Ӧксыяслӧн 1 небӧг 25:10 - Коми Библия 2023

¹⁰ Навал [чеччыштіс да] шуис Давидлӧн кесйӧгъяслы: «Коді сэтшӧм Давидыс? Коді сійӧ Ессейлӧн пиыс? Ӧні вывті уна кесйӧг пышъялӧны асланыс ыджыдъясысь.

Ӧксыяслӧн 1 небӧг 25:10 Referans Kwoze

Ёрдысьяс 9:28

Эведлӧн Гаал пиыс шуис: «Коді сійӧ Авимелекыс, медым ми, сикемсаяс, кесъялім сылы? Сійӧ ӧд Еровааллӧн пиыс, и Зевулӧс пуктіс юралысьӧ. Энӧ кесъялӧй Авимелеклы, а кесъялӧй Сикемлӧн Хамор батьыссянь чужысьяслы.

Исай 32:7

Наян морт вӧчӧ наяна, сійӧ мӧвпалӧ лёк вӧчӧм йылысь, ылӧгнас сійӧ бырӧдӧ коньӧр мортӧс, коді збыльсӧ висьталӧ.

Исай 32:5

Мывкыдтӧм мортӧс оз нин кутны шуны пыдди пуктанаӧн, наян мортӧс оз нин шуны веськыдӧн.

Еклесиаст 7:10

Эн юась, мыйла водзынсӧ вӧлі бурджык, татшӧм юалӧмыс абу мывкыдлунсянь.

Ӧксыяслӧн 3 небӧг 12:16

Кор Израиль войтыр гӧгӧрвоис, мый ӧксы оз кывзы найӧс, сэки найӧ шуисны сылы: «Миянӧс нинӧм оз йит Давидкӧд. Миянлы нинӧм вӧчны Ессейлӧн пикӧд. Мунамӧй гортӧ, Израиль войтыр! Давидлӧн рӧдыс мед ачыс тӧждысяс ас вӧснаыс!» Сэсся израильсаяс разӧдчисны гортаныс.

Ӧксыяслӧн 2 небӧг 20:1

Вензьысьяс пӧвстын вӧлі Венямин чужанкотырысь Бикрилӧн Шевей пиыс. Сійӧ вӧлі лёк морт. Шевей букӧстіс буксанӧн да горӧдіс: «Давид миянлы некод! Ессей пикӧд миянӧс нинӧм оз йит! Израиль войтыр, мунӧй быдӧн асланыд чомйӧ!»

Ӧксыяслӧн 1 небӧг 22:2

Давид дінӧ чукӧртчисны дзескӧдӧмаяс, уджйӧзаяс да шогас вӧйӧмаяс – ставнас нёльсё гӧгӧр морт. Давид лои налӧн веськӧдлысьӧн.

Ӧксыяслӧн 1 небӧг 20:30

Саул ёна скӧрмис Ионафан вылӧ да шуис: «Шогмытӧм да кывзысьтӧм пи! Ме ӧмӧй ог тӧд, мый тэ ёртасян Ессей пикӧд. Тэ асьтӧ янӧдан и мамтӧ тшӧтш.

Петӧм 5:2

Но фараон вочавидзис: «Коді сійӧ Господьыс, медым ме кывзыси Сылысь да лэдзи Израиль войтырӧс? Ме ог тӧд Господьӧс, и Израиль войтырӧс ме ог лэдз».

Ӧксыяслӧн 1 небӧг 25:9

Давидлӧн йӧзыс мунісны да висьталісны Наваллы ставсӧ, мый тшӧктіс Давид. Сэсся виччысисны вочакыв.

Шусьӧгъяс 15:1

[Скӧралӧмыд бырӧдӧ весиг вежӧра йӧзӧс.] Скӧрмӧм мортлы кӧ лӧня вочавидзан, сійӧс лӧньӧдан, но лэчыд кывъя шуӧмыд сійӧс ыззьӧдас.