрся, и кор сійӧ коддзас, ме тшӧкта тіянлы вины сійӧс. Энӧ полӧй, ӧд тайӧ менам тшӧктӧм. Лоӧй повтӧмӧсь да зумыдӧсь!»

Ӧксыяслӧн 1 небӧг 30:14

Ми уськӧдчылім керетсаяслӧн, Иуда войтырлӧн да Калев рӧдлӧн Негев му вылӧ, а Сиклаг кар ми сотім биӧн».

Петӧм 32:6

Мӧд луннас найӧ чеччисны водз да вайисны сотан да бурасян висьяс. Войтырыс сёйис-юис, сэсся чеччис гажӧдчыны-ворсны.

Нав Исус 22:8

сійӧ шуис налы: «Ыджыд озырлунӧн ті мунанныд асланыд гортӧ. Ӧні тіян эм унасьыс-уна ыж-мӧс, эзысь-зарни, кӧрт-ыргӧн да паськӧм. Вӧрӧглысь тышын босьтӧм эмбурнас юксьӧй вокъясныдкӧд».

Ӧксыяслӧн 1 небӧг 30:15

Давид юаліс: «Нуӧдан-ӧ миянӧс тайӧ мырддялысь-пазӧдысьяс дінӧ?» Мӧдыс вочавидзис: «Нуӧда. Сӧмын кыв сет меным Ен водзын, мый он ви менӧ да он сет менӧ аслам ыджыдӧйлы».

Исай 9:3

Господьӧй, Тэ содтан-рӧдмӧдан тайӧ войтырсӧ, сетан налы ыджыд нимкодьлун. Найӧ пондасны ёна гажӧдчыны Тэ водзын, кыдзи гажӧдчӧны вундан кадӧ, кыдзи гажӧдчӧны тышын шедӧдӧм эмбур юклігӧн.

Ёрдысьяс 8:11

Гедеон муніс караван туйӧд, Новах да Иогбега каръяс асыввывладорті. Сійӧ уськӧдчис вӧрӧглӧн тышкайӧз вылӧ, кор найӧ повтӧг шойччисны чомъясын.

1 Каднебӧг 4:43

Найӧ виалісны сэні олысь коляс амалик войтырӧс и асьныс ӧніӧдз сэні олӧны.