Ӧксыяслӧн 1 небӧг 15:13 - Коми Библия 2023

¹³ Самуил локтіс Саул дінӧ. Кор паныдасис сыкӧд, мӧдыс чолӧмасьӧмӧн шыасис: «Бурсиӧма тэнӧ Господь. Ме ставсӧ вӧчи Господьлӧн тшӧктӧм серти».

Ӧксыяслӧн 1 небӧг 15:13 Referans Kwoze

Руфа 3:10

Вооз шуис: «Господь мед бурсиас тэнӧ, нылӧй! Ӧні тэ воддза дорсьыд бурджыка на вӧчин – эн кут корсьны гӧль ни озыр том мортӧс.

Ёрдысьяс 17:2

Ӧтчыд сійӧ шуис мамыслы: «Тэнсьыд гусялӧм сюрс сё сикель эзысьыд ме ордын. Ме кывлі, кыдзи тэ ёрин гусялысьӧс. Тэнсьыд эзысьтӧ ме босьті». Мамыс шуис: «Господь мед бурсиас менсьым пиӧс!»

Лука 18:11

Фарисей сувтӧмӧн кевмысис вомгорулас: ”Енмӧй, аттьӧала Тэнӧ, мый ме абу мукӧдыс кодь: ог горшась, ог пӧръясь, гозъякост олӧм ог пежав. Ме абу тайӧ вот перйысьыс кодь.

Лука 17:10

Тадзи тшӧтш ті, вӧчанныд кӧ тшӧктӧм серти, вӧчӧм бӧраныд шуӧй: ”Ми сӧмын кесйӧгъяс. Мый колӧ вӧлі вӧчны, ми вӧчим”».

Шусьӧгъяс 31:31

Уджыс серти сійӧс нимӧдӧй, йӧз водзын сійӧс ошкӧй!

Шусьӧгъяс 30:13

Курыд шог налы, кодъяс асьнысӧ лэптӧны да вылісянь видзӧдӧны.

Шусьӧгъяс 28:13

Коді дзебӧ мыжъяссӧ, сылӧн нинӧм оз артмы, но коді висьтасьӧ да дугдӧ мыж вӧчны, сы дінӧ Енмыс буралӧ.

Ӧксыяслӧн 1 небӧг 15:11

«Ме чорыда жалита, мый пукті Саулӧс ӧксыӧ. Сійӧ бергӧдчис Меысь да эз вӧч Менам тшӧктӧм серти». Самуил шогӧ усис. Войбыд сійӧ кевмысис Господьлы.

Ӧксыяслӧн 1 небӧг 15:9

Саул аслас йӧзкӧд жалитісны Агаг ӧксыӧс. Амаликъяслысь медбур ыжъяссӧ, ӧшъяссӧ, тшӧгӧдӧм баляяссӧ да став дона эмбурсӧ эз кӧсйыны бырӧдны, бырӧдісны сӧмын ковтӧмсӧ да лёкджыксӧ.

Олӧм 14:19

Ӧврамӧс бурсиӧмӧн Мелкиседек шуис: «Мед бурсиас тэнӧ Медвылысса Ен, коді вӧчис енэжсӧ да мусӧ.

Олӧм 3:12

Адам шуис: «Гӧтырӧй, кодӧс Тэ сетін меным, мыччис меным вотӧссӧ, и ме сёйи».

Шусьӧгъяс 27:2

Тэнӧ мед ошкӧ мӧд, а он ачыд асьтӧ, мӧд вомсянь мед петӧ тэнӧ ошкӧмыс, а оз аслад вомсянь.

Ӧксыяслӧн 1 небӧг 13:10

Вись вайӧмыс муртса помасис, и Самуил локтіс. Саул воча петіс сылы, мед чолӧмасьны сыкӧд.

Ӧксыяслӧн 1 небӧг 15:20

Саул шуис: «Ме кывзыси Господьлысь. Муні сэтчӧ, кытчӧ мӧдӧдіс менӧ Господь. Ме вайӧді амалик войтырлысь Агаг ӧксысӧ, а войтырсӧ дзикӧдз бырӧді.

Ӧксыяслӧн 1 небӧг 25:14

Авигеялы, Навал гӧтырлы, ӧти кесйӧг юӧртіс: «Давидлӧн мӧдӧдӧмаяс волісны овтӧминсянь ыджыдным дінӧ, мед чолӧмасьны сыкӧд, но сійӧ скӧра вочааліс найӧс.

Ӧксыяслӧн 2 небӧг 2:5

Давид ыстіс юӧртысьясӧс Явис карӧ да тшӧктіс юӧртны сэтчӧс олысьяслы: «Мед бурсиас тіянӧс Господь, ӧд ті вӧлінныд бур сьӧлӧмаӧсь Саул ыджыдныд дінӧ [Господьлӧн мавтыштӧмаыс дінӧ] – ті гуалінныд сійӧс [да сылысь Ионафан писӧ].

Ӧксыяслӧн 1 небӧг 23:21

Саул воча шуис: «Господь мед бурсиас тіянӧс, ӧд ті тӧждысянныд ме вӧсна.