Ӧксыяслӧн 1 небӧг 20:32 - Коми Библия 2023

³² Ионафан воча шуис батьыслы: «Мыйысь сійӧс винысӧ? Мый сійӧ вӧчис?»

Ӧксыяслӧн 1 небӧг 20:32 Referans Kwoze

Матвей 27:23

«Мый лёксӧ Сійӧ вӧчис?» – юаліс Пилат. Йӧзыс гораджыка на горзісны: «Тувъявны Сійӧс!»

Ӧксыяслӧн 1 небӧг 19:5

Филистимсакӧд вермасигӧн сійӧ вермис воштыны ассьыс олӧмсӧ, но Господь сетіс ыджыд вермӧм став Израильлы. Тэ ачыд аддзылін тайӧс да нимкодясин. Мыйла тэныд мыж вӧчны, мыжтӧм мортлысь вир кисьтны? Мыйла помкатӧг вины Давидӧс?»

Лука 23:22

Пилат коймӧдысь шыасис на дінӧ: «Мый лёксӧ Сійӧ вӧчис? Ме ог аддзы сэтшӧм мыжсӧ, мыйысь эськӧ колӧ вины Сійӧс. Тшӧкта нӧйтны, сэсся лэдза».

Олӧм 31:36

Яков скӧрмис да пондіс мыжавны Лаванӧс: «Мыйӧн ме тэ водзын мыжа? Кутшӧм лёктор тэныд вӧчи, мый тэ вӧтӧдін менӧ?

Иоан 7:51

«Миян Индӧд серти позьӧ ӧмӧй мыждыны мортсӧ, оз кӧ медводз кывзыны сійӧс да тӧдмавны, мый сійӧ вӧчис?»

Еремей 17:9

Мортлӧн сьӧлӧмыс наян, сійӧс он вермы вежнысӧ. Коді тӧдӧ мортлысь сьӧлӧмсӧ?

Еклесиаст 9:3

Тайӧ и эм лёкыс шонді улас, мый став йӧзыскӧд лоӧ ӧтмоза. Мортлӧн сьӧлӧмыс тырӧма лёкнас, йӧйлуныс олӧ сы пытшкын олӧм чӧжыс, и олӧм бӧрас мортыс мунӧ кулӧмаяс дінӧ – тайӧ тшӧтш лёк.

Еклесиаст 7:9

Эн тэрмась скӧрмыны, ӧд скӧрлуныс поздысьӧ вежӧртӧмлӧн сьӧлӧмӧ.

Шусьӧгъяс 22:24

Эн ёртась дӧзмысь морткӧд, ӧдйӧ пузьысь морткӧд эн волысь,

Ӧксыяслӧн 1 небӧг 20:7

Батьыд кӧ шуас та вылӧ ”бур”, сідзкӧ, меным, тэнад кесйӧглы, нинӧмысь повнысӧ. А скӧрмас кӧ, тӧд, мый лёктӧр кӧсйӧ вӧчны.

Ӧксыяслӧн 1 небӧг 18:11

Сійӧ мӧвпыштіс: «Тувъяла Давидӧс стен бердас». Сэсся Саул лыйис шысӧ, но Давид удитіс кежны шыысь. Тадзи вӧлі кыкысь.

Ӧксыяслӧн 1 небӧг 19:4

Ионафан висьталіс батьыслы Давид йылысь уна буртор. Сійӧ шуис: «Ӧксыӧй, эн вӧч лёксӧ аслад Давид кесйӧглы. Сійӧ ӧд тэныд нинӧм лёксӧ эз вӧч, сӧмын бурсӧ.

Ӧксыяслӧн 1 небӧг 22:14

Ахимелек воча шуис ӧксылы: «Сюрас-ӧ кодкӧ тэнад кесйӧгъяс пиысь Давид кодь эсканаыс? Сійӧ ӧд тэнад зять, вӧчӧ тэнад тшӧктӧмъяс серти, и тэнад керкаын сійӧс пыдди пуктӧны.

Ӧксыяслӧн 1 небӧг 20:1

Давид пышйис рамаса Найотысь да локтіс Ионафан дінӧ норасьӧмӧн: «Мый ме сэтшӧмсӧ вӧчи тэнад батьлы? Кутшӧм мыж вӧсна сійӧ кӧсйӧ вины менӧ?»