Ӧксыяслӧн 1 небӧг 25:18 - Коми Библия 2023

¹⁸ Авигея тэрмасьӧмӧн босьтіс кыксё тупӧсь нянь, кык кучик дозйын вина, сёйны дасьтӧм вит ыж, вит куд тыр пражитӧм тусь, сё ёкмыль изюм да кыксё ёкмыль косьтӧм инжир. Ставсӧ тайӧс пуктіс осёлъяс вылӧ.

Ӧксыяслӧн 1 небӧг 25:18 Referans Kwoze

Ӧксыяслӧн 2 небӧг 16:1

Олив керӧсысь лэччигӧн Давидлы паныдасис Сивей, Мепибошетлӧн кесйӧгыс. Кык осёл вылын сійӧ нуис кыксё тупӧсь нянь, сё ёкмыль изюм да сё ёкмыль косьтӧм инжир, нӧшта кучик дозйын вина.

Матвей 5:25

Тэнӧ мыжалыськӧд бурась ӧдйӧджык, ёрдӧ вотӧдзыд на. Он кӧ вӧч тадзи, сійӧ сетас тэнӧ ёрдысьлы, ёрдысь сетас тэнӧ шыпурталы, сэсся тэнӧ йӧртасны дзескыдінӧ.

Шусьӧгъяс 18:16

Вежӧра мортлӧн сьӧлӧмыс тӧдӧмлунсӧ аддзӧ, мывкыд мортлӧн пельыс тӧдӧмлунсӧ корсьӧ.

Шусьӧгъяс 21:14

Гусьӧн сетӧм козин кусӧдӧ лӧглун, питшӧгысь сетӧмтор лӧньӧдӧ ыджыд скӧрлун.

1 Каднебӧг 12:40

Тшӧтш матын олысьяс, весиг Иссакарлӧн, Завулонлӧн да Неффалимлӧн чужанкотыръяс вайисны налы осёл-мулъяс вылын, верблюдъяс да ӧшъяс вылын сёян: пызь, косьтӧм инжир, изюм, вина, вый да уна ыж-мӧс, ӧд Израильын вӧлі ыджыд нимкодьлун.

Ӧксыяслӧн 1 небӧг 25:34

Ловъя Господь, Израильлӧн Ен, водзын шуа: тэ кӧ эн тэрмась да эн кӧ лок меным воча, ме эськӧ асылӧдзыс вии Навал керкаысь став айуловсӧ. Господь видзис менӧ тэныд лёксӧ вӧчӧмысь».

Ӧксыяслӧн 1 небӧг 17:17

Ессей шуис Давид пиыслы: «Босьт мешӧк тыр пражитӧм тусь, дас тупӧсь нянь да ӧдйӧджык ну вокъясыдлы тышкайӧз чукӧртчанінӧ.

Ӧксыяслӧн 1 небӧг 25:17

Мӧвпыштлы, мый вӧчны. Ыджыд лёктор виччысьӧ миян ыджыднымӧс да сылысь гортсаяссӧ. Навал лёк морт, некодӧс оз кывзы».

Шусьӧгъяс 31:12

Бур гӧтыр верӧсыслы бур вайӧ, оз вӧч сылы лёксӧ став олан лунъяс чӧжыс.