Ӧксыяслӧн 1 небӧг 12:17 - Коми Библия 2023

¹⁷ Ӧні шобді вундан кад. Но ме кӧ шыася Господь дінӧ, Сійӧ ыстас гым да зэр. Тадзи ті аддзанныд да тӧдмаланныд, кутшӧм ыджыд мыж ті вӧчинныд Господьлӧн син водзын, кор ті коринныд аслыныд ӧксыӧс».

Ӧксыяслӧн 1 небӧг 12:17 Referans Kwoze

Ӧксыяслӧн 1 небӧг 8:7

Господь шуис Самуиллы: «Вӧч ставсӧ налӧн корӧм серти. Найӧ оз тэнӧ ӧтдортны, а Менӧ, медым Ме эг вӧв налӧн ӧксыӧн.

Шусьӧгъяс 26:1

Кыдзи гожӧм шӧрын лым да вундан кадӧ зэр – тадзи вежӧртӧмӧс оз лӧсяв ошкынысӧ.

Еремей 15:1

Господь шуис меным: «Весиг кӧ Мӧисей да Самуил сувтасны Ме водзӧ да кутасны кевмысьны, Ме ог бурсьӧлӧмтчы тайӧ войтырыс дінӧ. Вӧтлы найӧс Менам син водзысь!

Нав Исус 10:12

Сійӧ лунӧ, кор Господь [Ен] сетіс аморейясӧс Израиль пиянлӧн киӧ, Исус шыасис Господь дінӧ израильсаяс водзын. Сійӧ шуис: – Шонді, сувт Гаваон весьтӧ! Тӧлысь, сулав Аялон ковтыс весьтын!

Ӧксыяслӧн 1 небӧг 7:5

Самуил шуис: «Чукӧртӧй Израиль войтырӧс Миспаӧ. Сэні ме кевмыся тіян вӧсна Господьлы».

Ӧксыяслӧн 1 небӧг 8:6

Самуиллы эз во сьӧлӧм вылас, мый войтырыс корӧ ӧксыӧс, коді кутас веськӧдлыны наӧн. Сэки сійӧ шыасис Господь дінӧ.

Ӧксыяслӧн 1 небӧг 12:13

Господь пуктіс тіянлы ӧксыӧс, кодӧс ті коринныд да бӧрйинныд.

Ӧксыяслӧн 1 небӧг 12:19

Йӧзыс шуисны Самуиллы: «Кевмысь миян вӧсна Господьлы, аслад Енлы, медым ми, тэнад кесйӧгъяс, эгӧ кулӧй. Ми корим ӧксыӧс, тадзи асланым мыжъяс дінӧ содтім нӧшта ӧти мыж».

Петӧм 32:30

Мӧд луннас Мӧисей шуис войтырыслы: «Ті вӧчинныд ыджыд мыж. Ме кая керӧс вылӧ Господь дінӧ, гашкӧ, верма вештыны тіянлысь мыжнытӧ».

Ӧксыяслӧн 1 небӧг 2:10

Господь бырӧдас Сылы паныд кыпӧдчысьясӧс, енэжсянь гымыштас на вылӧ. [Господь вежа. Мывкыда морт мед оз ошйысь аслас мывкыдлунӧн, вына мед оз ошйысь аслас вынӧн, озыр мед оз ошйысь аслас озырлунӧн. Но ошйысьысь мед ошйысьӧ сыӧн, мый гӧгӧрвоӧ да тӧдӧ Господьӧс.] Господь мыждас муюгыдын олысьясӧс. Сійӧ вынсьӧдас ӧксыӧс, кодӧс бӧрйис, Ассьыс мавтыштӧмаӧс вылӧ кыпӧдас.