Ӧксыяслӧн 1 небӧг 3:19 - Коми Библия 2023

¹⁹ Самуил быдмис, Господь вӧлі сыкӧд. Ставсӧ, мый сійӧ висьтавліс Господь нимсянь, Господь збыльмӧдіс.

Ӧксыяслӧн 1 небӧг 3:19 Referans Kwoze

Олӧм 39:2

Господь вӧлі Ӧсипкӧд, та вӧсна сылӧн ставыс артмис. Ӧсип оліс аслас ыджыдыслӧн керкаын,

Ӧксыяслӧн 1 небӧг 9:6

Но кесйӧг шуис: «Тайӧ карас олӧ Енлӧн морт, йӧзыс сійӧс пыдди пуктӧны. Мый сійӧ шуӧ, инӧ. Ветлам сы ордӧ, гашкӧ, сійӧ индас миянлы, кодарланьӧ мунны».

Ӧксыяслӧн 3 небӧг 8:56

«Ошкӧм Господь Енлы, коді сетіс Аслас Израиль войтырлы лӧнь олӧм, кыдзи и кӧсйысис. Сійӧ збыльмӧдіс став бур кӧсйысьӧмсӧ, мый шуліс Аслас Мӧисей кесйӧг пыр.

Лука 2:52

Исус сӧвмис, Сылӧн мывкыдлуныс содіс. Сійӧ вӧлі муса Енмыслы, и йӧзыс бурӧ пуктісны Сійӧс.

2 Тимофейлы 4:22

Господь Исус Кристос тэкӧд. Енлӧн буралӧмыс тіянкӧд. Аминь.

Ӧксыяслӧн 1 небӧг 2:21

Господь эз вунӧд Аннаӧс. Сійӧ чужтіс нӧшта куим пиӧс да кык нылӧс. А Самуил пиыс быдмис Господь водзын.

2 Коринфӧ 13:11

Вокъяс, нӧшта висьтала тіянлы: нимкодясьӧй, вежсьӧй бурланьыс, сибӧдӧй меньсьым ышӧдана кывъясӧс, олӧй лӧня да ӧти сьӧлӧмӧн. Сэки муслунсӧ да лӧньлунсӧ сетысь Ен лоас тіянкӧд.

Лука 2:40

Кага быдмис, ловнас вынсяліс, Сылӧн мывкыдлуныс содіс. Енлӧн буралӧмыс вӧлі Сы вылын.

Лука 1:80

Кага быдмис да ловнас вынсяліс. Израильлы аслас петкӧдчан лунӧдз сійӧ оліс овтӧминын.

Исай 43:2

Кор тэ кутан вуджны ыджыд ва вомӧн, Ме лоа тэкӧд, кор кутан вуджны ю вомӧн, сійӧ оз пӧдты тэнӧ, кор мунан би пыр, сійӧ оз сот и оз чишкав тэнӧ.

Ӧксыяслӧн 1 небӧг 18:14

и быдлаын вермыліс, ӧд Господь вӧлі сыкӧд.

Матвей 1:23

– Ныв сьӧктас, сэсся пи чужтас. Эммануил ним Сылы пуктасны. Нимыс висьталӧ: миянкӧд Ен.

Исай 44:26

Ме збыльмӧда сійӧ, мый юӧртіс Менам кесйӧгӧй, вӧча сійӧ, мый висьталісны Меӧн мӧдӧдӧмаяс. Ме висьтала, мый Ерусалимӧс бара лоӧ овмӧдӧма, Иуда каръясӧс выльысь лоӧ лэптӧма. Ме выльысь кыпӧда бырӧдӧм каръяс.

Олӧм 21:22

Сійӧ кадас Авимелек [Ахузаткӧд, коді колльӧдіс Авимелеклысь гӧтырпусӧ кӧлысь дырйи,] да тышкайӧзӧн веськӧдлысь Пикол шуисны Ӧвраамлы: «Тэкӧд Ен, Сійӧ быдторйын отсалӧ тэныд.

Лука 1:28

Мария дінӧ пырӧм бӧрын андел шуис: «Нимкодясь, бурсиӧм аньӧй! Господь тэкӧд!»

Ёрдысьяс 13:24

Манойлӧн гӧтырыс чужтіс пиӧс да пуктіс сылы Самсон ним. Кага быдмис, и Господь бурсиис сійӧс.

Олӧм 28:15

Ме лоа тэкӧд. Ме видза тэнӧ быдлаын, кытчӧ тэ мунан, да бӧр вайӧда тэнӧ тайӧ муас. Ме ог коль тэнӧ, а вӧча сійӧ, мый кӧсйыси тэныд».

Ӧксыяслӧн 1 небӧг 12:2

Ӧні сійӧ кутас веськӧдлыны тіянӧн. Ме пӧрысь нин, дай дзор нин, но пиянӧй лоӧны тіянкӧд. Том кадсянь талунъя лунӧдз ме вӧлі тіянлы веськӧдлысьнас.

Ӧксыяслӧн 1 небӧг 16:18

Сэки кесйӧгъяс пиысь ӧти шуис: «Ме аддзылі, мый Виплиемын олысь Ессейлӧн пиыс кужӧ бура ворсны. Сійӧ збой, оз пов тышӧ петны, мывкыд сёрниа, чужӧм-мыгӧрнас мича, дай Господь сыкӧд».

Олӧм 39:3

и ыджыдыс аддзис, мый Господь Ӧсипкӧд да бурсиӧ сылысь став уджсӧ.

Индӧд 18:22

Тӧдӧй, Господь нимсянь пророклӧн висьталӧмыс кӧ оз збыльмы, сідзкӧ, эз Господь висьтав, а пророк шуис тайӧс асьсӧ кыпӧдӧм могысь. Энӧ полӧй сыысь».

Нав Исус 21:45

Ставыс, мый Господь кӧсйысис Израиль войтырлы, иніс. Нинӧм эз коль збыльмытӧг.

Ӧксыяслӧн 1 небӧг 2:26

Самуил зонка лунысь-лун быдмис-верстяммис, сійӧ вайис нимкодьлун Господьлы и йӧзыслы.

Ӧксыяслӧн 1 небӧг 10:7

Кор тайӧ ставыс инас, сэки вӧч, мый вермана тэныд вӧчнысӧ, ӧд тэкӧд лоӧ Ен.

Ӧксыяслӧн 1 небӧг 18:5

Давид вермыліс быд тышын, кытчӧ Саул мӧдӧдліс сійӧс. Та вӧсна Саул пуктіс Давидӧс веськӧдлыны тышкайӧзӧн. Став йӧзыслы и Сауллӧн кесйӧгъяслы тайӧ воис сьӧлӧм вылас.

Ӧксыяслӧн 1 небӧг 18:12

Саул кутіс повны Давидысь, ӧд Господь вӧлі Давидкӧд, а Саулкӧд Господь эз нин вӧв.

Ӧксыяслӧн 4 небӧг 10:10

Тӧдӧй, мый Ахав рӧд йылысь Господьлӧн быд висьталӧм кыв инас. Господь збыльмӧдіс ставсӧ, мый шуліс Аслас Илля кесйӧг пыр».

Ӧксыяслӧн 4 небӧг 15:12

Тадзи иніс Господьлӧн шуӧмыс, мый Сійӧ висьталіс Ехулы: «Тэсянь чужысьяс нёльӧд чужанвужйӧдз пондасны пукавны Израильлӧн юралан пуклӧсын». Тадзи и лоис.

Ӧксыяслӧн 4 небӧг 22:16

мый Господь тадзи висьталӧ: Ме ыста ыджыд шог тайӧ карыс да сэні олысьяс вылӧ. Ме олӧмӧ пӧрта ставсӧ, мый гижӧма сійӧ небӧгас, кодӧс лыддис иудаса ӧксы.

Исай 55:11

Тадзи жӧ Менам кывйӧй, мый петӧ Менам вомысь, оз бергӧдчы Ме дінӧ кушӧн, а вӧчӧ Менам кӧсйӧм серти, вӧчӧ ставсӧ, мый могысь Ме мӧдӧді сійӧс.