Ӧксыяслӧн 1 небӧг 18:8 - Коми Библия 2023

⁸ Сауллы тайӧ эз во сьӧлӧм вылас, сійӧ скӧрмӧмӧн шуис: «Давидӧс нимӧдӧны, сійӧ пӧ дас сюрсъясӧс вермис, а ме пӧ – сӧмын сюрсъясӧс. Сылы коли сӧмын ӧксыӧ пуксьыны».

Ӧксыяслӧн 1 небӧг 18:8 Referans Kwoze

Ӧксыяслӧн 1 небӧг 15:28

Самуил шуис: «Талун Господь босьтіс тэнсьыд Израильын ӧксыалӧмтӧ да сетіс сійӧс мӧдлы, тэнад матыссалы, коді тэысь бурджык.

Шусьӧгъяс 13:10

Вылӧ пуксьӧмыд сӧмын вензьӧм чужтӧ, мывкыд мортыд туйдӧдӧмсӧ сибӧдӧ.

Яков 4:5

Гашкӧ, ті чайтанныд, мый Гижӧдыс весьшӧрӧ висьталӧ: «Вежӧгтӧмӧн радейтӧ лолыс, коді олӧ миян пытшкын».

Эсфир 3:5

Кор Аман аддзис, мый Мардокей эз сувт пидзӧс вылас да эз копыртчыв сылы, скӧрысла пузис.

Ӧксыяслӧн 1 небӧг 20:31

Кытчӧдз Ессейлӧн пиыс пондас овны му вылын, тэ да тэнад ӧксыалӧмыд оз ло зумыд. Мӧдӧд йӧзӧс, медым вайӧдасны сійӧс ме дінӧ. Сійӧс колӧ вины».

Шусьӧгъяс 27:4

Чорыда скӧрмӧм-ярмӧмтӧ сувтӧдны сьӧкыд, вежӧгтӧмтӧ нинӧм оз сувтӧд.

Еклесиаст 4:4

Нӧшта ме аддзи, мый быдпӧлӧс удж да быд зільӧм-вермӧм чужтӧ йӧз костын вежалӧм. И тайӧ, вӧлӧмакӧ, весьшӧрӧ, тӧв бӧрся вӧтлысьӧм кодь.

Ӧксыяслӧн 3 небӧг 2:22

Соломон ӧксы вочавидзис мамыслы: «Мыйла тэ коран Адонийлы шунемса Ависагаӧс? Нӧшта кор сылы и ӧксыалӧм, сійӧ ӧд менам ыджыдджык вок, и сы дор тшӧтш Авиатар поп да Саруялӧн Йоав пиыс [тышкайӧзӧн веськӧдлысь, сылӧн ёртыс]».

Ӧксыяслӧн 1 небӧг 16:13

Самуил босьтіс вый тыра доз да мавтыштіс Давидӧс сылӧн вокъяс водзын. Сэки Господьлӧн Лов лэччис Давид вылӧ и сійӧ лунсяньыс вӧлі Давидкӧд. Сэсся Самуил бӧр муніс Рама карӧ.

Ӧксыяслӧн 1 небӧг 13:14

Но ӧні тэнад ӧксыалӧмыд оз ло дыр. Господь корсяс Аслыс мортӧс сьӧлӧм сертиыс да пуктас сійӧс Аслас войтырлы юралысьӧ, ӧд тэ эн вӧч Господьлӧн тшӧктӧм серти».

Лыд 22:34

Валаам шуис Господьлӧн анделлы: «Ме мыжа. Ме эг тӧд, мый Тэ сулалан менам туй вылын. Тэ кӧ он кӧсйы, мед ме муні, ме бӧр бергӧдча».

Лыд 11:1

Войтырыс кутіс ропкыны. Господь кыліс тайӧс да ёна скӧрмис. Сувтанін помын ыпнитіс Господьлӧн би, биыс кутіс бырӧдны сувтанінсӧ.

Ӧксыяслӧн 1 небӧг 18:9

Тайӧ лунсяньыс Саул кутіс вежавны Давидлы.

Ӧксыяслӧн 1 небӧг 19:1

Саул сёрнитіс Ионафан пиыскӧд да став аслас кесйӧгкӧд Давидӧс виӧм йылысь. Но Ионафан ёна радейтіс Давидӧс.

Олӧм 37:8

Вокъяс шуисны: «Тэ ӧмӧй лоан миян ӧксыӧн? Збыль ӧмӧй тэ кутан ыджыдавны миян вылын?» Ӧсиплӧн вӧтъясысь да сёрниысь найӧ нӧшта на ёнджыка пондісны мустӧмтны сійӧс.

Олӧм 37:11

Вокъяс лӧгалісны Ӧсип вылӧ, а батьыс сьӧлӧмас босьтіс сылысь висьталӧмсӧ.