Ӧксыяслӧн 1 небӧг 20:3 - Коми Библия 2023

³ Давид эскӧдӧмӧн шуаліс: «Тэнад батьыд бура тӧдӧ, мый ме тэныд муса. Сійӧ оз висьтав тэныд ассьыс мӧвпыштӧмсӧ, мед тэ эн шогсьы. Но ловъя Господь водзын да тэ водзын шуа: кулӧмӧдзыс меным ӧти воськов».

Ӧксыяслӧн 1 небӧг 20:3 Referans Kwoze

Ӧксыяслӧн 4 небӧг 2:6

Илля бара шуис Елисейлы: «Кольччы татчӧ, а менӧ Господь тшӧктӧ мунны Йӧрдан ю дорӧ». Но Елисей вочавидзис: «Ловъя Господь водзын да тэ водзын шуа: ме тэысь ог кольччы». И найӧ водзӧ мунісны.

Ӧксыяслӧн 1 небӧг 27:1

Давид мӧвпаліс: «Коркӧ ме збыльысь веськала Саул киӧ. Бурджык меным пышйыны Филистим муӧ, сэки Саул ӧвсяс меысь, дугдас корсьны менӧ став Израиль му пасьтала. Тадзи ме мына сыысь».

Ӧксыяслӧн 1 небӧг 25:26

Ловъя Господь водзын да тэ водзын, ыджыдӧй, шуа, мый Господь оз лэдз тэныд вир кисьтны да водзӧс перйыны. Ыджыдӧй, тэнӧ мустӧмтысьяскӧд да лёксӧ вӧчысьяскӧд мед лоас сійӧ жӧ, мый виччысьӧ Навалӧс.

Индӧд 6:13

Полӧй Господьысь, асланыд Енмысь, Сылы [ӧтнаслы] кесъялӧй, [Сы дінӧ кутчысьӧй да] Сылӧн нимӧн кӧсйысьӧй.

Ӧксыяслӧн 4 небӧг 2:4

Илля шуис Елисейлы: «Кольччы татчӧ, Елисей, а менӧ Господь тшӧктӧ мунны Ериконӧ». Но Елисей вочавидзис: «Ловъя Господь водзын да тэ водзын шуа: ме тэысь ог кольччы». И найӧ ӧтлаын мунісны Ериконӧ.

Ӧксыяслӧн 4 небӧг 2:2

Илля шуис Елисейлы: «Тэ кольччы татчӧ, а менӧ Господь тшӧктӧ мунны Вефильӧ». Но Елисей вочавидзис: «Ловъя Господь водзын да тэ водзын шуа: ме тэысь ог кольччы». И найӧ ӧтлаын мунісны Вефильӧ.

Ӧксыяслӧн 1 небӧг 1:26

Анна шуис: «Ыджыдӧй, ме кыв сета тэ водзын, мый ме дзик сійӧ аньыс, коді коркӧ сулаліс тані тэ водзын да кевмысис Господьлы.

Еврейяслы 6:16

Йӧзыс кыв сетӧны ас дорсьыс ыджыдджык водзын. Кыв сетӧмыд вынсьӧдӧ шуӧмтӧ да пуктӧ пом став вензьӧмлы.

Еремей 38:16

Седекей ӧксы гусьӧн кыв сетіс Еремейлы: «Ловъя Господь водзын, коді сетіс миянлы олӧм, ме кыв сета, мый ог лэдз тэнӧ вины, ог сет тэнӧ налы, кодъяс кӧсйӧны босьтны тэнсьыд олӧмтӧ».

Еремей 4:2

Тэ кӧ ловъя Господь водзын кыв сетан, сідзкӧ, веськыда да збыльыс серти тайӧс вӧчан, сэки войтыръяслы лоӧ бурсиӧмыс Господьсянь, и найӧ пондасны ошкыны Сійӧс.

Ӧксыяслӧн 2 небӧг 15:21

Иттай воча шуис: «Ловъя Господь водзын да тэ водзын, ӧксыӧй-ыджыдӧй, кыв сета: кӧні тэ лоан – ловъя либӧ кулӧмыд, – сэні лоа и ме, тэнад кесйӧгыд».

Ӧксыяслӧн 1 небӧг 17:55

Кор Давид петіс филистимсалы паныд, Саул юаліс тышкайӧзӧн веськӧдлысьыслысь: «Авенир, тайӧ том зонкаыс кодлӧн пиыс?» Авенир вочавидзис: «Ӧксыӧй, ме збыльысь ог тӧд».

Индӧд 28:66

Кулӧмыс лоӧ матын, ті лун и вой кутанныд тіравны олӧмныд вӧсна, ӧд онӧ тӧдӧй, ловйӧн-ӧ колянныд.

Ӧксыяслӧн 1 небӧг 20:2

Ионафан шуис: «Тэ он кув. Батьӧй меным висьталӧ ставсӧ, мый кӧсйӧ вӧчны. Кӧсйис кӧ вины тэнӧ, ме эськӧ тӧді та йылысь. Оз ло тадзи!»

Ӧксыяслӧн 1 небӧг 20:4

Ионафан шуис Давидлы: «Тэ ради ме вӧча ставсӧ, мый шуан».