Ӧксыяслӧн 1 небӧг 15:23 - Коми Библия 2023

²³ Ӧд кывзысьтӧмлуныд тунасьӧм кодь жӧ мыж, асныралӧмыд гортса бӧлбанъяслы юрбитӧм кодь жӧ. Тэ нинӧмӧ пуктін Господьлысь шуӧмсӧ, та вӧсна Сійӧ вештіс тэнӧ [Израильын] ӧксыалӧмысь.

Ӧксыяслӧн 1 небӧг 15:23 Referans Kwoze

Еремей 28:16

Та вӧсна Господь тадзи висьталӧ: Ме чышкышта тэнӧ му вывсьыс. Тайӧ вонас тэ кулан, ӧд тэ ышӧдін тайӧ войтырсӧ Господьлы паныд кыпӧдчыны».

Ӧксыяслӧн 1 небӧг 13:14

Но ӧні тэнад ӧксыалӧмыд оз ло дыр. Господь корсяс Аслыс мортӧс сьӧлӧм сертиыс да пуктас сійӧс Аслас войтырлы юралысьӧ, ӧд тэ эн вӧч Господьлӧн тшӧктӧм серти».

Левит 20:6

Коді шыасяс кулӧмаӧс корысь либӧ туналысь дінӧ да кырсалысь ань моз мунас на бӧрся, сылы Ме паныд сувта да бырӧда сійӧс войтыр пӧвстысь.

Галатӧ 5:20

идоллы юрбитӧм, тшыкӧдчӧм, лӧгалӧм, пинясьӧм, вежӧгтӧм, скӧралӧм, асьтӧ радейтӧм, юксьӧм, ылӧгвелӧдӧм,

Еремей 29:32

Та вӧсна Господь тадзи висьталӧ: Ме мыжда Нехеламысь Шемайӧс да сысянь чужысьясӧс. Сысянь чужысьяс пӧвстысь некод оз кут овны тайӧ войтырыс пӧвстын, некод оз аддзы сійӧ бурсӧ, мый Ме вӧча Аслам войтырлы, – висьталӧ Господь, – ӧд Шемай ышӧдіс тайӧ войтырсӧ Господьлы паныд кыпӧдчыны».

2 Коринфӧ 6:16

Вермасны ӧмӧй сулавны идолъяс Енлӧн крамын? Ӧд ті – ловъя Енлӧн крамыс. Енмыс шуӧ: – Овмӧдча на пытшкӧ да понда ветлыны накӧд. Ме лоа налӧн Енмӧн, а найӧ – Менам войтырӧн.

Псалтыр 107:11

Коді пыртас менӧ изкарӧ, коді вайӧдас менӧ Эдом муӧдз?

1 Каднебӧг 28:9

А тэ, Соломон пиӧй, тӧд аслад батьыдлысь Енсӧ, кесъяв Сылы став сьӧлӧмнад да став олӧмнад. Ӧд Господь быдӧнлысь тӧдмалӧ сьӧлӧмсӧ да тӧдӧ мӧвпъяссӧ. Кутан кӧ корсьны Сійӧс, сэки аддзан, а эновтан кӧ, Сійӧ пыр кежлӧ эновтас тэнӧ.

Петӧм 22:18

Тунасьысь аньӧс ловйӧн эн коль.

Олӧм 31:19

Кор Лаван вӧлі ыж шыранінын, Ракель гусяліс сылысь гортса бӧлбанъяссӧ.

Иов 34:37

Мыж дінас сійӧ содтӧ нӧшта на Енлы паныд кыпӧдчӧм, серам туйӧ пуктӧ миянӧс да водзӧ мыжалӧ Енсӧ.

Индӧд 9:7

«Энӧ вунӧдӧй, кыдзи овтӧминын ті скӧрмӧдлінныд Господьӧс, ассьыныд Ентӧ. Египет муысь петан лунсянь да татчӧ вотӧдз ті пыр пыксинныд Господьлы.

Левит 20:27

Кулӧмаӧс корысьӧс да тунасьысьӧс колӧ вины, ань-ӧ сійӧ либӧ айлов. Сійӧс мед изъяласны, сійӧ ачыс лоӧ мыжа аслас кулӧмысь».

Восьтӧм 22:15

А понъяс, тшыкӧдчысьяс, кырсалысьяс, морт виысьяс, идоллы юрбитысьяс, ылӧгсӧ радейтысьяс да пӧръясьысьяс колясны кар ортсыас.

Исай 19:3

Египетсалӧн ловныс жебмас. Ме торка налысь мӧвпыштӧмасӧ, и найӧ шыасясны туйдӧдӧмла идолъяс да тшыкӧдчысьяс дінӧ, кулӧмаӧс корысьяс да туналысьяс дінӧ.

Исай 8:19

Тіянлы тшӧктасны шыасьны кулӧмаӧс корысьяс да туналысьяс дінӧ, кодъяс вашкӧдчӧны-шӧпкӧдчӧны. Но оз ӧмӧй ков войтырыслы шыасьны асланыс Ен дінӧ! Кулӧмаяслысь ӧмӧй колӧ юасьны ловъяяс йылысь?

Ӧксыяслӧн 1 небӧг 16:1

Господь шуис Самуиллы: «Дыр-ӧ на тэ кутан шогсьыны Саул вӧсна, кодӧс Ме вешті Израильын ӧксыалӧмысь? Тырт ассьыд дозтӧ выйӧн да мун Виплиемӧ. Ме ыста тэнӧ сэні олысь Ессей дінӧ. Сылӧн пиян пӧвстысь Ме бӧрйи Аслым ӧксыӧс».

Индӧд 9:24

Мыйта тӧда тіянӧс, ті пыр кыпӧдчинныд Господьлы паныд.

Лыд 14:9

Энӧ кыпӧдчӧй Господьлы паныд! И сэтчӧс войтырысь энӧ полӧй! Няньӧс моз ми ньылыштам найӧс! Дорйысьыс налӧн абу, а миянкӧд Господь. Энӧ полӧй наысь!»

Восьтӧм 21:8

Полысьясӧс, эскытӧмъясӧс, зывӧк оласногаясӧс, морт виысьясӧс, кырсалысьясӧс, тшыкӧдчысьясӧс, идоллы юрбитысьясӧс да став ылӧдчысьсӧ лоӧ шыбитӧма биӧн да тэгйӧн сотчысь тыӧ. Тайӧ мӧд кулӧм».

Ӧксыяслӧн 1 небӧг 2:30

Ме кӧсйыси, – висьталӧ Господь, Израильлӧн Ен, – мый тэнад рӧдыд да батьыдлӧн рӧдыс пондасны пыр кесъявны Меным. Но ӧні оз ло тадзи, – висьталӧ Господь. – Ме пыдди пукта Менӧ пыдди пуктысьясӧс да янӧда Менӧ лёкӧдысьясӧс.

Ап. уджъяс 13:22

Саулӧс вештӧм бӧрын пуктіс налы ӧксыӧ Давидӧс. Сы йылысь шуӧма: ”Ме аддзи Давидӧс, Ессейлысь писӧ, сійӧ Меным сьӧлӧм серти. Сійӧ пӧртас олӧмӧ Менсьым став кӧсйӧмӧс”.

Ӧксыяслӧн 1 небӧг 28:3

Самуил кор куліс, став Израиль ёна бӧрдіс-шогсис сы вӧсна. Дзебисны сійӧс аслас Рама карӧ. Та бӧрын Саул вӧтлаліс аслас муысь кулӧмаӧс корысьясӧс да тунасьысьясӧс.

Ӧксыяслӧн 2 небӧг 7:15

Но Ассьым буралӧмӧс ог босьт сы вылысь, кыдзи босьті Саул вылысь. Ме вешті сійӧс ыджыдалӧмсьыс, кор пукті тэнӧ ӧксыӧ.

Ӧксыяслӧн 2 небӧг 12:9

Мыйла тэ нинӧмӧ пуктін Менсьым Индӧдӧс да вӧчин Ме водзын шогмытӧмсӧ? Тэ виин хеттей Урийӧс. Аммон войтырлӧн шыпурт улӧ тэ сетін сійӧс, а сылысь гӧтырсӧ босьтін аслыд гӧтырӧ.

1 Каднебӧг 10:13

Тадзи куліс Саул, ӧд сійӧ эновтіс Господьӧс. Сійӧ мыж вӧчис Господьлы паныд, эз ов Господьлӧн кыв серти, но туйдӧдӧмла шыасис кулӧмаӧс корысь ань дінӧ,

Еремей 16:12

Но ті лёксӧ вӧчанныд асланыд батьяс дорысь унджык на! Быдӧн тіян пӧвстысь олӧ лёк да чорыд сьӧлӧмыс серти, оз кывзы Менӧ.

Осий 3:4

Израиль войтыр дыр кад чӧж кутас овны ӧксытӧг да юралысьтӧг. Висьяс, юрбитан изъяс, ефод да гортса бӧлбанъяс оз лоны налӧн.

Нав Исус 22:15

Найӧ воисны Рувим да Гад чужанкотыръяс да Манассейлӧн джын чужанкотырыс дінӧ Галаад муӧ да шуисны налы:

Осий 13:11

Скӧрмӧмпырысь Ме сеті тэныд ӧксыӧс, лӧгалӧмпырысь бӧр босьті сійӧс.