Ӧксыяслӧн 1 небӧг 26:7 - Коми Библия 2023

⁷ Войнас Давид муніс Авишайкӧд Сауллӧн тышкайӧз чукӧртчанінӧ. Саул узис тышкайӧз шӧрас, юр дорас муас вӧлі сатшкӧма ассьыс шысӧ. Авенир мукӧдыскӧд узис Саул гӧгӧрыс.

Ӧксыяслӧн 1 небӧг 26:7 Referans Kwoze

Олӧм 45:19

Тшӧкты налы босьтны Египет муысь тарантасъяс, медым вайӧдны челядьнысӧ, гӧтыръяснысӧ да батьнытӧ.

Ӧксыяслӧн 1 небӧг 17:20

Давид чеччис водз асывнас да колис ыжъяссӧ мӧд видзысьлы. Сэсся босьтіс сёян тыра нопсӧ да муніс вокъяс дінас, кыдзи тшӧктіс сылы Ессей батьыс. Кор Давид локтіс израильса тышкайӧзлӧн чукӧртчанінӧ, тышкайӧз сулалісны визьӧн-визьӧн да лӧсьӧдчисны гораа горзӧмӧн петны тышӧ.

Ӧксыяслӧн 1 небӧг 26:6

Давид шыасис хеттей войтырысь Ахимелек дінӧ да Саруялӧн Авишай пи дінӧ, Йоавлӧн вокыс дінӧ: «Коді мунас мекӧд Саул дінӧ?» Авишай вочавидзис: «Ме муна».

Ӧксыяслӧн 1 небӧг 26:8

Авишай шуис Давидлы: «Ӧні Ен сетіс тэнад киӧ мустӧмтысьтӧ. Лэдз, ме ӧтчыдысь бытшкӧмӧн сатшка сійӧс му бердас. Мӧдысь бытшкӧмыс оз ковмы!»