Ӧксыяслӧн 1 небӧг 29:3 - Коми Библия 2023

³ Филистимса юралысьяс кутісны шуасьны: «Мыйсяма еврейяс мунӧны миянкӧд?» Акиш вочавидзис налы: «Онӧ ӧмӧй тӧдӧй? Тайӧ ӧд Давид, израильса Саул ӧксылӧн кесйӧгыс. Сійӧ воысь дырджык нин олӧ ме дорын да локтӧмсяньыс бура кесъялӧ меным».

Ӧксыяслӧн 1 небӧг 29:3 Referans Kwoze

Даниил 6:5

Найӧ шуисны, ми пӧ эгӧ аддзӧй некутшӧм помка мыжавны Даниилӧс, но, гашкӧ, сылӧн Енлӧн Индӧдысь мыйкӧ аддзам.

Ӧксыяслӧн 1 небӧг 27:7

Филистим муын Давид оліс во да нёль тӧлысь.

1 Петыр 3:16

Олӧй сідзи, мед сьӧлӧмныд эз мыжды тіянӧс. Сэки найӧ, кодъяс лёкӧдӧны тіянӧс лёк вӧчысьӧс моз Кристоскӧд бур нога олӧмысь, яналасны асланыс кывъясысь.

Римӧ 12:17

Лёк вӧчӧмысь лёкӧн энӧ мынтысьӧй, йӧзыс водзын ставсӧ зільӧй вӧчны веськыда.

Иоан 19:6

Исусӧс аддзигӧн аркирейяс да крам видзысьяс горӧдісны: «Тувъяв! Тувъяв Сійӧс!» Пилат шуис налы: «Ті асьныд босьтӧй да тувъялӧй Сійӧс. Ме некутшӧм мыж Сылысь ог аддзы».

Ӧксыяслӧн 1 небӧг 25:28

Прӧстит менӧ збойлунысь. Тэ нуӧдан Господьлысь тышъяс, та вӧсна Сійӧ зумыдмӧдас тэнсьыд рӧдтӧ, ыджыдӧй. Став олӧм чӧжыд лёкыс оз су тэнӧ.

Ӧксыяслӧн 1 небӧг 27:1

Давид мӧвпаліс: «Коркӧ ме збыльысь веськала Саул киӧ. Бурджык меным пышйыны Филистим муӧ, сэки Саул ӧвсяс меысь, дугдас корсьны менӧ став Израиль му пасьтала. Тадзи ме мына сыысь».

Ӧксыяслӧн 1 небӧг 29:6

Акиш корис Давидӧс да шуис: «Ловъя Господь водзын шуа, мый тэ веськыд морт, и ме эськӧ кӧсйи, мед тэ ветлін мекӧд тышъясӧ. Локтӧмсяньыд тэ бура кесъялан меным, но мукӧд юралысьыс мустӧмтӧны тэнӧ.

1 Каднебӧг 12:19

Манассей чужанкотырысь йӧз вуджисны Давид дор, кор Давид филистимсаяскӧд петіс тышӧ Сауллы паныд. Но Давид да сылӧн йӧзыс эз отсасьны филистимсаяслы, ӧд филистимса юралысьяс ас костаныс сёрнитчӧм бӧрын ыстісны Давидӧс ас дінсьыныс. Найӧ шуисны: «Сійӧ вермас вуджны Саул ыджыдыс дінӧ, и ми вермам воштыны ассьыным юрнымӧс».

1 Каднебӧг 12:20

Кор Давид бӧр мӧдӧдчис Сиклагӧ, сы дор вуджисны Манассей чужанкотырысь Аднах, Иозавад, Едиэл, Микаил, Иозавад, Элиху да Цилтай. Тайӧ вӧліны Манассей чужанкотырысь сюрс тышкамортӧн веськӧдлысьяс.

Олӧм 14:13

Пышйӧмаяс пӧвстысь ӧти морт локтіс еврей Ӧврам дінӧ. Ӧврам сэки оліс Мамре нима аморейлӧн тупу раскын. Мамре вӧлі Эшколлӧн да Анерлӧн вокыс. Найӧ вӧлі кӧрталӧмаӧсь йитӧд Ӧврамкӧд.

Ӧксыяслӧн 1 небӧг 4:6

Филистимсаяс кылісны горзӧмсӧ да шуисны: «Мыйла еврейяс татшӧма горзӧны?» Кор филистимсаяс тӧдмалісны Господьлӧн куд йылысь,

Ӧксыяслӧн 1 небӧг 14:11

Кор Ионафан аслас кесйӧгкӧд петкӧдчис филистимса тышкакотырлы, филистимсаяс пондісны шуасьны, видзӧдлӧй пӧ, еврейяс петалӧны сайӧдчанінсьыныс.