Ӧксыяслӧн 1 небӧг 17:52 - Коми Библия 2023

⁵² Сэки Израиль войтырысь да Иуда чужанкотырысь тышкайӧз пондісны гораа горзӧмӧн вӧтӧдны найӧс. Вӧтчисны ковтысӧдз да Экрон карса дзиръя дорӧдз. Филистимсаяслӧн шойыс туплясис Шаараим туй пӧлӧн Гефӧдз да Экронӧдз.

Ӧксыяслӧн 1 небӧг 17:52 Referans Kwoze

Нав Исус 15:11

Сэсянь мудорыс мунӧ Экрон войвывладорті да бергӧдчӧ Шикаронлань, сэсся вуджӧ Баала керӧс вомӧн, воӧ Явнеэлӧ да помасьӧ Ыджыд саридз дорын. Ыджыд саридзыс лоӧ рытыввыв мудорнас.

Ӧксыяслӧн 2 небӧг 23:10

Израильсаяс сэки бӧрыньтчисны, но Элазар кольччис да ки дубавмӧныс виаліс филистимсаясӧс. Весиг чуньяссӧ эз вермы веськӧдны, мед лэдзны кабырсьыс шыпуртсӧ. Сійӧ лунӧ Господь сетіс ыджыд вермӧм Израильлы. Израильсаяс бӧр локтісны Элазар дінӧ, мед виӧмаяслысь босьтавны шыпуртъяссӧ да мукӧд тышкасянторсӧ.

Ёрдысьяс 7:23

Чукӧстісны айуловӧс Неффалим, Асир да Манассей чужанкотыръясысь, медым вӧтӧдны мадиансаясӧс.

Ӧксыяслӧн 1 небӧг 17:53

Филистимсаясӧс вӧтӧдӧм бӧрын израильсаяс бӧр локтісны, медым босьтны ставсӧ, мый филистимсаяс эновтісны.

Ӧксыяслӧн 1 небӧг 5:8

Найӧ чукӧртісны ас дінаныс филистимса став юралысьсӧ да юалісны: «Мый миянлы вӧчны Израиль Енлӧн кудйыскӧд?» Юралысьяс тшӧктісны нуны кудсӧ Гефӧ. И нуисны Израиль Енлысь кудсӧ Гефӧ.

Ӧксыяслӧн 1 небӧг 5:10

Сэтысь мӧдӧдісны Енлысь кудсӧ Экрон карӧ. Сэтчӧс олысьяс пондісны шуасьны-горзыны: «Мыйла ті вайинныд татчӧ Израиль Енлысь кудсӧ? Мед вины-бырӧдны миянӧс?»

Ӧксыяслӧн 3 небӧг 20:21

Израильса ӧксы аслас тышкайӧзкӧд уськӧдчис да пасьвартіс арамейясӧс, босьтіс налысь вӧвъяссӧ да тарантасъяссӧ.