Ӧксыяслӧн 1 небӧг 19:18 - Коми Библия 2023

¹⁸ Давид пышйис, локтіс Самуил дінӧ Рамаӧ да висьталіс ставсӧ, мый сыкӧд вӧчис Саул. Сэсся Давид да Самуил мунісны [рамаса] Найотӧ да кольччисны сэтчӧ.

Ӧксыяслӧн 1 небӧг 19:18 Referans Kwoze

Ӧксыяслӧн 1 небӧг 7:17

Самуил оліс Рама карын, сэні сійӧ тшӧтш вӧлі ёрдысьӧн. Рама карын Самуил сувтӧдіс Господьлы висьпуктанін.

Яков 5:16

Висьтасьӧй ӧта-мӧд водзаныд мыжъяссьыныд да кевмысьӧй ӧта-мӧд вӧснаныд, медым бурдінныд. Ӧд веськыда олысьлӧн кевмысьӧмыс вына, сійӧ вермӧ вӧчны унатор.

Ӧксыяслӧн 1 небӧг 28:3

Самуил кор куліс, став Израиль ёна бӧрдіс-шогсис сы вӧсна. Дзебисны сійӧс аслас Рама карӧ. Та бӧрын Саул вӧтлаліс аслас муысь кулӧмаӧс корысьясӧс да тунасьысьясӧс.

Ӧксыяслӧн 1 небӧг 15:34

Та бӧрти Самуил муніс Рама карӧ, а Саул муніс гортас Гиваӧ.

Ӧксыяслӧн 1 небӧг 19:19

Сауллы юӧртісны, Давид пӧ рамаса Найотын.

Ӧксыяслӧн 1 небӧг 19:22

Саул [скӧрмис да] ачыс муніс Рамаӧ. Воис Сефӧ да сувтіс ыджыд вайӧртӧд дорӧ. Сэні юаліс, кӧнӧсь Самуил Давидкӧд. Сылы вочавидзисны, рамаса Найотынӧсь пӧ.

Ӧксыяслӧн 1 небӧг 19:23

Саул мӧдӧдчис сэтчӧ. Сэки лэччис сы вылӧ Енлӧн Лов, и сійӧ мунігчӧжыс пыр пророкаліс. Кор воис рамаса Найотӧ,

Ӧксыяслӧн 1 небӧг 1:19

Мӧд асывнас Элкан водз чеччис аслас гортсаяскӧд. Господьлы юрбитӧм бӧрын найӧ мӧдӧдчисны гортаныс Рамаӧ. Локтӧм бӧрас Элкан узис Аннакӧд, и Господь вочавидзис Анналӧн кевмысьӧм вылӧ.

Ӧксыяслӧн 1 небӧг 20:1

Давид пышйис рамаса Найотысь да локтіс Ионафан дінӧ норасьӧмӧн: «Мый ме сэтшӧмсӧ вӧчи тэнад батьлы? Кутшӧм мыж вӧсна сійӧ кӧсйӧ вины менӧ?»

Ӧксыяслӧн 1 небӧг 21:11

Акишлӧн кесйӧгъяс шуисны ӧксыныслы: «Абу-ӧ тайӧ Давид, эсійӧ мусьыс ӧксыыс? Эз-ӧ йӧзыс йӧктӧмӧн сьывны сы йылысь, Саул пӧ вермис сюрсъясӧс, а Давид – дас сюрсъясӧс?»